قدوم الماضي (مكتملة)

البارت الثامن

الكاتبة : سارة الشمري🖤

ضيقة هي الدنيا .. ضيقة مراكبنا
للبحر وحده سنقول : كم كنا غرباء في أعراس المدينة .
تمنيت أن أعيش طويلا لأحبك أكثر ..
ولكن الأقدار منحتني فرصة الشهادة قبلك ..
لتكون أنت المطالب بحبي وبتحمل غيابي ..!!

ميس .. سمعت ان اكو خيل بالحديقة الورة ..
امنيتي ان اشوف الخيل بالحقيقة .. كولش احبهن ..

نزلت للحديقة لان ادري محد موجود ..
دخلت للحديقة جانت عادية مو مثل الحديقة الي كدام ..

تلفتت وين مكان الاحصنة .. ماكو اي اثر ..
فجأة كمزت من انطفت الكهرباء ..

بقيت اتلفت وواكفة بمكاني عبالي الكهرباء طفت وهسة تشتغل ..
طولت وهي ضلمة .. حاولت ارجع بس خفت اطيح لان اكو حصو ..

شفت ضوة من وراي .. التفتت بسرعة وشفت واحد لازم بيدة تليفون ويضوي علية ..

طبكت حواجبي : منو انت ..
دار ضوة التليفون على وجهة ..
رفعت حاجبي من شفتة وافي ..: شتسوي هنا ..

باوعلي ببرود : اني المفروض اسألج شتسوين هنا بهالضلمة .. منتضرة احد ..
تخوصرت وحجيت بعصبية : شقصدك ..

رفع اكتافة وهو على برودة ورافع حاجبة ويباوعلي من فوك ليجوة : بنية شابة .. ووحدهة طالعة .. بليل والدنيا ضلمة .. وورة البيت .. شنو ممكن يكون قصدي برأيج ؟...

فتحت عيوني بصدمة تفكيرة ..
احس النار وصلت لراسي من العصبية ..

تقربتلة بسرعة اريد اضربة على ساق رجلة مثل كل مرة من اتعارك وية ولد ..

رفع رجلة ووخرهة ببرود وعبالك يدري راح اضربة ..
حجيت بعصبية : انت واحد مريض نفسي .. مختل عقلياً .. شلون تتجرأة تفكر بية بهالطريقة ..

باوعلي ببرود .. هز راسة بسخرية وانطاني ضهرة ومشة ..
تلفتت بالمكان بخوف .. مشيت وراه بسرعة على ضوة تليفونة لان اخاف ابقى وحدي ..

دخلت للبيت ورگعت الباب وراي من العصبية ..
صار بوجهي ابو خالد ..

بعدة ما حاجي واني حجيت بعصبية : لا تبدي بسين وجيم ترة واصلة اخشمي ..
عفتة وصعدت فوك ..

كعدت عالقنفة واني اهز رجلي بعصبية واتذكر كلامة .. اسلوبة الحقير .. شلون يكول عني هيج ..
كرهتة بالزايد .. الله ياخذة هو وعمة ..
كلماتة ما تطلع من راسي .. اني يشبهني بذني البنات الي ... استغفر الله ..

انفتح الباب ودخلت غدير ..
غدير : شبيج ميس .. ردنة نطلع ندور عليج .. وبعدين ليش عصبية ..

تأففت : من ورة هذا الـكلب الي يشتغل عد جدج ..  بس ما ينعتب علي اذا هو اصلا جدج الي مربي .. ما يرادلهة روحة للقاضي اكيد يطلع مثل اطباعة ..

كعدت بصفي : قصدج وافي .. شبي شسوالج ..
حجيتلهة الي صار ..
باوعتلي بعصبية : هذا شلون يتجرأ يحجي هيج وياج .. اذا جدو عرف راح يلعب بي لعب ..