قدوم الماضي (مكتملة)

البارت السادس والعشرون

الكاتبة : سارة الشمري🖤

ألا فلتظل سماؤك مضيئة ... ألا فلتظل بسمتك مشرقة مطمئنة و بوركت يا من وهبت لحظة من هناءة وسعادة لقلبي الممتن الذي يعيش في وحشة العزلة ...

من بعد انتضار طويل طلع الدكتور من الغرفة ووجهة احمر من التعب ..
رحنالة بلهفة واحنة منتضرينة يحجي على احر من الجمر : دكتور بشر شلونة غياث ..

الدكتور : الحمدالله العملية عدت على خير .. ويحتاج الحين الراحة التامة وعدم الازعاج لمدة اسبوع عالاقل ..

عاصم : زين دكتور نكدر نشوفة اليوم ..
الدكتور : للأسف لا لان راح يكون بالعناية المركزة لمدة ٤٨ ساعة .. لما ننقلة لغرفة خاصة وقتها تقدرون تشوفونة .. سلامتة ..

مشى الدكتور .. كعدت عالمرسي واني اتنفس بأرتياح ..
عاصم سجد بالكاع سجدة شكر لان العملية نجحت .. لان لو فشلت اكيد غياث جان راح يتحطم ..

ميس //

كاعدين بالصالة لان عمو دز علينة كال صارلي هواي ما مسولف وياكم .. عفت كتابي واجيت كعدت يمهم ..

كاعدة وبصفي وافي الي يسولف وية ابوه ..
دخلت اروى وبيدهة صينية ضيافة بيهة قطع كيك وعلي كريمة ككاو ..

قدمت لعمي وخالتي ..
حطت صحن كدام وافي .. اجت تحط كدامي .. ردت احجي واكللهة ماحب الككو لا تحطيلي بس وافي سبقني رفع ايدة واشرلهة لا تحط ..

طبگت حواجبي مستغربة ..
خالتي : وافي ليش متخلي ميس تاكل ..
وافي حجة ببرود : ميس ما تاكل الككو والكيك ..
فتحت عيوني وباوعتلة .. منين يعرف كل هالشي ..

اروى : ليش ما تاكل .. شنو ممنوعة منة لو حساسية لو شنو ..
وافي : لا ما تحبة .. ولا تتسائلين هواي لان ماحب هذا الطبع

دخل ليث وبيدة عكازتة .. صوفر من شافني : يا حلوة شلابسة .. الاحمر ياكل ويشرب ..
ابتسمتلة : حبيبي انتة الاحلى ..

تقدملي ومد ايدة بأتجاهي ..
ابتسمت ومديتلة ايدي واريد اعرف شيسوي ..
قربهة من شفتة يريد يبوسهة مثل حرگة الامراء ..

قبل لا توصل ايدي لشفتة ما حسيتة الا وواكع بالكاع ..
ليث : اااااه يمة تگرمت ..
حطيت ايدي حلگي واني اشوف ليث لازم رجلة المابيهة شي بألم من بعد رفسة وافي الة على ساقة ..

خالتي : يمممة سمالله .. على كيفك يا وافي .. ماتشوف اخوك بعدة تعبان ..
ليث حجة بقهر : يا اخي اطيني تنويه .. حذرني بالاول .. ليش كبل ترمي بدون ما تسحب اقسام ..

وافي يباوعلة ببرود .. كام وكف وحجة بأبتسامة وشكلة يريد يطلع : حذرتك من قبل بس انتة ما تسمع الكلام ..

عمي : وين رايح وافي ..
وافي : يابة عندي شغل وية عمي عزام .. هستوة دك علية ..
كلبت عيوني من طارية ..