قدوم الماضي (مكتملة)

البارت التاسع والعشرون

الكاتبة : سارة الشمري🖤

أحبك و اخافك واحترس من هذا الحب، كيف لك ان تجرفني معك وانا التي تمشي حذرة بجانب الجدران
أثير عبدالله النشمي,

صرخت بيهة حيل واني الزمهة من ايدهة : انتي تخبلتي .. تقتلين الشخص الي جان يحاول يحميج ..
باوعتلي بقهر : يحميني من شنو .. يحميني من حنانة لو حبة وخوفة علية ..

وافي حجة بهدوء وعصبية مكبوتة : تردين تعرفين شصار وليش ذبج بالميتم .. وليش انتي بالذات يتعامل وياج بهالطريقة ..

كتفت ايديهة وحجت بهدوء : اي .. اريد اعرف ليش يكرهني لهالدرجة وهو ما شايفتي ولا شايف مني شي مو زين ..

صاح بيهة وافي بعصبية : وج بوية افهمي .. ما يكرهج وولا عمرة كرهج ..
رفعت ايديهة : بس بس لا تحاول تدافعلة ..

اشرلهة : اكعدي واسمعي ومن بعدهة احكمي ..
كعدت ميس واني باوعت لوافي مستغربة : وافي ..
وافي : يمة ماكو داعي بعد للسكوت .. اجة الوقت الي لازم تعرف كلشي وتحكم عقلهة ..

ميس تنهدت وكعدت .. : ماشي يلة فهموني .. اساساً ما صرت انصدم من ولا شي .. تعودت ..

كعدت يمهة : راح احجيلج كلشي من البداية ..
قبل سنين من اليوم وببداية زواجي من عمج ..
كل اهلة لاموه وكلهم كلبو علي لان تزوج مسيحية وما غيرت ديانتهة ..

لدرجة حتى العشيرة رادو يكسرونة من عشيرتهم لان ما وافق يجبرني اغير ديانتي ..
هواي تدخلو بالموضوع بس ماكدر يحلونة ..
الا ان تدخل ابوج بالموضوع وكدر يحلهة وهمة وافقو وسكتو غصباً عنهم ..

رجع حق ابو وافي من اهلة ومن عشيرتة ..
ومن يومهة بدت العلاقة تقوى بين ابو وافي وابو خالد ..
وبيوم جان عمر وافي ١١ سنة ..
اكتشفنة ان مجموعة من عشيرة ابو وافي بعدهم حاقدين علينة لان ابو خالد سكتهم غصباً عليهم ..

والضحية جان بيهة وافي ..
الي خطفوه من المدرسة وبقى ٣ ايام عدهم واني لا ليلي ليل ولا نهاري نهار ..
وجانو يردون يقتلونة والحل الوحيد الي انطوه النة ان ابو وافي يطلكني بالمقابل يرجع وافي ..

ومباشرةً ابو وافي توجه لابو خالد وطلب منة المساعدة ..
وفعلاً ثاني يوم كدر ابو وافي يعرف مكانهم ويرجعلي ابني وينقذة من الموت ..

ميس طبگت حواجبهة وباوعت لوافي : لهالسبب كلت ان عمك عزام الة فضل عليك ؟؟
وافي مكتف ايدي وهز راسة بأي بدون ما يحجي شي ..

كملت كلامي بهدوء واني اتذكر هذاك اليوم بحذافيرة .. : وبيوم ابو وافي عزم ابو خالد حتى يتشكرة على افضالة ..

وبالصدفة من راد يطلع شاف اختي سمرا الي جانت هستوهة جاية من بغداد وتخرجت من الجامعة ..
ومن يومهة المشاكل ما توقفت ..