قدوم الماضي (مكتملة)

البارت الخامس عشر

الكاتبة : سارة الشمري🖤

قد اكون خيرا .. ولكن لست مثاليا إلى الحد الذي يجعلني اعيش للناس وانسى ان اعيش لنفسي
أدهم شرقاوي ..

شامل : هسة جاوبي انتي ومعليج ..
هزيت راسي : لا شامل اكيد ما مخطوبة ترة البنية عمرهة ١٨ ..

ابتسم بطرف شفتة : همزين ..
باوعتلة بأبتسامة : ما كتلي ليش تسأل ..
باوعلي وحجة بهدوء : ببساطة لان اريد اخطبهة ..

كمزت والتفتتلة بحماس : جذذذب .. كول والله .. شامل راح تخطب انوار ..

ضحك على ردة فعلي : اي اخطبهة .. خوش بنية ..
صفكت بفرح : همززين راح نرجع اني وانوار سوة ..
باوعلي بطرف عينة : لا تفرحين يمكن ما توافق ..

طبكت حواجبي : وليش ما توافق .. شناقصك انتة .. اشو تخبل ..
شامل : القصة مو عالجمال .. شني نسيتي انتي رفضتي اخوهة من خطبج .. يعني يمكن هي هم ما توافق ..

حكيت راسي بتفكير : لا ما اعتقد هي تفكر بهالطريقة .. يعني مو لهالدرجة ..
شامل : وليش ما تفكر .. يعني اذا انتي رفضتي اخوهة اكيد هي زعلت عليج بوقتهة .. يمكن تردهة الج وترفضني ..

تنهدت واني افكر .. معقولة ممكن تفكر انوار بهالطريقة ..

وصلنة للبيت وسلمت على ام خالد الي اخذتني بالاحضان .. شكد حنونة هالانسانة ..

لكيت البنات منتضراتني .. هديل وغدير وجمانة ورشا وتمارة وربى وسوزان ..
كعدنة نسولف وخابرنة رغد وحجينة وياهة ..

صارت الساعة ٥ العصر كعدنة كلنة بالصالة ونشرب جاي .. وابو خالد وخالد وشامل وولد خالد هم كاعدين ..

دخلت جمانة وبيدهة ماعون جبير بي كليجة وكعك وتمر بالسمسم وحطتة كدام ابو خالد وحطت بمواعين زغار وقدمت لابوهة ولشامل واخوانهة ..

اباوع لشامل يحوس يريد يحجي بس ما يدري شلون ..
غدير حجت بصوت هامس بس احنة نسمعة لان كاعدين قريبين على بعضنة : عمو شامل شعندة اليوم .. شوفن الكعدة ..

رشا : اي والله يفرك بأيدة ..
جمانة : مبين يريد يحجي شي ما يعرف شلون يبدي ..

حجة خالد بصوت : شامل شعندك تحوس ..
ابو خالد من سمع كلام خالد .. التفت لشامل ونزل نضارتة لخشمة وحجة وهو طابك حواجبة : احجي شامل شعندك من الاخير ..

ابتسمت وحجيت : شوفن القنبلة الي راح يذبهة شامل ..
باوعلي بأستغراب ..
ما لحكن يحجن وحجة شامل : بوية اريد اتزوج ..

غدير غصت بالعصير وباوعتلي بسرعة ..
البنات يباوعن بصدمة .. لان يدرن بشامل جان شايل فكرة الزواج من راسة مادري ليش ..

باوعتلهن بطرف عيني وشلت كرة مال تمر بسمسم وحطيتهة بحلكي ..

فجأة ستوعبت الطعم وذبيتهة : ويييع شنو هاي .. غدير ليش تحطين الماعون بحضني .. تدري بية ما اكل الحلا ..
غدير : واني شمدريني بيج هايشة وكلشي تاكلين ..