هـاااي عمتو ليلى هااااي سحور اووومح اوووومح 😘 كيف أخباركم ردت عمتو ليلى طيبين الحمد لله إنتي كيف ؟؟ قلت ليها الحمد لله 😊 نطت سحر قالت لي تعالي أقعدي جنبي قلت ليها بعتزر والله ما بقدر اقعد معاكم جيت تعبانه طالعه الغرفه وعايزه أدرس عندي test عمتو ليلى قالت لي اتفضلي إرتاحي ✋ وفعلا طلعت الغرفه اخدت دش وقعدت في نص السرير شغلت اللاب توب وفتحت اليوتيوب ومركبه سماعتي واخر فرفشه 😍 بعد الضيوف طلعو جات شيراز محصلاني في الغرفه قالت لي بزعل يعني عمرك ما ح تغيري تصرفاتك دي 😡 طلعت فردة السماعه وقلت ليها خير يا شيراز هانم اها المره دي تصرفاتي ما عاجباك في شنو 😒 ؟؟ قالت لي غالبك تقعدي دقيقتين مع الضيوف محصله شنو اللاب توب ح يطير ولأ السرير ح يطير 😠 قلت ليها أهدي عشان ما يطق ليك عرق وبعدين أشكري ربنا اني اصلا سلمت عليهم وانتي عارفه الجو حقهم ده ما بينفع معاي 😊 ✋ قالت لي لو كانو لوجي وريل (قصدها بنات خالتي ) كان قعدتي معاهم صح 😒 !! قلت ليها بالضبط كده لانهم بيعرفو يتونسو ما زي سحر 😊 قالت لي عشان ونستهم كلها فشخره عشان كده بتعجبك 😏 وناس عمتو بسيطين عشان كده ما بتحبيهم صح !! بس خليك عارفه انو القروش ما كل حاجه 😒✋ قلت ليها ح اكلم بابا يقطع عنك المصروف عشان تعرفي الحياة من غير قروش ما بتسوى حاجه ✋ في اللحظه دي جات ماما داخله قالت لينا في شنو 😳 قلت ليها دي بنتك العامله فيها مصلحه إجتماعيه 😊 ماما اتلفتت على شيراز قالت ليها الحاصل شنو 😓 ؟؟ ردت ليها مافي حاجه يا ماما بس قلت ليها المفروض يكون عندها اتوكيت تحترم الضيوف وتقعد معاهم 😔 ماما قالت ليها شجن اعتزرت ليهم وعندها ظرف وبعدين كفايه جدا إنو قعدنا معاهم انا وانتي ✋ طبعا شيراز ما عجبها كلام ماما صرت وشها وطلعت من الغرفه وعشان بتحب عمتو ليلى وسحر ما بترضى فيهم 😓 بس انا وماما ما عندنا ليهم حاجه وبالنسبه لي تصرفاتي بشبهه ماما كتييييير 😍 بعد مسافه شيراز جات راجعه وصاره وشها من الزعل قلت ليها ده كلو عشان ما قعدت معاهم خلاص يا عسل المره الجايه ح استقبلهم ليك بسلاح الموسيقى كده تمام 😘 قالت لي ما عايزه تريقه وبتمنى منك انك تعامليهم زي ما بتعاملي خالاتي 😒 قلت ليها حااااضر وبالمناسبه رجعو بيتهم مع منو 😊 ؟؟ قالت لي جا عمر ساقهم قلت ليها وليييه ما جا سلم علي عامل وشو الحامض ده 😏 قالت لي شجن هسي كنا بنقول في شنو 😒 قلت ليها خلاص سكته واحسن زاتو ما سلم لأني ما ناقصه اشوف وشو الصاري طبيعي ده 😓 قالت لي اصلا عمر ما نزل من العربيه إتصل عليهم عشان يطلعو ليهو برا قلت ليها والله انتي المفروض يسموك محامي دفاع أسرة صالح عبدالله 😅 طبعا انا وشيراز بنختلف مع بعض كتيييير في الرأي بس استحاله يعدي اليوم من غير ما نتصالح 😍 ما بحب ازعلها عشان اصغر مني وكلنا عباره عن بنتين ما عندنا أخ 😔 بس شيراز كانت بتعتبر عمر وسحر اخوانها 😏 طبعا عمر وسحر اولاد عمي صالح ربنا يرحمو وليلى مرت عمي " عمي اتوفى قبل 15 سنه 😢 وبعد اتوفى بابا اهتم بأولادو لحدي ما كبرو حاليا سحر بتقرأ في الجامعه اخر سنه خريجه وعمر خلص الجامعه واشتغل مع بابا في الشركه وبعدها أصبح مسؤول من اسرتو ✋ ساكنين قريب من بيتنا " بعد انا وشيراز إنتهينا من النقاش وأثنااء ما انا مستكينه في اللاب توب بابا جا داخل الغرفه قال لي شجن بكره حاولي اطلعي بدري أوصلك الجامعه عشان عندي اجتماع مع مستثمرين مهمين قلت ليهو حاضر 😊 وفعلا الصباح صحيت بدري بس استحاله انزل تحت بدري بقعد ساعات في شنطة الـ ميك اب وبقضي زمن في وشي اكتر من زمن المحاضرات 😂 المهم بابا كل مره يتصل علي نظام اطلع بس انا ولا حياة لمن تنادي بصمت التلفون وبواصل في المكياج وكنت بتعمد اني إتأخر 😌 شيراز قالت لي شجن تقريبا أمس بابا نبهك انو عندو مواعيد صح ولأ بتعملي كده عشان العربيه 😒 قلت ليها بالضبط كده عشان العربيه اهااا ح تشتريها لي انتي 😊 سيراس سيراس انزل الترهيل وسل (دي انجلينا الشغاله بتنادي في شيراز ) بعدها نزلنا تحت بابا قال لي كنت ح امشي اخليك 😒 قلت ليهو أحلي حاجه لو انك مشيت انا كنت لغيت الجامعه وكملت نومي في البيت 😍 قال لي عشان عارف كده اضطريت انتظرك 😒 قلت ليهو بدل كل يوم تتأخر بسببي مش احسن تشتري لي العربيه وتريح راسك 😓 قال لي لو اشتريتها ليك هسي طيب هديتي في تخريجك ح تكون شنو 😊 ؟؟ قلت ليهو اشتريها لي وما عايزه هديه تخرج 😓 ونحن في الطريق قلت ليهو بابا عليك الله اشتري لي العربيه ما ممكن كل صاحباتي عندهم الأ انا زي الكلمة الشاذه وسطهم 😭 قال لي والله اول ما تستلمي شهادتك وتنزلي معاي الشركه ح اسوقك المعرض تعزلي عربيه وتدخلي مدرسة السواقه 😊 قلت ليهو بابا افهمني انا استحاله اشتغل معاك وإتلفت علي ماما قلت ليها اقنعي بابا 😒 بس للأسف قالت لي ابعدوني من نقاشاتكم انتي وابوك كفايه كل يوم اول ما اصل الشركه باخد حبوب صداع بسببكم 😓 طبعا ماما وبابا شغالين في نفس المجال ونفس الشركه بس كل واحد في فرع مختلف ✋ واتعرفو علي بعض عن طريق الجامعه كانو زملاء دراسه واتزوجو عن قصة حب وثمرة الزواج ده كنا انا وشيراز وبعتبر اسرتنا اسره مثاليه 😍 عايشين مبسوطين عشان مافي واحد فينا بيتدخل في شؤون الاخر ( بابا إسمو صلاح وماما إسمها ساميه ) وانا بحب اهل ماما لأنو بلقى شخصيتي وسطهم 😍 واغلب اهل ماما من الطبقه البرجوازيه وبيهتمو بالمظاهر والقروش عندهم اهم حاجه وانا كذلك ✋ بس شيراز بتختلف مني كتييير وبتميل لأهل أبوي وخاصه لأولاد عمي عمر وسحر اصلا عندي عم واحد ربنا يرحمو بس مشكلة اهلي الوحيده ما قادرين يستوعبو انو انا بنت ولي طموحاتي واحلامي وبعاملوني كأني ولدهم الكبير 😭 عشان كده بابا اصّر إني أدرس اداره اعمال عايزني اشتغل معاهو في الشركه عشان ما عندنا ولد 😓 وكنت بقول ليهو بابا شيراز عندها رغبه تشتغل معاك قال لي بس انتي الكبيره وفضل ليك سنه وتتخرجي وشيراز المشوار قدامها طويل يا دوووب ممتحنه ✋ قلت ليهو والله بعد امسك الشركه اول ما انت تسافر ح افتحها مركز تجميل وأسمي شوشو لمستحضرات التجميل 😍 كان بيضحك فاكرني بهظر بس انا كنت جاده والله ✋ نطت ماما قالت لي في فرق بين الشغل والهوايه والمكياج يعتبر هوايه وشغل الشركه ما بيمنعك تمارسي هوايتك ✋ يعني حتي ماما ما عايزه تقتنع 😔 وفي اجازات الجامعه كل ما افتح خشمي واقول زهجانه بقولو لي ألبسي وحصلينا في الشركه 😊 دي كانت مشكلتي الوحيده وده خلافنا اليومي لحدي ما اصل الجامعه بنزل من العربيه وبقفل الباب بكل قوتي نظام زعلانه وبسمع الجمله المعتاده من بابا ما احسن تشيلي الباب معاك 😅 بس كأني ما سمعتو دخلت الجامعه وانا ماشه بكل ثقه انا عاااديه من حيث الجمال بس مغندله والقروش ليها دور في أناقتي ✋ وانا ماشه في الممر في شلة اولاد قاعدين واحد منهم قال بصوت عالي احيييي انا معقول اقعد مع القمر ده في فصل واحد 😍 التاني قال ليهو بس كان قعدنا معاها ما بنفهم اي شي في الحصه كلامهم استفزاني شدييييد 😒 بقلبي قلت من كلمة حصه وفصل دي إذا برالمه بسسسسس وقعتو معاي واصلا كانت قافله معاي وعايزه زول اتسلى بيهو وقررت اني أبرمج بيهم بعد اتقدمت خطوتين جيتهم راجعه 😊 ""
#يتبــــع ⏪⏪⏪⏪#
