قدوم الماضي (مكتملة)

البارت الحادي والثلاثون

الكاتبة : سارة الشمري🖤

أن تختار ألمًا من أصل ألمين . .
أن تختار أهون الخسارتين . .
أن تبتر بعضك لتُنقذ بعضك الآخر . .
هل تعرف هذا النوع من الخيارات ؟
ندى ناصر,

نزلت راسي وطلعت من الصالة مباشرةً ..
احاول احافظ على دموعي وما اخليهة تنزل ..
كافي علية وجع گلبي .. مو ناقصة الم عيوني ..

دخلت لغرفتي ..
حطيت ايدي على گلبي ..
كلشي صار جاي يرجع براسي من البداية ..
من شوگت هوة هنا .. شلون رجع يمشي ..

حطيت ايدي على حلگي اكتم شهكاتي ..
فرحانة لان شفتة يمشي مرة ثانية وواكف على طولة ورجع مثل قبل ..
بس بنفس الوقت اني كلبي شلون راح يرجع مثل قبل من بعد الي سواه ..

بقيت كاعدة بالغرفة وابجي لحد ما اجت ميس ..
طبگت حواجبهة وهي مكتفة ايديهة : ليش ما سلمتي على غياث .. عاجبج هيج تفشل كدام الكل ..

رغد : خل يتفشل .. اني كايلتلة من قبل .. اذا شفتك بمكان مستحيل ابقى بي حتلو بالصدفة ..
ميس : رغد ترة غلط التسوينة .. غياث هسة كال ان راح سوة عملية بدبي مو بس علاج .. ونسبة نجاحهة جانت قليلة بس سواهة بكل اصرار منة ..

فتحت عيوني مصدومة وكمت : عملية ؟؟
ميس : اي عملية .. وهوة هنا اصلا جان مقرر يروح هناك يسوي العملية ويدري بنسبتهة قليلة ..

حطت ايدهة على كتفي وحجت : شنو تستنتجين من هالشي ..
طبگت حواجبي : شنو ؟؟

تنهدت بتعب : اوف يغبائج .. مبينة يعني .. سوة هالشي حتى يبعدج عنة لان ما جان ضامن حياتة ..
يدري اذا لاسامح الله صارلة شي وانتي تحبينة ممكن يكون المج اكبر .. جان يريدج تحقدين علي وتكرهينة ..

رغد : بس ما كرهتة .. عبالة سهلة يعني .. صح شايلة بگلبي علي بس طول فترة روحتة واني احترك من شوقي الة .. شلون يريدني اكرهة ..

انفتح الباب ودخلت جمانة بأبتسامة : رغودة جدو يصيحج ..
رفعت حاجبي : غياث موجود ؟؟
هزت راسهة بنفي : لا .. جدو يريدج بالمكتب بس انتي ..

هزيت راسي ودخلت للحمام غسلت وجهي ..
فرگت عيوني بألم كعادتي كل ما ابجي يحرگني حيل ..
نزلت جوة ..
توجهت للمكتب ودكيت الباب ..

اجاني صوت جدو : تعاي ..
فتحت الباب ودخلت واني منزلة راسي ماريدة يشوف عيوني الحمر : امر جدو ..

ابو خالد : تعاي اكعدي يم رجلج ..
رفعت راسي بسرعة وشفتة كاعد عالكرسي الكدام المكتب ..
اوووف منج جمانة .. جذبو علية ..

درت وجهي اريد اطلع بس وگفني صوت جدو بكل حدة : وييين .. كلت اكعدي ..

تنهدت واني احاول امنع دموعي ان تنزل ..
رحت كعدت بالكرسي الكبالة وحتى ما باوعتلة ..
نضراتي جانت على جدي وادري بنضراتة هوة علية ..