قدوم الماضي (مكتملة)

البارت الاخير 🖤

الكاتبة : سارة الشمري 🖤

كل عامٍ وأنت.. لا أدري ماذا أسميك..
إختاري أنت أسماءك..
كما تختار النقطة مكانها على السطر
وكما يختار المشط مكانه في طيات الشعر..
وإلى أن تختاري إسمك الجديد
إسمحي لي أن أناديك:
"يا حبيبتي"...

هزيت راسي : اي .. ها بشري ..
رفعت راسهة : اتوقع الي تحجي عنهة تكون رشا بت خالد ..
هزيت راسي بنفي : لا مو رشا .. لان الي شفتهة جانت تصيح على وحدة وتأشرلهة وتكللهة رشا وينج .. يعني اكيد مو هي رشا ..

حكت شعرهة وبعدين طفرت : حييرتني ياخي .. زين شنو لابسة ..
عاصم : لابسة بنطرون وقميص ثنينهن اسود .. ووياهن شال اسود هم ..

حجت بسرعة : هاي اروى .. لان هي وميس وافنان لابسات اسود بس هي الوحيدة بيهن الي لابسة بنطرون ووياه قميص ..
حجيت بسرعة : منو هاي اروى .. بت منو .. مخطوبة متزوجة ؟؟ احجي لا تسكتين ..

ابتسمت وحجت : اكيد تعرف وافي نسيب ابو خالد ..
هزيت راسي : اي اعرفة .. ليش ؟؟
جواهر : هي تكون اختة الزغيرة .. عمرهة ١٨ سنة .. نجحت هالسنة للسادس .. وما مخطوبة ولا متزوجة .. وحبابة ووردة مال الله .. تخبل ..

تنهدت بحب : ادري بيهة تخبل ..
هزت راسهة : يا اخي استحي على نفسك ترة جاي تحجي عن بنية ما شفتهة غير مرة وحدة وما تحرم الك ..

هزيت راسي بملل : اففف كومي كومي اطلعي برة .. لا تسوين مثاليات براسي ..
فتحت عيونهة وكامت : مو صوجك ..

طلعت من الغرفة واني شمرت روحي عالجرباية واباوع ليفوك واتذكر شكلهة وهي مصدومة ورة ما حجت على عيوني ..
ضحكت : شكد فاهية يربي .. بس تخبل ..

ميس //

ثاني يوم ابوي خابر عمي ابو وافي وانطاه الموافقة كدامنة ..
جنة مشغولين بتجهيزات زواج شامل ..
هوة يعدل بالبيت مالتة الي جان مقفول ..
رحنة نضفناه وهوة جاب اثاث جديد وغرفة نوم ..

يعني خطية كلش تعب لان بضرف اسبوعين خلص كلشي ..
احنة هم تجهزنة للعرس واشترينة الي نحتاجة ..
وفاجئني ابوي من كال وافي يجي ياخذج ورة زواج شامل بيومين ..

بدن البنات يجهزلي وعبالك صدك عروس ..
ما خلن شي ما جابنة من ملابس ومكياج ..
ومن طلع اربعين خالة سامية ذبيت الاسود ..

واليوم زواج شامل ..
وجدو كال الكل يرحون للزفة ..
بدلت ملابسي ولبست فستان چويتي نازل عالاكتاف وطويل مخصر ومن جوة مثل ذيل السمكة ..