قدوم الماضي (مكتملة)

البارت التاسع عشر

الكاتبة : سارة الشمري🖤

إنّ شمساً تشرق وتغرب دون أن تريني إياها، هي ليست شمساً.. وإنّ قمراً يسهر في كبد السماء دون أن يعكس صورتها.. هو ليس قمراً
وإنّ يوماً يمر.. دون أن أطمئن عليها.. هو ليس محسوباً من أيام حياتي..
منى المرشود,

رغد //

دخلت للغرفة لكيتة متمدد عالجرباية ومرجع ضهرة لورى وعيونة لكدام وصافن ..
تنهدت ادري بي بالة ضال يم ميس .. اني هم نفس الشي .. اتصل عليهة بس جهازهة مغلق ..

تنهدت وكعدت بصفة .. حضنت ايدة وحطيت راسي على كتفة ..
انته لوجودي وحرك ايدة بأنزعاج : وخخري رغد ..
طبكت حواجبي : غياث فدوة خليني شوية بحضنك والله ضايجة ..

تنهد ورفع ايدة يسويلي مجال .. ابتسمت وتقربت وحطيت راسي على صدرة .. حط ايدة على شعري .. غمضت عيوني واني استمع لدكات گلبة السريعة وعبالك موسيقى وبيهة اجمل لحن ..

حجة بهدوء ومبين يحاول يخفي توترة : اتصلتي بميس ..
هزيت راسي : اي بس ما تجاوب .. ‏بالي يمهة ..
غياث : لهسة ما جاي استوعب شلون وافي يكون زوج ميس ..

رغد : والله كلشي اتوقع من جدو .. ما استغربت ..
تأفف بتنهيدة وفرك وجهة ..
رفعت راسي الة ابتسمت وقربت راسي منة وبستة بخدة بهدوء ..

فتح عيونة بصدمة وباوعلي .. بلع ريگة ..
وخر ايدة بأنزعاج : وخري وخري صرتي طماعة .. مو مال واحد يطيج وجه ..

ضحكت واني اشوف التوتر علي : عادي شسويت هسة اني .. مو قبل لا نتزوج من جنت اسلم عليك هم جنت ابوسك بخدك شنو الي اختلف هسة ..

تأفف بتوتر : كومي بلا حجي زايد .. دوختيني خل انام ..
ابتسمتلة : ماشي .. نوم العوافي .. اني يم نورهان اذا تريد شي بس اتصل علية ..
باوعلي بعصبية : اريد انخمد ماريد شي منج ..

طلعت من الغرفة ورحت يم نورهان .. وفاتن جوة لان خطيبهة راح يجي هسة ..

فاتن //

رشيت من معطر الجو بالورد للديوانية ..
رتبت الكيك والعصير عالطاولة ..

سمعت الباب يندك .. كمزت بسرعة ..
رحت للمراية الي بصف الباب .. عدلت شكلي بسرعة .. التوتر الف عندي .. هفيت على روحي وسميت بالله وفتحت الباب ..

دخل بهدوء .. من شافني ابتسم ..
طبك الباب وسحبني بحضنة .. تفاجأت وخجلت من تصرفة ..

حجيت بتوتر : اسامة لا يجي احد والله عيب ..
رفع حاجب ونزل الثاني : وشمسوي اني .. همة عيب عليهم يدخلون لان خصوصية اني ومرتي ..

ابتسمت على كلمة (مرتي) ..
سحبني وكعدني عالقنفة وكعد بصفي ..
فتح العلاكة الي جانت بيدة اصلا ما انتبهتلهة ..

طلع منهة علبة (فيريرو روشيه) ..
لا اراديا شهكت بفرحة : ككاو ..
انتبهت لنفسي وعضيت شفتي بأحراج .. هسة شيكول عليج فاتن شكد جوعية مال ككاو ..