قدوم الماضي (مكتملة)

البارت السابع والعشرون

الكاتبة : سارة الشمري🖤

أتشرنق على ذاتي
مبتعدة عن العالم
لا تغريني الحياة خارج حجرتي
و أجد البقاء وحدي
خيرًا من الارتطام بعقولهم المتحجرة !
_ندى ناصر,

اروى //

جنت احضر بالطاولة مال الغدة ..
صاحتني امي ورحتلهة : ها ماما ..
امي : روحي شوفي خالتج وين صارت .. كالت هسة اجي .. صيحيهة خل تتغدى ..
اروى : ماشي ..

رحت لغرفة خالة سامية ..
دكيت الباب مرة ومرتين بس ما ترد ..
فتحت الباب لكيتهة نايمة ..

مو معقولة هيج نومهة ثكيل حتى ما تسمع دك الباب ..
بعدين استوعبت .. خاف تخربطت لو ضغطها صعد لان مساع حجة ليث وكال مبين من شكلهة تعبانة ..

رحت كعدت بصفهة وهزيتهة بخفة : خالة .. خالة تسمعيني ..
ارتجف جسمي واني اشوف جسمهة ثابت وما تتنفس ..

فتحت الباب وطلعت اركض ..
ردت اطيح من قوة ضربتي بوافي الي جان نازل مثل الاعصار الهايج من فوك ..
لزمني من ايدي حتى لا اطيح : على كيفج .. شبيج ترگضين ..

حجيت برجفة واني الحجي كوة يطلع مني : خالتي سامية ..ما تتنفس ..
طبك حواجبة : شنو ..
اروى : والله ما تتنفس .. احاجيهة ما ترد .. حاولت اكعدهة بس ما تحرگت .. وافي شوف شبيهة ..

على حجايتي طلعت امي من المطبخ ..: شبيهة اختي .. شنو ما تتحرك انتي شتحجين ..
دفعتني ولحكت وافي الي من سمع كلامي راح يركض لغرفة خالة سامية ..

لحكتهم اني واجة ليث ورانة ..
لكيت وافي كاعد يمهة ولازم معصم ايدهة يقيس نبضهة ..
صاح بليث : اركض جيبلي جهاز الضغط من غرفة ابوي .. بسرررعة ..

راح ليث يركض وجابلة الجهاز ..
امي تبجي وصرخت بوافي : لييييش ما تتحرك شبييهة ..
وافي صاح بعصبية : يممة لخاطر محمد اسكتي بس خل افتهم ..

حطيت ايدي على حلكي اكتم شهكاتي من هالمنضر .. جنة متأكدين ماتت بس متمسكين بطف خيط من الامل ..

وهذا الخيط انگطع من شال السماعة وافي وشمرهة بالكاع بكل عصبية ..
امي انهارت بالكاع تبجي اني وليث صرنة نبجي ..
وافي دنك وحط ايدي على راسة وهو شاد على شعرة ..

التفتت شفت ميس واكفة وتباوع ببهوت لجهة خالة سامية .. : ميس ..
التفت وافي لجهة صوتي ..

كاملهة بسرعة لزمهة .. من شافهة داخلة بحالة صدمة هزهة من اكتافهة : ميس .. باوعيلي ..

التفتتلة وحجت وايديهة ترجف : هي كالت مابية شي .. قبل شوية من سألتهة كالت ما بية شي لا تخافين .. مستحيل تموت .. وافي هي مستحيل تعوفني ..

لزم وجهة بهو يباوع بعيونهة يريد يهديهة من الرجفة الي بيهة ووجهة صار احمر لان تنفسهة صار مو منتضم بسبب الرجفة والتوتر والصدمة : ميس حبيبي اهدي .. تنفسي ..