إتفاجأت بـ عمر جا داخل وشايل أحمد بابا قال ليهو عمر ما تتأخر فضل لينا ربع ساعه ✋ بابا طلع وقفل باب الغرفه كيف بابا يعمل كده بعد ما حكيت ليهو عن عمر 😔 اول حاجه عملتها قعدت في طرف السرير لأنو حسيت برجلي مافي قال لي بنت عمي سلااام 😊 وانا ساكته وسامعه ضربات قلبي بـأضاني قال لي السلام سنه استجمعت قوتي ورديت ليهو وانا ما عايزه ارد ليك السنه وبعدين ما في سبب يخليك تدخل غرفتي ✋ قال لي جيت اسلمك أحمد وأوصيك عليهو قلت ليهو لو جايبو من مرا تانيه سوقو معاك لأنو مافي أم بوصوها علي ولدها 😓 وتقريبا بابا قال ليك الزمن اتأخر عايز يناولني أحمد قلت ليهو ما تقرب علي ختو في السرير قال لي أوك ✋ وأحمد فضل يبكي عايز ابوهو عمر باسو في خدودو وطلع وكان متأثر شديييد وبعدها شلت أحمد في حضني وانهرت بالبكا وخاصه بعد إستنشقت ريحة عمر في أحمد 😭 جات شيراز داخله قالت لي إنتي عويره سبب واحد يبكيك مافي تبكي عشان واحد ما يستاهلك بعد يرجع من السفر تطلقي منو وتعرسي سيد سيدو 😒 كلامها ده بدل يصبرني كان بيوجعني زياده 😢 نطت ماما قالت ليها بحده شيراز سيرة الطلاق ده ما وقتو 😡 شيراز ردت ليها وانتي الغير رأيك شنو فجأه كده الطلاق ده كان فكرتك صح 😒 قالت ليها اي ولقيت روحي غلطانه واي بيت بيحصل فيهو نقاش انتي لم تعرسي بتعرفي الحاجه دي 😓 يا شجن ما تسمعي كلام شيراز دي وحده مجنونه 😓 طبعا كنت مستغربه في ماما فجأه كده غيرت موقفها إتجاه عمر 😳 اليوم التاني ماما جات شايله التلفون قالت لي ابوك عايزك كان متصل بالإيمو قلت ليهو بابا حبيبي حمدلله علي السلامه 😍 قال لي الله يسلمك بعد دردشنا قال لي أحمد وين ؟؟ قلت ليهو في غرفة شيراز قال لي عمر عايز يسلم عليه قلت ليهو نايم 😏 كذابه يا انا قال لي خلاص بيتصل عليهو بعدين 😊✋ طبعا عمر كان بيتصل يومي علي ولدو وانا كنت بمسك التلفون لـ أحمد من غير ما أظهر في الشاشه بس كنت مكتفيه بسماع صوت عمر 😔 لحدي ما يوم وانا ماسكه التلفون عمر قال لـ أحمد ماما ماما أحمد رفع راسو عاين لي ويضحك عمر كشفني واقفه وانا من الخلعه قفلت الخط ولم رجع إتصل رفضت أرد 😓 وشيراز ما قصرت دايما كانت واقفه معاي حتي مرات بتصِّر علي إننا نطلع نرفهه ودايما كانت بتلعب أحمد وده كلو عشان ما تحسسني بالنقص 😔 وماما كل مره بتقول لي يا شجن في كل صلاة ادعي ربنا إنو ما تشوفي مكروه ف عمر 😔 كنت بقول ليها انا ما امو عشان ادعي ليهو ح ادعي بس لـ ولدي وهو الوحيد سندي 😍 قالت لي شجن ح يجي يوم وح تندمي في كلامك ده ✋ قلت ليها مافي حاجه أندم عليها والباعني بالرخيص بتبرع بيهو بـ بلاش ✋ وانا طبعا ما كنت فاهمه ماما قاصده شنو ؟؟ وكنت بحاول أظهر ليهم انو عمر أصبح آخر إهتمامي بس في الحقيقه كنت متبعاهو عن طريق الواتس كنت بفرح لم ألقى متصل بس ما فكر يراسلني 😔 يوم فكرت ألفت إنتباهو وفي نفس الوقت عايزه يعرف إني عايشه حياتي وما فارق معاي ✋ فتحت الدولاب ولبست من ملابسي القديمه بنطلون وتونك طبعا بعد ما انجبت تمبش (أحمد) وزني زاد شويه عشان كده البنطلون بقى ضيق فيني 😅 واتمكيجت مكياج خفيف وصورت روحي كم صوره بالإسناب صور ظابطه 😍 والمساء بعد إتأكدت عمر متصل نزلتهم في الاستوري وكتبت أحلى لمه مع أحلي أصحاب وعامله قلوب 💕 وعملت تحديد بس هو الـ يشوفها 😌 وفعلا اول ما فتحها بدأت رسايلو تطاقش الوووو ومره مرسل اموشنات غاضبه 😡 وانا فاتحه الواتس بس ما رديت عليهو وكنت مبسوطه وانا بتفرج في عدد رسايلو زايده 😌 بعد شويه ماما جات داخله ناولتي التلفون قالت لي عمر عايزك قلت ليها بس انا ما عايزه 😒 قالت لي شجن ما تعملي حاجه تندمي عليها إتكلمي معاهو شوفي عايز شنو 😓 ؟؟ اول ما مسكت التلفون قال لي ده شنو البتعملي فيهو ده 😡 قلت ليهو انت قلت لي إتدلعي في بيت أبوك وهسي بتدلع إنت مشكلتك شنو 😌 قال لي أول حاجه أمسحي الزفت ده ولم ... وقبل ما يتم كلامو إتشجعت وقفلت الخط في وشو 😌✋ واليوم التاني ماما قالت لي شجن عمر عندو عمليه صغيره أدعي ربنا إنها تنجح ويقوم بالسلامه 😓 إتخلعت قلت ليها عملية شنو 😱 ؟؟ قالت لي عملية لوز قلت ليها عادي الإطفال بيعملوها وبعد ماما طلعت إتصلت علي بابا قلت ليهو بابا عمر كيف ؟؟ قال لي والله كويس الحمدلله قلت ليهو بالجد عندو عمليه 😢 قال لي اي عايزه تتكلمي معاه قلت ليهو لاااا 😒 بس انت جايي متين قال لي بعد شهر ونص قلت ليهو كتيييره ياااخ 😢 قال لي كتيره عشاني أنا ولأ عمر 😉 قلت ليهو بابا خلاص مع السلامه وفعلا مرا شهر وفضل إسبوعين لوصولهم وانا من غير ما أشعر أصبحت بهتم بروحي زي العروس المنتظره عرسها ومرات إراجع نفسي وأقول نسيتي يا شجن إنكم مختلفين 😔 وبعد إسبوعين عمتو ليلى وسحر جونا في البيت سحر قالت لي يخسيي عليك يا شجن كده نسيتينا ولا تلفون ما إتصلتي قلت ليها كنت مشغوله 😒 بقلبي قلت يعني نظام ما عارفين مشكلتنا انا وعمر 😏 قلت ليهم عن إذنكم أحمد عايز ينوم وطلعت غرفتي سحر إستغربت قالت لـ شيراز شجن مالها 😳 سحر قالت ليها بحكي ليك بعدين وعمتو ليلى إستأذنت إنهم راجعين البيت بس ماما أصّرت عليها انهم ينومو معانا واصلا بكره عمر وصلاح ح يوصلو بالسلامه بدل تقعدو براكم ✋ وفعلا وافقو " المساء جاتني سحر تبكي قالت لي والله يا شجن انا ما عارفه حاجه الأ حكت لي شيراز 😭 ليييه عمر يعمل كده قلت ليها يعني عمر ما حكى ليكم 😳 قالت لي والله نهائي وحتى العمليه كلمنا بيها عمي وطلب مننا نجي راجعين من بورتسودان إعتزرت منها علي تصرفي معاها 😔 وكنت منتظره لحظة وصول عمر أقصد بابا على أحر من الجمر 😍 و اليوم التاني كنت متحمسه ولبست أحمد من العصر وقشرت ليهو ومنعتو يلعب عشان ما يتوسخ بس للأسف الطياره إتأخرت شديييد وأحمد كل ما يحاول ينوم كنت بشاغلو عشان ينتظر أبو صاحي 😓 وكلنا قاعدين في الهول في إنتظارهم ماما قالت لي شجن حرام عليك خلي ينوم ويقابل أبو الصباح 😒 وفعلا أحمد نام وأخيرآ حوالي الساعه 9 مساء وصلو ومن سمعت صوت العربيه حسيت بقلبي طار من الفرح 😍 اول ما جو داخلين كل الموجودين إستقبلو عمر وسلمو عليهو بالاحضان والدموع وقالو ليهو حمدلله علي السلامه وكفاره 😘 الا انا سلمت عليهو عادي حتي ما قدرت اعاين في وشو مديت ليهو يدي وانا ساكته وعمر فضل ماسكها عشان ارفع راسي وأعاين ليهو بس اتلفت منو وقلت بابا حمدلله على السلامه 😍 عمر فك يدي وبعدها جريت علي بابا سلمت عليهو وحضنتو وغلبني اوقف الدموع وعملت روحي ببكي عشان مشتاقه لـ بابا بس في الحقيقه ببكي بسبب عمر قلت لـ بابا تاني ما تسافر 😭 مسح دموعي وقال لي قصدك ما اسافر انا ولا ما يسافر عمر 😉 لانو دي ما اول مره اسافر فيها بس إنتي اول مره تبكي كده نطت شيراز قالت ليهو بابا انت خطير والله كشفت شجن علي حقيقتها 😅 كلهم قعدو يضحكو وفضلنا قاعدين في الهول عمر اول ما قعد سأل من أحمد عمتو ليلى قالت ليهو إنتو إتأخرتو عشان كده نام 😓 بابا قال لي شجن اطلعي جيبي لـ عمر قلت ليهو ما ح يصحى 😏 نط عمر قال ممكن انا أطلع ليهو لأنو بصراحه ما بقدر انتظر للصباح 😊✋ ماما قالت ليهو اتفضل البيت بيتك وفعلا عمر طلع وانا طلعت وراهو وعملت روحي عايزه حاجه من الدولاب دخلت الغرفه لقيت عمر قاعد جنب راس أحمد ببوس فيهو وبحاول يصحي 😘 انا فتحت الدولاب نظام ما شغاله بيهم والدولاب فيهو مرايه كنت بعاين ليهم 😓 عمر قال لي طبعو ما إتغير ولسه نومو تقيل ما رديت عليهو شالو وقفو علي رجلو وأحمد بدأ يصحى وزهجان بس بعد فتح عيونو وشاف ابوهو ابتسم بس لسه نعسان 😊 وعمر مُصِّر انو يصحى وانا ده كلو وفاتحه الدولاب نظام بفتش في حاجه ضايعه عمر بعد انتهى من سلام ولدو قال لي شجن حضري حاجاتك عشان ح نرجع البيت 😊 إتلفت قلت ليهو تقريبآ انا لم جيت هنا بسبب كنا مختلفين يعني سفرك ورجوعك ما عندهم علاقه وما حصلت حاجه جديده عشان ارجع معاك ✋ قفلت الدولاب وطلعت من الغرفه بعد العشاء عمر وأهلو قالو راجعين البيت بس بابا أصّر عليهم يقعدو لأنو بكره عامل كرامه مختصره لـ عمر ✋ وبعد تعب وافقو يقعدو بابا قال لـ عمر خلاص اطلع ارتاح 😊 عمر شال أحمد بابا قال ليهو ما تشيلو عشان العمليه قلت ليهو جيبو عايزه اشيلو قال لي خلي ما بيأثر ✋ عمر طلع الغرفه وانا طلعت مع شيراز وسحر واخر ونسه وضحك في الاخر قلت ليهم هوووي انا ماشه لـ ولدي قاعد براهو في الغرفه 😓 وفعلا طلعت منهم واول ما دخلت الغرفه لقيت عمر منوم احمد في حضنو قلت ليهو اسفه كنت مفتكره أحمد براهو عايزه اطلع جا محصلني قال لي تعالي غرفتك انا طالع ✋ قلت ليهو ما مشكله نوم جنبو لو عايز انا بنوم في اي غرفه قال لي لاااا دي غرفتك ما تطلعي منها عشاني 😓 بنتحاجج كده جنب الباب بابا جا صدفه قال لينا في شنو عمر قال ليهو مافي حاجه 😊 انا دخلت الغرفه مع احمد بعد شويه جا بابا داخل قال لي انتي لسه زعلانه من عمر بعد عرفتي العمليه ده بدل تستقبلي وتحمدي ربك انو رجع ليك بالسلامه 😒 قلت ليهو ارجع ليهو بالبساطه دي بعد اهاني قبل ما يسافر من غير اي سبب وبعدين عملية اللوز عاديه ما حاجه واااو 😒 قال لي اول دي ما اهانه وثانيا ما سألتي روحك ليييه معاملتو معاك فجأه إتغيرت وبالمناسبه انا من الأول عارف مشاكلكم كلها 😊 طبعا صدمني 😳 بس ح اشرح ليك الحاصل انتي فاكره انو عمر تعب من اللوز ودخلو عمليه أكيييد لا نحن مخصوص سافرنا الأردن للعلاج قلت ليهو بخلعة شنووو الأردن 😱 قال لي اااي قصة الإمارات دي كانت كذبه وعملية اللوز برضو كذبه الحقيقه إنو عمر كان بيتألم من غير ما إنتو تشعرو ولم عمل الفحوصات المره الاولى اتهمو بمرض خطير عشان كده حياتو كلها اتلخبطت 😓 طبعا بعد سمعت كده غلبني اقيف حسيت برجلي اتشلت قعدت في السرير قلت ليهو شنووو 😳 قال لي دي الحقيقه بس الحمد لله طلع التشخيص غلط وطلع عندو التواء في المصران وكان بحاول يبعد منكم بقدر الامكان حتي من امو عشان كان يائس ومفتكر انو التشخيص الأول هو الصح ومتوقع روحو ح يموت ح يموت فما كان عايزكم تتأثرو بعد وفاتو وأنا الوحيد الـ كنت عارف ✋ وهسي انتي قلتي اهانك طيب اديك معلومه عارفه الـ 5 الف الاديتك ليها وانا مسافر دي كانت من عمر بس عشان عمر متأكد انك ما ح تشيليها منو فـ اجبرني اسلمك ليها وانا عارف سبب مشكلتكم من الاول بسبب 500 ج صح 😊 وعمر مخصوص كان قاصد يعمل المشاكل دي كلها عشان تكرهيي وكان بيجي يفضفض معاي وكان متأثر شديييد 😔 قلت ليهو بابا بالجد دي الحقيقه ولأ بتدافع لـ ولد اخوك 😢 قال لي بعد ده كلو فاكراني بكذب عليك طيب اسألي امك برضو عارفه لم لقيت أمك مُصّره على طلاقك إضطريت أحكي ليها الحقيقه 😓 قلت ليهو طيب لييه ما كلمتني من الاول انكم مسافرين للعلاج علي الاقل من حقي كان اسافر معاكم 😒 قال لي دي رغبة عمر وانا احترمتها وعلي فكره عمر بحترمك شديد لدرجة انو كان عايز يطلقك قبل ما يسافر قال عشان لو اتوفى ما تتحبسي قلت ليهو للدرجه دي العمليه كانت خطيره 😢 قال لي العمليه ما كانت خطيره بس التشخيص الخاطئ الاول نزل نفسية عمر في الارض وحتي بعد التشخيص الصحيح نفسيتو كانت تعبانه عشان كده اصّريت عليهو انو نسافر الاردن و وافق بشرط انو نقول ليك انتي واهلو انو مسافرين لشغل اها بعد عرفتي الحقيقه موقفك شنو ✋؟؟ قلت ليهو راسي مشوش قال لي ما تخربي بيتك عشان سبب تافهه واصلا مافي سبب هسي نومي والصباح يحلها ربنا ✋ بابا طلع وانا اصلا حددت موقفي اني ارجع لـ عمر بس المشكله ارجع ليهو كيف بعد منعتو يتكلم معاي 😔 وعزة نفسي ما بتسمح لي امشي اقول ليهو انا اتنازلت من موقفي تعال راجع 😢 وفضلت افكر في الآخر خطرت لي فكره انو استخدم أحمد حيله أصلا دي الحاجه الوحيده البتربطنا ببعض غايتو ربنا يسامحني ونفذت الخطه صحيت أحمد من النوم وكان ضحية الصلح 😅 ""
#يتبــــع ⏪⏪⏪⏪
