السلام. عليكم
شتل عنبر
بقلمي Wasan Alsaad
البارت الحادي. عشر
دولاب. مكينتي تدور وفكري يدور وياها. ..... جسمي. وحتى سمعي. ويه. الجويعدات وياي.
يسولفن. وهن. امي. وسعده. اللي. فرحانه والدنيه ما سايعتها چي رب العالمين. انطاها. مناها
وخطبها. خلف ابن عمي جبر. واليوم انه كاعده. افصل. ثوب مهرها
فرحتلها كلش. هل بت. يتيمه وما شفت. فرح بحياتها ولا راحه. وهي كل املها. تلكه الراحه و الأمان وياه
وخلف. نشمي. الله يهنيهم ويسعدهم
من يوم. اللي علمني أبوي. بالخاطب الجديد من عمامنه المطرفين. وأنه. عصره بگلبي. ما اعرف. أفسرها
ادري بعد رأي أبوي انه مالي رأي واكيد. هو. شايف بيه. شي. لصالحي وأدري. انه عزيزه عنده
وما يذبني. شلون ما چان
وأدري. بروحي كبرت. ومحد يفكر بوحده عدت. نص عشيرنها اللي بعمري. ولدهن. على وجه. زواج
بس اكو. عصره. بكلبي ما مرتاحه ما اعرف ولا اوچد. شنهي. سببها وكل. ساعه عيني ترف.
وانه مجربتها. من ترف وراها. بجي هواي.
الله. كريم. فال السو للعدو.
نادتني سعده مرتين. ثلاث ياله جاوبتها
" نوريه ... نويره ... خايبه هلا. وين سيستي"
رديت. عليها من غير ما اشيل شوفي عن النفنوف المشجر اللي وصيت
الدلاله تجيبه. من السوگ ابيض وبيه ورده خضره فاتحه.
يلوك ويه. سمرتها. الحلوه
" اسمعج سعده بس. عيني على الخام. لا يخرب. احجي. شتردين "
تدنت يمي وتگربت وهي تمصمص بشفايفها
دارت وجه من كل صوب. تريد تشوف اكو. احد يسمعنه
وطلعت من جيبها. خركة صغيره. ما ادري شنهي. صاره بيها
كالت.وهي. تتمضحك. وتسد حلكها بيدها. ومستحيه. من اللي تريد. تحجيه
فتحت الصرة وطلعت منها مكحلة. وديرم.
". نوريه اريدج تعلميني. شلون اجر. الكحل بله الديرم. عرفته البنيات على نهر. علموني. بس الكحل.
كابلت. المرايه. صخمت عيوني. وما دبرتها "
صفنت. بوجه
" منيلج. هذني وشلون تعرفيهن "
كاعده متربعه. وبيدها. الغريضات ذبتهن بحضنها وتخصرت
" يااااااوشبيه ما اعرف هم. اسمع من الوادم واسال واتعلم.
غير انه. حديثه ( شابه). واول. وتالي. اصير حرمه عند زلمه
غير. اعرف شلون. اتعدل. واتزوگ. "
صفنت عليها كبل لا اجاوبها. سعده تحاول. تسد كل اللي ناگصها بحياتها بنفسها
ماتريد. تعتمد على احد. ويتركها. بس تظل بحاجه الام.. شما يصير
تاركه. روحها. تسمع منا ومنا. وتقلدهن. وما يهمها. ان. جان. غلط. لو صح
المهم ما ينقصها شي. انه اسمع اكو. بنيات. يشرن سوالف الزواكة. من وره اهلن. ومن
يلتمن يم. النهر. يگطلن ماي. يبدأن وحده. تجذب. على الثانيه
هيج سوت وهيج خلت. وهاي. تصدكهن
جاوبتها. بعد ما وكفت المكينه
" خيه سعده. حكج تتعلمين وانه. سالي امي. كتلها. يمه. ما نخلي سعده
وحدها. ونعلمها ونجهزها. . بس يا اختي الزلمه كبل لا يريد وحده تعرف. تزوك
وتتعدل. يريد. المراه. اللي. تعرف. معنى الحجايه گبل لاتكولها ...يريد. اللي صوتها. هادئ
واللي. عكلها يتحمله. بساعه عصبيته. ... حكج. من. تسمعين منا ومنا. وتردين. تتعلمين. بس يا اختي مو كل اللي تسمعيه. صدك. وبيه مصلحتج اكو. حشاج. جذابات. وما يحبن الخير. لاحد
واكو بيهن خبيثات. يشوفنج گلبج طيب يضحكن عليج بسوالفهن. "
أنت تقرأ
شتل عنبر
Chick-Litقصة اجتماعيه. تتمحور أحداثها. على صديقين. يجمعهم. الصداقه. والمحبه الصافيه. والقرابة. والنسب تمتد. قصتهم. لأولادهم. وأحفادهم ترى. هل تعيش. الصداقه الصافيه
