قدوم الماضي (مكتملة)

البارت الحادي والعشرون

الكاتبة : سارة الشمري🖤

زرعتْ حلمًا وتعهدته بالرّعاية. نما بين جنبيها حتى صار جزءًا منها، ومن قلبها. تركته يكبُر وتمتدّ جذوره فى كيانها حتى أنساها طبع الأحلام المتمرّد. نسيت أنها تضيع وتتبخر حالما تتسرّب خيوط الصّبح الأولى.نسيت أنها تذهب مع نسمات الفجر حالما يغادر النّعاس أجفانها.
خولة حمدي,

شفتي ما صارت تفصل عن شفتة غير مسافة بكد الشعرة يمكن ..
فجأة توقف ..

كام من يمي بسرعة وكأنة استوعب شجاي يسوي .. وسحب الجاكيت مالتة وطلع ..

بقيت على وضعي ثواني ونفسي يصعد وينزل واحاول استوعب الي صار ..
حطيت ايدي على كلبي ..: يمة شجاني كلبي راح يوكف من كثر ما يدك ..

كمت للحمام باوعت لوجهي بالمراية صاير احمر ..
غسلت وجهي بمي بارد رغم برودة الجو بس احس حرانة وضهري عرك ..

شسويت بية وافي .. ليش من يتقرب مني اتوتر ..
اني الي جنت ما اسمح لأي ولد يقترب مني .. ليش هسة ماكدر اوكفة .. ليش احس ايدية تتربط من يلزمني ..

سحبت نفس قوي وبعدين طلعتة .. اهدي ميس ماكو شي .. مراح اسمحلة يتقربلي مرة ثانية .. لا تنسين هوة منو .. لا تنسين شسوى بيج هو وابو خالد ..

نزلت للصالة كعدت يم عمي عمر وخالتي واروى وحاولت انسي نفسي الي صار ..

عمي حجة بأبتسامة : ميس بوية شلونة وافي وياج ..
بلعت ريكي : يعني شلونة عمو .. هو نفسة ما تغير .. وولا اني تفكيري تغير .. ما اكدر انسى الي سوو بية هوة وابو خالد ..

عمي عمر : حقج يا بوية والحق ما ينزعل منة .. السووه همة وياج ما ينغفر .. بس انتي فكرتي كبل شنو الاسباب الخلتهم يسوون هالشي ..

طبكت حواجبي : لا .. يعني ماكو سبب قوي لدرجة يخلي الاب يذب بنتة بالميتم .. الي اصلا لا اني بنت حرام و لا هوة فقير وما يكدر يعيشني .. ماكو من هاي الاسباب .. معناهة مالة سبب او حق يذبني بالميتم ..

نزل استكان الجاي بعد ما خلصة عالطاولة : سمعيني بوية وفكري بحجيي .. احنة جنة اهلنة شما سوو بحگنة وقسو علينة نضل نكول همة ما يحبونة وما يردولنة الزينة وكاضين علينة عيشتنة ..

بس يابوية من كبرت ونحجت بحياتي .. صرت اكول لو ما قسوة اهلي و شدتهم الي وتحكمهم بتصرفاتي جا انة هسة مو بهذا حالي .. جا ما كدرت انجح اذا مو وكفة اهلي ..

غوركت عيوني وحجيت : بس اني ما وكفو وياي .. خلوني اني اوكف وحدي وبدونهم ..
ابتسم وحجة : شفتي شلون .. فكري بالموضوع من الناحية الايجابية .. يعني لو ما حطج بالميتم ما جان صارت شخصيتج قولة وعلى كولتج كدرتي توكفين وحدج ..

حجة بحكمة وهدوء وابتسامة : تشوفين هسة محد يكدر يذكرج بأفضالة لان اصلا ما عندة فضل يمج .. محد الة حق عليج .. انتي سندتي نفسج بنفسج .. يمكن لو ضالة هنا جا ما كدرتي توكفين من الاصل ..