السلام عليكم
شتل عنبر
بقلمي Wasan Alsaad
البارت ٨٨
......................
" نحن الذين نجيء في صمت
ونمضي في سكون
نحن الحيارى الصامتون
نحن الخريف المر نحن المتعبون "
للشاعر فاروق جويده
.................................
اصعب جرح هو جرح يأتيك من شخص عزيز وان كان هذا العزيز هو مصدر امانك
سيصبح الجرح أعمق بعمق المحبه المتجذرة
ذكريات طفولتنا هي اصدق الذكريات وأكثرها رسوخ بالذاكرة بحلوها ومرها
اول ايام رمضان المصادف الايام الاخيره من سنة ١٩٩٨
رجعت فرح من الاستقبال بنيتها تاخذ كلاص ماي لجدها اللي بقى يرد على التلفون وصلت للهول تريد تطلب من وحده من خواتها الكبار ماي انتبهت
المدفع بتلفزيون بغداد ضرب مشير الى وقت الافطار كامن يهوسن هي وآيات
دك المدفع دك دك المدفع دك
" اي جوعانه انطيني طوبة تمر آيات راح تخلصيها "
بعدها طلع دعاء الافطار بالتلفزيون ركضت سحبت مفرش الطبله وخلته
على راسها ورفعت أيدها
بهذا الوقت اجت فاطمه سالتها وهي تشوفها تتربع يم آلاكل
" فروحه منو بالتلفون
رفعت أكتافها
" ما ادري جدو اخذ التلفون ، ياااا جدو راد ماي نسيت "
كامت غفران بعد ما ترست كلاص
" لا بعد وكت عليمن مستعجله "
اقتربت من الباب شافت جدها واكف على حيلها ومنطي الباب ظهره ورغم منصي صوت بس العصبيه واضحه بنبرته ومن قبضه ايده اللي سادها بقوه
وكفت وهي تسمعه يكول
" بناتك ؟ بعد وكت هسه ياله ذكرت عندك بنات " وبين لحظات الصمت اللي يستمع بيها للطرف الثاني شكت منو المتصل وايديها الشايله كلاص المي كامت ترجف
" شوف كل اعذارك هاي عندي مثل رماد الكواغد ماكو اخف منه من يحترك يثعول وينثر
بعدين ينداس ، وانت هيج عندي مثل ما حسبت حساب لا اللي ابوك ولكبرتي ولا لمرتك وبناتك ولك سوايتك بس اللي ماعنده غيره يسويها
أنت تقرأ
شتل عنبر
Literatura Femininaقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
