شتل عنبر

البارت ٩٤

السلام عليكم

شتل عنبر

بقلمي Wasan Alsaad

البارت ٩٤

ما اصعب ما قد يواجهه الانسان ؟
أن يحتاج الهروب من نفسه ولا يعرف اي الاتجاهات ياخذ

منقول

.......،،...،...،،،،،،،،،،،.....

مواجهة الإنسان لنفسه بحقيقته المجرده بعيدا عن كل الاقنعه اللتي يرتديها والحصون
اللتي يتحصن بها تتطلب منه قوة و وعي
والاهم من المواجهة هو الإقرار بحقيقة ذاتك ومحبتها على ما عليها من سلبيات قبل الايجابيات

رجع سماعة التلفون لمكانها ما زالت صورتها محتله الشاشه أنتجه على الكرسي وسند راسه عليه وغمض عيونه لدقايق

سحب سلسله المفاتيح من جيبه طلع مفتاح صغير فتح بيه الدولاب الموجود بمكتبه وسحب منه ملف عليه اسم عياده طبيه

فتح الملف وقرا اول ورقه
بيها معلومات الشخصيه
وراها قلب الأوراق الى ان قرا تشخيص طبي ومصطلحات علميه ونفسيه
بالاخير الخلاصه مكتوبه بخط واضح ومضلل عليه بخط اصفر

Narcissistic personality disorder
( اضطراب الشخصيه النرجسيه )

ومثل عادته من يواجه حقيقته يحس من نفسه بأحراج يوصل للشعور بالعار گأن
العالم كلها تعرف بيه وراح تعيره او تنتقده وتقلل من شأنه وهذا الشي
اللي ما يتحمله

تذكر كيف قبل سنتين بالتحديد ويه ولاده ابنه وبعز إنجازاته ونجاحاته
اجاه شعور بتفاهة كل اللي حوله وأنهم اقل منه وما يستحقون اللي وصلوله
او ان يكونون مقربين عليه سواء ان كانوا زملاء بالعمل او حتى الاشخاص اللي يعرفهم
على عدد اصابع اليد من أصدقاء وهم بالحقيقه أقارب نرجس ومعارفها

صار اقل اجتماعيه ويقابل دعوات الخروج ويه زوجته والاصدقاء بالرفض وتطورت الى ان يقلل من قيمتهم او ينتقد تصرفاتهم بينه وبين نرجس

الى ان شويه شويه ابتعد عنه الكل او هو انسحب من الحياة الاجتماعيه اصبح شغله الشاغل
العمل والتقدم بيه والوصول لمنصب اعلى وامتيازات اكبر

حتى الطفل اللي كان فرحان بولادته بعد ايام وهو كاعد يم سرير الصغير يحس فقد الحماس بوجوده يحس نفسه فقد معنى او شعور الفرح

حس بنفسه تعبان وبدا هذا التعب ياثر على صحته العامه
وبتردد شديد وصراع ويه الذات بالاخير قرر يستشير معالج نفسي