شتل عنبر

البارت الثالث

السلام عليكم

شتل_عنبر

البارت. الثالث

بقلمي
Wasan Alsaad

كاعده بحوش. بيتنه وگت. الضحى خلصت. كل. غرض البيت غدانه. يتهدر. على. البريمز اليوم. الاربعاء. وابوي. معلم ( متعود). يتغده. مثل ما تعود من اهله وكل. سلفنه هيج غداهم يصير. سمج
عبن. مندوب. ( مذكور). اكل السمج. نهار الاربعاء. يزيد. الرزق وتحل البركه بالبيوت

واليوم. ركبتلهم. تثخانه. ( مثل مرك السمج. الفرق. ينضاف اله. تمن. منقوع ومدكوك. حتى تثخن. الصلصة) وعجيني گبل. لا يأذن. اذان الظهر. اخبزه

ايدي. ملتهيه. بالابره. اخبن. بعباية الراس. لهيلة بنت عمي جبر.عمتي ام. خلف. كلفتني. اخيطلها. عبايه راس. بس. فكري سارح. وحسبه تجيبني وحسبه. توديني.

احسب. بسنيني ١٦. شنهي اللي يشوفني. من بره يحسدني على. عيشتي وخلقة رب العالمين اللي رزقني بيها. واللي صارت. نقمه عليه اه اه الف الحمد لله

كضيت اول. سنين عمري بين دلال ابوي. كون. من. عمري على عمره وبين. قسوة حبوبتي ام ابوي اللي
بسبب كرها لحبوبتي. ام امي. وهي مراة حماها. كرهت. امي
وراوتها. المر. من يوم اللي دخلت بيه. عروس واچه الحظ. الردي. وكملها. صح امي حبلت. بساع. بقادر. وجابته. بس. بعدها ما. حبلت.
ولگتها جدتي. حجه وركصت لها. بچفيه. وزوجت ابوي لحرمته الثانيه. هم. من عمامنا. بحجه. الخلفه.
وصدك. مراه ابوي. وره عرسها خلفت دحام. اصغر من قادر بسنتين وحسن. وراه. بس. فرق البطن
وكاظم. وراه وانا. ومحمد صرنه. بنفس. السنه
بس مراة ابوي. ماتت بولادتها. لمحمد. الله. يرحمها. وحبوبتي لا ربحت ولا فرحت. برباة الولد
عبن. حبوبتهم ام أمهم. نخت ابوي ورادت منه. يخليه اولاد بتها يمها. تربيهم
وابوي. حتى. يبعد. أولاده. بين. الحرب بين. العمه والچنه وهم. أيتام. خلاهم. عند خوالهم.
بس حبوبتي سوت اللي براسها. وصبت.كل كرها برأس. قادر. وربته
وخلته مثل ما هو. هسه.

وردت تزن وتحجي على الخلفه. بس رب العالمين. ما تخله عن. امي ورزقها. بناصر.
اللي وره ما صار عمره ستة اشهر
الله اخذ امانته. وحبوبتي. توفت الله يرحمها ماينذكر. من الميت. بس زيناته اللي ماشفنه منها شي

ولليوم. امي بعد كل هاي السنين. بعدها. عطابات ( جويات) حجايات. حبوبتي. يچون (. يحركن ) بصدرها
شكد رادت. تحبل. ما. الله قسم الا. هاي السنه وامي. كربت. ولادتها
وكلنا. ندعي. تذب حملها وتگوم. بالسلامه

وانه. محضره. روحي. لهذا. الفرخ ( الطفل. سواء. ذكر او انثى) صدك. ساعدت امي. برباة ناصر. بس. جنت. اصغر من هسه
بهذا عمري بنات عمامي اللي بحلي. صارلهن. جم سنه وهن امهات. واحنه اهلنا يربونه من الصغر ويلعومنه. شلون نصير امهات. حظي. ما اريد اكول عنه ردي
على كولة. العلويه. خالة امي بالرضاع كل شي من ربج. حلو. وما. منع. لو عطل عنج شي الا لغايه محد
يدرچه ( يدركه) غيره سبحانه
افيه( أفيش). يا كعدته شگثر. احبه وأحب اسمع حجيها اذا مو يوميه بين يوم ويوم امر. عليها. اشوفها
شمحتازه شي اكضي. غرضها. هي والسيد. كبروا. وصاروا عكب ( عقب::من غير. ذريه)