شتل عنبر

البارت الخامس

السلام عليكم

شتل عنبر

بقلمي. Wasan Alsaad

البارت. الخامس

راح ابوگ اللي چان خيمه
وخلصت ايام الربه
راح تعطش للمحنه
وگلبك الهجران راح يعذبه
بعد ماتسمع البويه
لالا ولا حجايه مهذبه ...

( منقول. مرتضى حرب)

ديارنه. خيم عليها الحزن واصبحت مظلمه. عمامنه ملجومين. بموته عمي ابو. سعد
اللي بجته الطايفة بصغارها وكبارها. كلها. طلعت. وراه بالتشيع النعش. مشيول على اجتافات اولاد. عمامي. كل ساعه يتناوبون عليه جوكه. وسعد ماخذ الركن الأيمن. مارضه احد يبدله

عمامنا الكبار. يتبعون الجنازة. والناعي ينعى بكلام. يگطع انياط الگلب وبيارغ العشيرة
شيالها. يتنومس. بيها اليوم. تهتز. حزن. على واحد. من عضاها

والنسوان محزمات ومعصبات. ومغطيات حلوكهن. بس الخشم يلوحه الهوا يمشن ورانه بس نسمع صوت نعاويهن ودكه اللطمه على. زنودهن. زتيناه ( ودعناه) من. المغيسل. بجامع. الديره. لبيتهم. لحد مضيف العمام ومناك. يأخذونه. الدفانه. للنجف

خلوا. النعش. بالكاع مكابل مضيف أبوه وأجداده. يودعونه. ويودعهم

مامش. شي. يوصف اللوعه بگلوبنه بس. صوت. الثغيب.
الكل بجه عمي ابو سعد. الزلمه الطيب المعدل. الي ما يعرف. العيبه

والمهوال. يشعر. وانه فكري. سارح ويه. سعد. المنحني وهو واكف وسط. العمام
ياترى. شنهي تاليتگ ياسعد. وشراح يسده عليگ حملگ ثچيل

وعيت على صوت. الدبجه. ورباط الهوسه يگول

اليوم تضعضع ركن من عضاي

رفع. سعد. المدنچ. وعينه على. النعش. احسه يعاتب. ابوه. ويگله. عجلت. يابويه
ورحت شنهي. حالي. من وراگ. صارت. عيني. بعينه. تمنيت. هالدمعه اللي. لازمه. موگ ( موق: مجرى الدمع طرف العين اللي بيه الغده الدمعيه) . العين تطيح. وارتاح. وتطفي. جهنم اللي موجره ( مشتعله). بفادي ( فوادي. ، صدري )
وواسي. اخي. بمصابه ومحنته. تمنيت. ابوي. يخليني اروح وياه بدفن. ابوه. بس.
سعد. وأبوي ومعلم. مزهر واثنين من اولاد عمنه راحو. والله يخلف. علينه. باللي راح ويحفظ كبارنه خيمه. على رووسنه

اسبوع. بيوتنه ما فرغت. من الوادم. فاتحه. الزلم. بالمضيف. واحنه مرابطين وبالخدمه. ليل والنهار. لحد. وره غروب يوم السابع. كلها طشت لبيوتها ودينه سعد لبيته وهاي. اول دخلته على امه خواته.
ابوي وعمي ضمد وجم واحد من العمام. راحو. يصلون. بالجامع. واحنه من كثر. صماخ. موكد الگهوة وشيل صفاري الطبخ والتوزيع. صار. لزم. نبدل هدمتنه

دخلت لبيتنه مثل عادتي اول ما ادور على صوت امي

صحت
" يمه. ..يمه. يا الحنينه وينج .. هيله ..حسنه وينجن يا بنات "