السلام عليكم
شتل عنبر
بقلمي Wasan Alsaad
البارت ٥٦
من قال ان لكل انسان طريق محدد و واضح في الحياة لا يتقاطع مع الاخرين
دروب البشر تتقاطع وتتشابك كتشابك أغصان الأشجار
نحن لسنا احرار بالمطلق ، نحن مقيدين بسلاسل
العرف والمجتمع والمصالح ...
جملنا معاني القيود ووضعنا لها تسميه حكم العقل و تناسينا ان
المشاعر الإنسانيه مصدر فص كامل من فصوص العقل البشري
يسمى بالعاطفي وقللنا من قيمه المشاعر بنعتها ان مصدرها عضله
لا عمل لها سوى ضخ الدم
نحن من عقدنا الحياة بالنظريات والفرضيات نحن من لوثنا
الأفكار والميول وجعلنا حياتنا ككرة خيوط صوف متشابكة ...
.....................
بعد يومين من ولادة ازهر ابن منصور
الساعه خمسه الفجر
لَبْس ملابسه العسكريه المغسوله والمكويه وكف يمشط بشعره
المزين حديثاً اخذ ساعته يلبسها من خلال المرايه صارت عينه
على جنطته اللي جاهزه من البارحه ، رجع يتجول بنظره لباقي اجزاء الغرفه
جربايه بنته الفارغ بعدين بسرعه انتقل لوسط جربايتهم وشافها شلون نايمه مثل الملائكه
فارشه ايديها ورجليها ونايمه بالعرض تذكر البارحه وهي نايمه على صدره شلون تدفع برأس امها اللي نايمه على ايده وتكلها
" لوحي ، بابا ماتي "
ونهله ترده وكانها بنفس العمر والتفكير
" مو بكيفج اصلا انا قبلج "
اثقل اللحظات هي لحظات وداعه الهن ... بوده كون يضمهن بقلبه وياخذهن وياه
لاي مكان ما بيه خوف وموت وفراك ...
اتحسر بحزن وهو يذكر الله ويحمده
انفتح الباب ودخلت نهله مثل كل مره الدموع تلالا بعيونها بس تضغط على نفسها وتقاوم ما ينزلن كدامه
طول النظر الها هل المره يحس ما شبع منها مشتاك الها حتى وهي كدامه
مشتاك يعيش أيامه ويه محبوباته كل تفاصيل ايامهن
بنته كاعد تكبر وهو ما تهنى بيها ، طفله الثاني هل راح يحضر ولادته
لو مثل غنى ،
انتبه لعلاكة القماش اللي مخيطيها من بقايا القماش ومبطنه بكونيه ( كيس) من مالات الطحين من يخلص
سالته
" خلصت "
هز راسه وسالها
" شنو هاي العلاكه "
أنت تقرأ
شتل عنبر
Literatura Kobiecaقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
