ساد صمت لا تعرف ايا منهما كيف تكسره ... فرودينا تريد حلا لمشكلتها ومريم لا تعرف كيف تقول لها الحل الذي كانت تتناقش فيه مع اياد قبل تليفونها هذا ...
مريم " في بالها " : الحل موجود لكن اقولهولك ازاي بس ... يعني انا قولتله هو وهو غريب عني وعنك وفهمني غلط اومال انتي بقي هتقولي عليا ايه لما تعرفي اكيد هتفكري اني عايزة اخلص منك خصوصا وانتي حاسة بكره مصطفي ليكي وانه مش طايقك في البيت وعايز يخلص منك باي شكل والخانقة اللي خانقهالك بس ...
لتفيق علي صراخها باذنها ...
رودينا : مريم انتي معايا والا سيباني اهاتي لوحدي ...
مريم : ايه مالك بتصرخي ليه ...
رودينا : لانك مش معايا ولطعاني علي التليفون ...
مريم : بفكر ... ايه مش عايزاني افكر ...
رودينا : لا فكري بس المهم تلحقيني بسرعة قبل الليل ما يدخل علينا وساعتها بقي مش هعرف اتصرف ...
مريم : طب اقفلي دلوقتي وسيبيني افكر ... مخي قفل من ساعة ما قولتيلي المصيبة اللي لا كانت علي بال او خاطر دي ...
رودينا : اوك هقفل دلوقتي ومستنية تليفونك ...
مريم : اوك ... سلام ...
لتغلق معها الخط ...
رودينا : يلا بقي فكري انتي وانا اروح اعمل الاكلة العجيبة دي للبنت ... " ونظرت الي الورقة في يدها ثم الي المطبخ حيث تالين تنتظرها " ... مجدرة يا تالي ... مجدرة ... مالها المكرونة بس ... يلا لما اشوف هعرف اعملها والا هتطلع بسيسة ...
واتجهت الي المطبخ ...
ما ان دخلت حتي وجدتها نائمة علي طاولة الطعام ...
ابتسمت وهي تقترب منها ...
رودينا : تعبت ... نامت ...
لمست شعرها الذي كان عبارة عن خيوط ذهبية حريريه برقة ونعومة ثم ربتت علي ظهرها براحة ...
رودينا : تالي ... حبيبتي ...
فتحت عيناها الناعسة ...
تالين : شو ماما ...
رودينا : تعالي انيمك في الاوضة ...
تالين : وانتي معي ...
رودينا : معاكي هروح فين يعني ...
