قدوم الماضي (مكتملة)

البارت العشرون

الكاتبة : سارة الشمري🖤

أحبك و اخافك واحترس من هذا الحب، كيف لك ان تجرفني معك وانا التي تمشي حذرة بجانب الجدران
أثير عبدالله النشمي,

ابتسم وحجة بهمس : اكلج شي ؟..
رفعت راسي الة بفضول : شنو ؟.

فتحت عيوني واني اسمعة ..: انتي بكل حالاتج وكل حركة تسوينهة اتأثر بيج .. بلعت ريگي .. هذا شبي اليوم ..

حاولت ادفعة بعصبية : وخررررر عني .. شجاك اليوم ..
ابتسم وهو يفكني بهدوء ..
عفتة واخذت من ملابس النوم مالتي ودخلت للحمام ..

رجعت ضهري عالباب واهفي على نفسي .. يمة شجاني .. اول مرة اكون قريبة من شخص لهالدرجة ..

الله ياخذك وافي شجاي تحاول تسوي ..
غسلت وجهي اكثر من مرة .. ليش ما اكدر اوكفة عند حدة .. يسيطر علية بقوة بدنة .. بس اذا هيج ما ترهم .. ما اسمحلة يتقرب مني لهالدرجة ..

طلعت من الحمام .. اكيد نايم برة لان المخدة ما موجودة .. كللعة ..
تمددت على فراشي .. بقيت اتكلب وماكدر انام لان قبل شوية كعدت ..

تأففت وتذكرت امتحاناتي راح تبدي واني مقارية .. باجر احجي وياه على هالموضوع .. لازم يجيبلي كتبي ..

بقيت تقريبا ساعة كاعدة وبعدين نمت ..

غياث //

لازم بيدي التليفون واكتب بأهتمام .. ما اكدر احجي لان رغد موجودة ..

كتبتلة : احجي عاصم شوفت الدكتور التقارير ..
عاصم : والله يا غياث مادري شأكلك ..
غياث : كول ولا تلعب بأعصابي ..

رد علية عاصم الي مسافر لدبي ووديتلة التقارير حتى يعرضهن على دكتور مختص .. يشوف اذا ممكن يكون موجود علاج او عملية : الدكتور شاف التقارير .. وكال هيج حالة مو مال علاج .. الا بعملية ..

ابتسمت بأمل : اي اسوي عملية ما عندي مشكلة .. بس المهم ارجع امشي ..
عاصم : غياث العملية نجاحهة مو مضمون ..
طبكت حواجبي : شلون يعني ؟؟

عاصم : استفسرت من الدكتور .. وكال العملية اذا نجحت انتة تضطر تبقى هنا شهرين على الاقل بس حتى تخضع لعلاج طبيعي من بعد العملية .. واكو احتمال ان العملية ما تنجح .. واذا ما نحجت بعد ماكو اي علاج او عملية راح تفيدك وممكن تسبب بشلل الاعضاء الباقية من الجسم .. واحتمال كلش قوي ان ممكن يصير خطأ طبي لان المكان حساس كلش وقريب كلش عالحبل الشوكي .. يعني لا سامح الله اي خطأ بسيط ممكن يسبب وفاة ..

ما اهتميت لباقي كلامة .. الي همني ان اكو احتمال تنجح العملية : راح اسوي العملية عاصم .. ما يهمني الباقي ..

عاصم : غياث دخيل كلبك لا تجازف .. يعني ليش تستعجل .. يمكن وية الوقت يصير احتمال ان تكدر تتعالج بالعلاج الطبيعي .. ليش تريد تحرك گلب اهلك ومرتك عليك ..