قدوم الماضي (مكتملة)

البارت السابع عشر

الكاتبة : سارة الشمري🖤

كانت رقيقة في مظهرها لكن شخصيتها قوية وثابتة مثل رئحة الياسمين النفاذة والفريدة التي تبث إحساسا بالدفء لا تملكه الورود الأخرى
خولة حمدي

حسيت بضوة قوي علية ..
رفعت راسي وفتحت عيوني بصدمة ..
كية متوجهة الية بسرعة ..

من خوفي ما كدرت اتحرك من مكاني .. احس رجلية ماتت .. حطيت ايدية على اذاني وغمضت عيوني ..

بس فجأة حسيت بأيد سحبتني من ايدي للجهة الثانية من الشارع .. والكية وكفت بأخر لحضة ..

فتحت عيوني وشفتة كدامي ويتنفس بسرعة والدخان مال البرد يطلع من حلكة ..

فتحت عيوني واني اتلفت .. ما اندعمت .. ما صار بية شي ..
رجعت عيوني الة ..

دفعتة من صدرة لان جنت قريبة علي حيل : وخررر عنييي .. شجابك هنا .. ليش اجيت .. وين ما اروح لازم تطلعون وراي .. وين اشرد بعد ..

باوعلي ببرود وسحبني من زندي ومشى بية : روحي لاخر الدنيا .. هم مو بعيدة ..
حاولت افك ايدي منة وادفع بي واحجي بعصبية : فكني الله ياخذك كسرت ايدي .. ليش ما خليتني اموت ..

ما رد علية ووصلني لسيارتة .. فتح الباب الكدام وصعدني .. صعد هوة وحرك السيارة ..
صحت بي : وييين ماخذني .. بأي حق تتدخل بية ..

باوعلي ببرود : زوجج ..

احس الغضب صعد لراسي .. ضربت كدامي عالجكمجة بكل قوة : انتة مو زوجي .. لوو تمووتون ما اخلي هالشي يصير .. انتو ما تفهمون .. اكرررهك ..

ما رد علية وكمل طريقة ونضراتة هادئة ..
يرربييي احر ما عندي ابرد ما عندة .. 

حجيت بصوت عالي : وككف السيارة اريد انزل .. ما ارجع لذاك البيت ..
ما رد علية ..
صرخت بصوت اعلى : ووووككككف نززلني .. انت ما تفهم ..

باوعلي بطرف عينة برفعة حاجب ..
داس دكمة بباب السيارة خلت كل البيبان تتقفل ..

صحت بقهر : انتة مخبل لو مريض نفسي .. ماريدك ليش تلزك .. اريد انزل ..
شفت ماكو فايدة من كلامي .. ضربت على رجلي بقهر وعصبية وسكتت ..

دك تليفونة ورفعة بأحترام : امر عمي ... لا تخاف لكيتهة .. جايين بالطريق ..
سد التليفون

باوعتلة بقهر : الله ياخذك لنار جهنم انتة وعمك ..
ورة نص ساعة وصلنة للبيت ..
نزل هو واجة فتحلي الباب وسحبني من زندي ..

عطت بي بقهر : فككني اكدر امشي وحدي ..
ما رد علية وبقى لازمني ويسحب بية .. 
انفتح الباب من جوة وطلع ابو خالد ..

باوعلي بعصبية وسحبني من ايدي ودخلني للبيت ..
عطت بي واني احاول ادفعة : اني مو حيوانة وتسحلون بية سحل .. اكدر امشي فكني ..