اغلقت معه وهي لا تكاد ان تصدق انها من كلمته لتعتذر منه عنما فعلت ...
ظلت مكانها لا تتحرك وهي تحدث نفسها ...
رودينا : نفسي اعرف بتعمل فيا ايه ... حركت كل حاجة فيا ومن غير مجهود حسستني بيك وعرفت ازاي تأثرني بشخصيتك ... بوفائك وخوفك من خيانة الانسانة اللي حبتها ولولا القدر واللي حصلها كان زمانها هي اللي معاه دلوقتي وكنت انا بعيد لكن الظاهر ان القدر كان ليه كلمة تانية ... شالها من الصورة وحطني مكانها عشان افهم واعرف سبب اللي عيشته واللي مريت بيه عشان اوصله في النهاية واحس معاه باللي بحسه دلوقتي
ليرن جوالها ... نظرت الي اسم المتصل ...
رودينا : عايزة ايه دي دلوقتي ... ارد والا بلاش ... ارد احسن واشوف عايزة ايه بدل ما تخوتني ...
اجابت ...
رودينا : ايوة يا مريم ... عايزة ايه ...
مريم : والنبي بلاش طريقتك دي انا عارفة انك مش طايقة تسمعي صوتي لكن لو سمحتي استحمليني لحد ما تعرفي اللي عايزة اقولهولك ...
رودينا : طب ممكن تنجزي عشان انا لازم اكون في فصلي دلوقتي ...
مريم : حاضر هنجز ... تقدري تعدي عليا في البيت بكرة ...
فتحت عيناها بقوة ...
رودينا : بكرة ... لا ما ينفعش خالص ...
مريم : ليه ...
رودينا : لان بكرة اياد هيخرجنا وبلغني بالكلام دا من امبارح وانا خلاص رتبت نفسي ...
مريم : طب تقدري تجيلي امتي ...
رودينا : وهو انا لازم اجي ... ما تقولي اللي عندك دلوقتي وخلاص ...
مريم : طب من غير ما تزوقي هقول ...
رودينا : قولي ...
مريم : دوغري ومن غير لف ودوران ... اكرم ...
رودينا : ماله ...
مريم : جاي هنا كمان يومين وعايز يشوفك ...
رودينا : يشوفني ... شافته عقربة والا حية تلدغة وتخلصني منه...
مريم : ممكن توقفي القاموس دا شوية وتقوليلي اقوله ايه ...
رودينا : لا ...
مريم : لا ايه ...
رودينا : مش هقابله طبعا ... انا ست متجوزة وانتي وجوزك عارفين دا ... ومش هقبل ابدا ان احط نفسي ولا الراجل اللي استئمني علي بيته واسمه في وضع زي دا ... انتي فاهمة ...
مريم : فاهمة بس هو ...
رودينا : هو تقوليله الكلمتين دول وكمان قوليله ان انا مش زي الستات اللي هو كان يعرفهم ... انا ست محترمة واعرف ازاي احافظ علي اسمي واسم الراجل اللي متجوزاه ... ولو هو ما بيعرفش يعني ايه احترام فمن المستحسن انه يرجع للست الوالدة عشان تعيد تربيته من اول وجديد ...
