شتل عنبر

البارت ٥٥

السلام عليكم

شتل عنبر

بقلمي Wasan Alsaad

البارت ٥٥

بابا...بابا "
ينسابُ صوتُك في الظلام، إليَّ، كالمطرِ الغضيرِ
بنسابُ من خَللِ النُعاسِ وأنتَ ترقدُ في السريرِ
من أيِّ رؤيا جاء ؟ أيِّ سماوةٍ ؟ أيِّ انطلاقِ ؟
... وأظلُّ أسبحُ في رَشاشٍ منه، أسبحُ في عبيرِ
فكأنَّ أوديةَ العراقِ
فتحتْ نوافذَ من رؤاكَ على سُهادي : كلُّ وادِ
وَهَبتهُ عشتارُ الأزاهرَ والثمارَ.كأنَّ روحي
في تُربةِ الظلماءِ حبّةُ حِنطةٍ وصداكَ ماءُ.
أعلنتِ بعثي يا سماءُ.
هذا خلودي في الحياةِ تكنُّ معناه الدماءُ.

( قصيدة : مرحى غيلان )

( للكبير بدر شاكر السياب )

.......

يوم ٨-١-١٩٨٤ قبل المغرب بقليل / مستشفى الموانى

دخلوا خالد ونهله لقسم الولاده بعد وكفه يم التفتيش بالاستعلامات والموظف اخذ الاكل وحتى الفواكه وترمز الجاي اللي كانت نهلة مجهزته
اخذه منهم لان مريضتهم بعدها بصاله الولاده ما تحولت الى منام
فممنوع دخول الاكل

وهم يمشون بالممر
" كتلج ما يخلونه يدخل بس اخ من تعاندين "

جاوبته وهي لازمه بيده حتى يمشي بمستوى خطواتها ما تكدر تسرع مثله
" لا والله اكو بيهم حبابين يدخلون بس هذا حقنه وبعدين انا لخاطر امي جبته ادري بيها صايمه هي تصوم كل اثنين وخميس وادري بيها ما تاكل
اكل المستشفيات لو المطاعم "

عاين الها من طرف عينه

" انوب حبابين هاي شنهي ، وعمتي انا ادبر امرها حيري بروحج "

ردة عليه وهي تعرف بيه يدقق ويغار حتى من الكلمة

" فدوه اروحلك مو وكت زعل هسه تدري كل زين شنو اقصد بحباب يعني متساهل و أريحي ، بس ادري انت تريد حجه لان بالكوه والتواسيل رضيت اجي وياك "

رفع حاجبه
" هسه طلعت انا مو خوش غير خايف عليج اشوفج حامل وتعبانه منا البيت وبنتج والمستشفى بيها اشكال الأمراض وهم اجنبج تشوفين الجرحى اللي يجيبوهم خاف تنهبطين ، وحبابين ما سامعها امي لو امج تكول عن غير زلمتها حبابين خوش والله "

كوه كاضه نفسها لا تضحك وتزيد عصبيته من الغيره اللي شعلتها كلمه حبابين
" يا كلمه ردي لمجانج دكة بيده على حلكها سكتت بعد ما احجي ،
لا تزعل ولا تشيل بخاطرك محد حباب بالدنيا غيرك ، بس فدوه هسه مو وكت دهره"

مستمر يمشي على كيف يواكب خطوتها والا هو يخلص الممر بخطوتين

" انوب صرت اداهر رحمه الله والديج ، مو وكتها هسه بعدين نتحاسب