قدوم الماضي (مكتملة)

البارت الثالث عشر

الكاتبة : سارة الشمري🖤

ويحدثني المساء عن سنين طويتها .فلا أصغي
لكن بلا جدوى فالشوق أبقى في ذاكرة الزمن

سمعت صوت موبايلي ..
حركت الكرسي واخذت التليفون ..

طبكت حواجبي من المسج الاجاني من يوسف ابن خال رغد ..

( فرغلنة الساحة يا حلو .. جربت حضك وفشلت .. فضلوك علية بس ما اعتقد بعد اليوم ممكن يرفضوني ويختارونك .. لهالسبب سرع بسالفة الطلاك .. حتى اني هم استعجل واخذهة .. لان مثل ما تدري هي هم ما تريد واحد عاجز مثلك )

اعصابي فارت واني اقرة بالمسج ..
ابن الـ.. يريد ياخذهة .. لو يموت ما اخلي يلمس شعرة منهة ..
ضغطت على راسي ..

ليش غياث .. مو هذا التريدة .. مو تريدهة تعيش حياتهة .. ليش من صارت صدك ما قبلت ..

رفعت راسي .. انتي الردتيهة رغد ..
رفعت التليفون واتصلت على رغد ..

ورة رنتين اجاني صوتهة كلة لهفة : غياث ...
بلعت ريكي وحجيت بحدة وبدون مقدمات  : بعدج  على قرارج ؟؟ مستعدة تتزوجين شخص مثلي ..

حجت بسرعة : اكيد .. ومستحيل اغير رأيي ..
غياث : خوش .. بس مو مشكلتي اذا تندمتي بعدين .. لان اصلا اني مو بكيفي وافقت .. ابوي اصر علية ولا اني  اصلا ما اريدج ..

سكتت ثواني وبعدين حجت : لا تخاف ما اتندم ..

نزلت التليفون ما رديت عليهة وسديتة ..
تنهدت من كلبي .. يربي شلون بية ..

دخل علية ايمن .. طلبت منة ينزلني لابوي ..
حجيتلة عن قراري الاخير ..

ابوي باوعلي بأستغراب : وشني لغير رايك بهل نص ساعة ..
غياث : بوية فكرت بالموضوع .. ومادام هي راضية بعد ماعندي مانع ..
هز راسة ابوي : على خير انشالله .. ما نريد السالفة تطول .. نكول لجدك وهو يطينة الخبر ..

هزيت راسي واني تفكيري متشتت .. قراري صح لو غلط ..؟؟؟

رغد //

سد الخط مني .. حسيت الفرحة مو سايعتني ..
رحت بسرعة بشرت ميس ..

احس هسة يلة رجعتلي روحي ..

اليوم الثاني جدو دز علية يريد يحجي وياي ..
عرفت ان علمود هالموضوع ..

دخلت لمكتبة وكعدت كدامة ..
بدة يحجي بهدوء : شوفي بوية رغد .. انتي تدرين هسة انتي على ذمة ابن عمتج .. وتدرين الصاير شني وياه ..

هزيت راسي : اي جدو ادري ..
كمل كلامة : اليوم رجل عمتج خابرني .. وكال بكيفكم اذا تردون تتممون هذا الزواج لو تنهونة .. واني عني اشوف الصار ما يعيب غياث .. بس هم ما اجبرج على شي ..

حجيت بأبتسامة : جدو اني رأيي من رأيك .. والصار وية غياث جان قضاء وقدر .. واكيد هالشي ما راح يغير من الي بداخلي الة .. وبأعتباري صرت زوجتة اذا ما وكفت وياه اليوم شوكت اوكف وياه .. مستحيل اتخلى عنة بأول مشكلة تصير وياه ..