قدوم الماضي (مكتملة)

البارت الثاني والثلاثون

الكاتبة : سارة الشمري 🖤

عندما بدأت الرياح تجري بما تشتهي سفني ...
وجدتك منهمكاً في تمزيق الأشرعة !!
ماحاجتي بك في النور...
إن لم أجدك في العتمة ؟

فتحت الباب وشفت ابوي : بابا ليش صعدت .. انتة بعدك تعبان واليوم طلعت من المستشفى .. يعني لو داز علية ..

دخل للغرفة كدامي : تعاي يا بوية اجيت حتى احجي وياج بسالفة ..
طبگت حواجبي وكعدت يمة : كول بابا شصاير ..

باوعلي وهوة طابك حواجبة : ليش جنتي تبجين ..
درت عيوني بأرتباك : ها لا ما ابجي .. بس من النعاس ..
ابو خالد : من النعاس عيونج حمر ورموشج مبللة وخشمج احمر ..

سكتت وما رديت ..
رفع وجهي بأصابعة : انة شحجيت اليوم .. مو كلت دموعج بعد ما اخليهة تنزل وانة حي ..
وبعدني على حجايتي .. واعرف ليش تبجين ..

رفعت راسي الة بسرعة ..
حجة بأبتسامة : اي جا شعبالج انة اخوث .. عبالج ما شفت عيونج من فزت من سمعتي راح يروح .. لو لوجهج التغير من كلت خل يشوف دربة ..

نزلت راسي وسكتت ..
ابتسم وحط ايدة على شعري : تعرفين يا بوية انتي بت العزيزة .. ومعزتج عندي بكد معزتهة .. وهسة انتي عرفتي ليش سويت بيج هيج من قبل ..

هزيت راسي اريدة يكمل كلامة ..: وهم عرفتي ليش اطيتج غصب عنج لوافي ..
بس هسة الامور اختلفت .. وبعد ماكو شي يصير اذا مو برضاتج ..

ابتسمتلة وهوة كمل : وانة اجيت اكلج هسة .. ورة ما طلعتي خابرني وافي .. كال يريد يجي يخطبج ..
فتحت عيوني بصدمة : يخطبني .. يخطبني شنو واحنة متزوجين ..

ضحك : اي ادري بيكم متزوجين .. بس زواجكم الي صار كلة لان اني طلبت من وافي يتزوجج ..
بس هسة خابرني وكال هالمرة اني اطلب منك ايد بنتك واريد اتزوجهة وارجعهة الي .. واذا وافقتو كلشي يصير حسب الاصول وحاضرين لكلشي ..

كتلة ليش ما كتلي من اجيت ..
كال انة اعرف الاصول .. ولازم ما نجيكم الا من بعد ما ناخذ الموافقة منكم ونجي واحنة متأكدين راح تطونة ..

هوة يحجي واني احس كلبي مو بصدري .. لا طاير بالسما ..
ابو خالد : وهسة شتكولين يا بوية .. موافقة لو لا ..
ابتسمت : انتة شتكول بابا ..
رفع حاجبة وباوعلي : وتسأليني .. انة وافي اطي مرة وانة مغمض عيوني ..

حجيت واني اتنهد بفرح : موافقة .. بس مادام كال حسب الاصول .. معناهة انتضر يومين يلة ترجعلة خبر ..
ضحك ابوي : تعززي تعززي عالولد .. يحقلج ..

ضحكت وهوة شوية وكام ..
شمرت نفسي عالجرباية بفرحة واني اتذكر كلام ابوي ..
اووف يا وافي والله طلعت مو هين ..
ويلوموني من احبك ..

من حماسي ما كدرت اصبر لباجر ..
كمت وطلعت من الغرفة وفتحت باب غرفة جمانة ..
لكيتهة نايمة عالجرباية .. ورشا نايمة بالكاع على فراش ..