شتل عنبر

البارت. الرابع عشر

السلام عليكم 
ما اعرف. هاي. المحاوله شكد. لنشر. البارت.    ارجو. المعذره. بس. السبب بالتأخير. خارج عن ارادتي. النت. تاثر. بمنطقتنا.  بسبب. عاصفه    مطر. ورعد.     اذا   نجحت. محاوله من. محاولاتي. وقريتوا. البارت.  عذروني.   على. احداث البارت. بس. شسوي. هاي. حياة. اصحاب. قصتي 

شتل عنبر

بقلمي Wasan Alsaad

البارت. الرابع عشر

موچرة. ( مشتعلة). عليه  دنياي مثل  چانون ( منقله.). الكهوه بمضيف. معزب. ما تهفت ( تنطفي)
نار كهوته ... هيج. دواهي. الزمان. وياي.  وهاي ضربه من. ضرباتها ...

الطبيب.  يحجي.  ويثني ( يكرر ، يعيد). لازم. نبتر. ايد اخيتي.  بأقرب.  وگت
وانه. اهيس. من. يحجي.  عامود ظهري. انكسر. وانه. أعاين. لاخيتي.  اللي. طول عمرها. ساندتني
مدنگه. و دموعها. تطيح ....

احجي. بگلبي وياها شبيدي عليج. يا اخيتي  ايدي. ما تلوح. تتلاوه ويه. كتبة رب العالمين. عليج وعليه

رديت اركز بحجي الدكتور. من سالنه
" وهسه شنو قراركم. .. انا وضحت الكم التاخير مو. بصالحكم. اعرف
القرار صعب "

من شافتني ساكت ومالي. گلب. انطگ.  هي حجت.  وصوتها بيه. رجفه.   وتحاول. تخفيها
" هاي هي.   خويه. الدكتور    مسلمه امري. للواحد. لا شريگ اله. هو اللي خلگني وهو. اللي يكفلني ...
يمته. ما جان ... رفعت. عيونها عليه ... ها خويه خلف. نكصها. هسه ونمشي لأهلنه "

حاولت.  تستسهل. بالموضوع. جنها. جاي تشلع. شوكة  من. جلدها.  وادري. هذا.  رد فعل  تحاول. بيه
تخفف عن روحها وعليه.

جاوبها. الطبيب
" لا مو اليوم. لازم. اكتبلج  دوه. يخفف. الالتهاب  ونأخذ.  فحوصات دم.  وره يومين. 
لازم تجين. ...  واشوفج.  ماخذه الامور  بصوره  جيده.  "

طلعنه من يمه. نمشي. بالمستشفى. بيدي.  الأشعات. والتحاليل والدوه. وهي تمشي وياي. متلفلفه بعباتها.
واعاين ليها. كل شويه تشيل. بايدها. يمكن تودعها. لو تعاتبها

حجيت وياها. واحنه نتتظر. عربانه تمر   ونصعد بيها.  نرد لأهلنه
لا انا بيه حيل مشي وره. هالخبر. واكيد. هي. منا الصخونه  ومنا.
قرار. الطبيب

". هيله. ذكري الله يا اختي. .. ربج موجود ومن. الباب للگوسر (  جرجوبه ، إطار. الباب ) الف. فرج
وباجر. من فجر الله اخذج ونمشي  للبصره.  ( مركز المدينه). ونشوف. غير. دكتور. شيكول "

بصوت حاولت تخفي. الكسره اللي بيه
" لا يا اخوي.  لا تعب نفسگ وتكلفها. هاي هيه راضيه بكتبت.  ربك.  "

اجت العربانه. وكتلها
" صعدي وعيب تحجين  هذا الحجي.  بعدين نوصل. للبيت. ونحجي "

وصلنه. للبيت لكينه امي ونوريه.  كاعدات. يتانن.  ردتنه. وامي محضره واهليه تطشها. على سلامه
هيله   جانن يضحكن.  واسمع. نوريه تكلها  هسه. تفرح من تشوف ثوبها جاهز.   دخلنه عليهن. كامن
يسلمن على هيله.  ويتحمدن. الها السلامه
امي تطش بالجكليت  وتحضن. بيها
" يمه. الف. الحمد لله.   من طابت ايدج. ... بالمبارك. والله. لا يراويج   مكروه 
... يمه.  من دون. البزره ولو خواتج. ماهن مكصرات. بس. انتِ مرضيه
روحي.  گلبي وربي. راضين عليج  ربي يسعدج ويه وليد عمج ويرزقج. بالذريه "
بحضن. امي. وهيله  بعد ما تحملت. كامت. تبجي. امي. وخرتها من حضنها
وهي تسأله. وخايفه وما تعرف معنى لبجيها