السلام عليكم
شتل عنبر
بقلمي Wasan Alsaad
البارت ٥٧
الحب
ياحبيبي قصيدة جميلة
مكتوبة على القمر
الحب مرسوم على جميع اوراق الشجر
الحب منقوش على
ريش العصافير وحبات المطر
لكن اي مراة في بلدي
اذا احبت رجلا
رُميت بخمسين حجر
( نزار قباني )
..............
بداية اذار ١٩٨٤
بعد ان قضى شهر تنويم بالمستشفى التعليمي في البصره
لمتابعه حالة إصابته الحرجه والبليغة فالجرح عميق وبمنطقة
الاعصاب
بعدها نقلوه مع كافه التقارير الى المستشفى العسكري وتنوم اسبوع حتى
تفحصه لجنه طبيه وتصدر له اجازه تناسب حالته
وتعيد صياغه التقارير وتحولها الى لجنه الطبيه العليا بغداد
اللي تنظر باعفاء الجنود المصابين والمعاقين من الرجوع للجبهة
االلي كانت معروفه بلجنه ( شرحبيل)
اليوم هو يوم خروجه للبيت بعد ما اعطته اللجنه بالمستشفى العكسري اجازه ٣ اشهر
بيت ناصر اللي ماشاف الفرح من يوم استشهاد مسلم
اليوم زاره الفرح والذبايح محضريها بالباب والاهل والعمام من بعيد وقريب ملتمين
ام قادر اللي صارلها سنتين من استشهاد ابنها وهي طريحه الفراش وصحتها
بالنازل اليوم كامت على حيلها وتركت فراشها وغرفتها وكعدت ويه
الحبايب اللي جايات يتباركن بسلامه حفيدها بالهول
صحيح مبين عليها المرض والكبر اللي يشوفها الان عباره عن كومة عظم هزيلة ملا بسها اصبحت اوسع عليها ثلاث مرات وجه اللي من الضعف ظهر بيه خسفات وعيونها الجميله الحزينه غايرة واختفى بريق الحياة والعافيه منها لكنها تبقى بركة البيت والام اللي لامتهم كلهم
كاعدات يمها نسوان عمام خالد ( دحام واخوانه ) وكلثم وفيه اللي اجت وحدها من غير بناتها
ونوريه بالمطبخ وجوه ايديها شمسه ونهلة يحضرن ضيافه وماي وجاي وتحضيرات طبخ الغده
وكفت نوريه باب المطبخ وشافت حسين ابن مسلم ابو ٥ سنوات بالحديقه واكف وغنى مثل عادتها لازكه بيه واثنينهم مكابلين الخروف اللي جايبيه فدا يوكلونه حشيش ، اشرتله وجاها يركض ومثل ما يسمع امه وأولاد عمومته ينادوها بيمه هو هم قلدهم
" ها يمه نوريه "
أنت تقرأ
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
