السلام عليكم
شتل عنبر
بقلمي Wasan Alsaad
تكملة البارت ١٠٩
.........................
أما أنت ....
فصمتك احتواء، تشعر بما خفي في قاع روحي
من غير ان تنطق شفاهي
أما أنت ....
رزق خالقي ، ودعوة امي ، وجزاء صبري
استقامة ظهري وشريك الروح ....
جاوبه ايهاب
" بيها الخير ما طلبت الا حقك ، بس غير نفتهم مختار بنت الحلال لو تريد أمهاتك
يختارولك"
بلع ريكه وهو يشوف أزواج من العيون موجه اله
" اي موجوده "
طفر محمد
" حياك وانا اكول الولد مو خالي حسراتك توصل للصين "
ايهاب سكت محمد
" اكعد محمد وما اسمع صوتك خلي اخوك يحجي
احجي علي منو هي ومنو اهلها وين تعرفت عليها وياك بالكليه "
كام علي وكعد يم ايهاب بعد ما زاح حنين
" كومي انتِ ، هي وياي ومو وياي وأنتم تعرفوها وتعرفون اهلها"
قاطعه محمد
" حزوره هاي"
نبه ايهاب
" محمد شكلنه ، خله ايده على حلكه بمعنى سكتت والتفت ايهاب لعلي
كمل واحجي مباشر من غير لف ولا دوران "
حك علي راسه وكال
" اللي اريدها فاديه بنت عمي مصطفى ابو رافد"
ابتسمت امها
" اي هيج و ريح گلبي يا زين ما اخترت ، شفتيها ام ايهاب بمهر غنى اصغر بنات مصطفى جانت كاعده يم ايات، التفت لابنها وين شفتها ولگ "
جاوبها
" مو اكلج وياي بالجامعه بس بغير كليه تدرس أدب انكليزي "
رد عليه ايهاب
" بيها الخير ان شاء الله احجي ويه ابوي واكيد ابوي يفرح
من يسمع بنت منو تريدها ، بس اهم شي عليوي خو ما ظليت تحوم
داير ما داير البنيه وتدك وياها دروب وسوالف
والله جدي يعلكك باب الديوان وهو حالف "
أنت تقرأ
شتل عنبر
ChickLitقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
