السلام عليكم
شتل عنبر
بقلمي Wasan Alsaad
البارت ٩٧
..........
لم أعد قادراً
على حبس أسمكِ في حلقي
لم أعد قادراً
على حبسكِ في داخلي مدة اطول
ماذا تفعل الوردة بعطرها ؟
أين تذهب الحقول بسنابلها
والطاووس بذيله، والقنديل بزيته؟
أين أذهب بكِ؟ أين أخفيكِ؟
نزار قباني
................................
البصرة بداية ٢٠٠٥
كانت بناية محكمه المعقل مكتضه ناس أشكال وأنواع وقضايا مختلفه
جالسه مع الموظفه اللي تسجل معلومات عقد الزواج
حتى تخلص الإجراءات وتعطيها لموكلها ويدخل يكمل عقد قرانه يم القاضي
كانت هذه هي القضايا اللي بدات غنى بأخذها وهي تشتغل بمكتب محامي جبير
اله اسمه وكان احد المحاضرين اللي درسوها بالكليه واله معرفه بوالدها
تفاجأت بالصوت اللي كان عابر بالصدفه ولمحها كاعده فرجع
" غنى "
التفت وعلامات الاستغراب ظاهره على وجه
" حسين ! "
تقرب منها وبسمه مرسومه على وجه ومبين عليه الارتباك من حركات وجه وسرعه كلامه وهي وكفت مقابله
" شلونج غنى ، اممم وهو يلتفت وراه جاي ويه صديقي اشهد على
عقده ما توقعتج هنا تداومين كل ظني بالمحكمة الجبيرة ، شلونه شغلج ان شاء الله مرتاحه
تردين شي محتاجه شي "
ابتسمت وجاوبته
" هلا حسين ، يعني مو سوه حسب القضايا مرات هناك ومرات هنا مرات بالزبير وشغلي حسب التساهيل بعدني ما معروفه اخذ قضايا بسيطه من المكتب اللي اشتغل بيه لو اعقب معاملات ، هههه انا اللي لازم أسالك هذا السوال مو انت ، صدك محتاج صديق شي مساعده لا تخاف ما ناخذ منك أتعاب "
جاوبها
" لا هو هم خال محامي وحايره كله كل شي تمام جيب شهود وتعال واجينه
سمعوا صوت من وراهم يصيح على حسين
وينك يا معود ندور عليك يله فضنه
انتبه على الواكفه يم حسين وبنظره تفحصيه
من اعلى راسها الى اخمص قدمها قيم شخصيتها الواثقه من وكفتها الشامخه
وملابسها الانيقه الرسمية المحتشمه سترة نيليه صف واحد دكم وتنوره عدله ( بنسل)
وقميص ساده ابيض وحجابها نيلي بيه طوبات بيض مشدود ليوره بدون اي مكياج ما عدا الكحله اللي بارزه عيونها الكبار
أنت تقرأ
شتل عنبر
أدب نسائيقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
