السلام عليكم
شتل عنبر
بقلمي Wasan Alsaad
تكملة البارت ٨٤
.........................
العيون كلها متوجه لعنبر اللي اغلقت السماعه
وهي خايفه من نتائج اللي راح تكوله
خلت السماعه بهدوء واجاها سوال من كلثم
" هاااا يمه بشري شكالت البت "
رفعت نظرها وعاينت على الكل نزلت عينها على ايديها المتشابكة
وكالت
" اه ، سرى تگول اخوها موافق بس علمود يقنع ابوه اللي يخاف
ينطي الغريب خاف يعذب بنته ، ياخذوني كصه بكصه حتى يضمنون
بنتهم ما تتعذب ويه العيال ..."
قبل لا تكمل كلامها اجاها صوت مزمجر اخرس الكل وانطه
الامر النهائي بالموضوع
" يخسه هو واخته ، انطي بنتي لهيج همج شنو من بشر
ما شايفين ناس لو بس بتهم عزيزه عليهم وبنات العالم لا
شوفوا كلكم هذا اخر يوم اسمع بسيرة هاي البت تنفتح خطبه
وما صارت شنسوي نروح نبوس الايادي
هذوله اهلها ناس متعافيه مبينين لا عدهم حظ وبخت اللي يدور ضمان
وخايف على اخته لو بنته من العيال معناها يشوف روحه شكثر مو ادمي
ويه بنات الناس وكل ظنه أصابعه سوه
أسمع امجد دومي ما تدخلت باختياراتكم
اكول هاي حياتهم و هم اللي يعيشوها
بس اليوم لا اريد اصير مثل باقي الاباء
سالفه انطي اختك حتى يرضون ينطوك هاي حتى بأحلامك لا تحلمها
وأخيرگ بين رضاي وبين هاي البنت ادري بيك
ما راح تجوز منها وتحشم عمامك وتاخذ ناس لابوها
بس صدكني بويه هذوله يشلعون گلبك مو خوش وادم
وانت بكيفك اختار بس بساعه تروح مجرد روحه تحجي ويه اهلها مرة ثانيه
اعتبر روحك يتيم حتى ابوك مات وحتى اخوك ما مبري الذمه اذا
راح وياك
وينك ايهاب ، تعال جدي أخذني لحجرتي يمشي
وهو يحجي بقهر .. والله بس هاي ظلت انطيهم عنبر
وصل الباب بمساعده ايهاب ... شويه اوكف بويه والتفت صوبهم
خو انا ما أشوف بس وحق تراب العزاز من سلم عليه وسمعت حسه وكالوا هذا اخوها
تصورلي راس ثور كدامي
أنت تقرأ
شتل عنبر
Chick-Litقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
