قدوم الماضي (مكتملة)

البارت الرابع

الكاتبة : سارة الشمري🖤

أقوم بدور مضحك يا حبيبتي وأرجع من تمثيل دوري خائباً
فلا الليل يخفي لو أراد نجومه ولا البحر يخفي لو أراد المركب
نزار قباني 🖤

قاطعنة صوت من داخل البيت : شااامل .. راح تبقى واكف برة يعني ..

شامل التفت علية بأبتسامة ..: تفضلي ..
دخل شامل واني ورغد وراه ...

شامل بصوت : السلام عليكم ...
ردو بصوت متفرق : وعليكم السلام ...

عيوني تباوع على الي موجودين كلهم ..
جانو اربع رجال كبار .. اكيد واحد منهم ابوي ...

لا اراديا لزمت قميص شامل من ورة لان بس هو اعرفة ...
العيون كلهة تباوع علية ..
جانو واكفين ٤ رجال كلهم لابسين دشاديش بيض وعگل والشخصية مبينة بيهم .. منو منهم ابوي ..
منو الشخص الي ذبني ..

حسيت على شامل لزم ايدي وقدمني كدامة ..
شامل : اعرفكم هاي ميس .. اختكم الزغيرة .. اكيد تعرفونهة ..
باوعتلة مصدومة .. اختكم ؟؟؟؟

شامل وهو يلزمني من اكتافي ويمشي بية ..
وكف كدام اول واحد وسلم علي بأحترام ..

التفت علية وكال : ميس هذا اخوج الجبير خالد ..
فتحت حلكي وحجيت بصدمة : اخوي ؟

عمرة يطلع ببداية الخمسين ... توقعتة ابوي ...
تقدم علية وحط ايدة على راسي وعيونة ما خلت من نضرة الحنان : نورتي بيتج بعد اخوج ..

خنكتني العبرة من كلمة اخوج ..
ابتسمت وحجيت : شكراً .. نوركم ..
باسني براسي بهدوء ..
دنكت راسي واني متوترة لان ما متعودة عليهم ..

سحبني شامل للشخص الثاني : وهذا اخوج الثاني علي ..
حجة بأبتسامة وباسني براسي مثل الي قبلة : مية هلا بيج بوية
ابتسمتلة : بيك اكثر ..

قدمني عالثالث : وهذا اخوج الثالث علاء ..
هم سوة نفس الشي وباسني ورحب بية ..
وقدمني لاخر واحد : وهذا اخوج الرابع محمد ..
هم سلم علية ..

شامل وهو يأشر على نفسة : ويجي ورة محمد ... اخوج شامل الي هو اني .. يعني اصغر اخوانج واخواتج اني ..
هزيت اكتافي وهمست : توقعتك الجبير ..
ضحك وهو يحرك شعرة : الشخصية تعلب دور ..

ميس : لا مو قصدي الشخصية بس انت مو زغير ..
اختفت ابتسامتة وتحولت للتحطيم : يجي منج اكثر يوخيتي ..

التفت على رغد : وانتي رغد .. روحي صيحي عماتج خل يتعرفن على اختهن ... والفيلق الباقي مالتكم هم يتعرفون على عمتهم لو خالتهم الجديدة ..
هزت راسهة ومشت : ماشي عمو ..

باوعتلة : ليش تكلك عمو ..
شامل : يعني غير اني عمهة طبعاً تكلي عمو .. رغد بت اخوج خالد .. يعني انتي عمتهة ..

هزيت راسي بتفكير .. بعد مادري شنو الي حينتضرني بهالبيت ...
طبعا طول هالشي اني وشامل واكفين بالصالة والباقين الي همة اخواني كاعدين عالقنفات ..