قدوم الماضي (مكتملة)

البارت السادس

الكاتبة : سارة الشمري🖤

لماذا في مدينتنا نعيش الحب تهريباً وتزويراً؟ ونسرق من شقوق الباب ونستعطي الرسائل والمشاويرا؟ لماذا في مدينتنا يصيدون العواطف والعصافيرا؟ لماذا نحن قصديراً؟ وما يبقى من الإنسان حين يصير قصديراً؟ لماذا نحن مزدوجون إحساساً وتفكيراً؟

فجأة انفتح الباب .. باوعت مستغربة للي دخلت ..

انس رفع راسة بملل بأتجاه الباب ..
من شافهة فتح عيونة وفجأة طفر من القنفة للكاع ..
وكع على وجهة وطاحت المزهرية الي عالطبلة الي بصفة لان دفعهة برجلة وانكسرت ..

من قوة الطيحة على خشمة صاح : ااااااااخ بوية .. انكسر خشمي ..
اني الصدمة من طيحتة كمزت ..

البنية الي دخلت من سمعت صوت المزهرية التفتت علي..
من طاح حطت ايدهة على حلكهة تكتم ضحكتهة ..

ما كدرت استحمل منضرة طكيت ضحكتي بصوت .. حطيت ايدي على بطني : اااخ يمة راح اموت .. منضرك تححفة انس ..

تربع بالكاع وهو يفرك خشمة الي صار احمر .. ويعدل بشعرة المخبوص ..
اشرلي بعيونة عالبنية الواكفة : احمم .. لا تفضحيني اسكتي ..

حجيت واني كوة سكتت من الضحك : ليش اكو اكبر من هالفضيحة ..

وكف على طولة ومر من يمي وضرب كتفة حيل بكتفي عمداً ..
فركت كتفي بألم : كسسر .. خلعت كتفي ..

ما باوعلي وراح للبنية وحجة بأبتسامة : هلا بسوزان .. شلونج شخبارج ..
حجت وهي مبينة كوة لازمة ضحكتهة : الحمدالله انس انت شخبارك ..
جاوبهة بأبتسامة وضحكة : الحمدالله بخير كلش زين ...

فتحت حلكي وحجيت : وين الي هستوة متمدد هنا ونفسيتة مزفتة .. لحضة اشلون ها اليحجي وياي هسة اجيبة بدفرة ..

كح بصوت عالي وهو يخزرني .. سحبني من ايدي ووكفني بصفة وحاوط كتفي بيدة : احمم ميوسة .. تعاي اعرفج على سوزان ..

شفت سوزان طبكت حواجبهة مستغربة ..
انس : سوزان اعرفج على عمتنة الجديدة .. اكيد حجولج البنات عنهة ..

ارتخت حواجبهة وتحولت لأبتسامة : ايي صح .. اهلا وسهلا بيج حياتي .. اني بنت ام سوزان الي تشتغل هنا ..

ميس حجيت بأبتسامة واني استوعب : يااا يعني انتي سوزان بنت ام سوزان ..
انس بسخرية : اووو والله اكتشاف ..

باوعتلة صفح : انت لا تدخل .. ابو اخلاق تجارية ..
باوعت لسوزان : تفضلي حياتي ..

سوزان بأبتسامة : شكراً ميوسة .. بس بعد اذنج دقايق بس انطي هذني الغراض لأمي واجيج ..

ابتسمت واني هستوني انتبه للعلاليك الي بيدهة : اخذي راحتج حياتي ..

مشت للمطبخ وعيون انس المبتسم وراهة ..
باوعتلة وهو بعدة صافن عالمطبخ ..
ضربتة بعكسي : ترة دخلت البنية من زمان ..