قال لي بس أنا ما بتكلم عن أحمد بتكلم عن الـ في بطنك اهااا ح أشيلو معاي كيف 😊 ؟؟ ربع ساعه ساكته ومصدومه عرف كيف ؟؟ ومن وين 😳 ؟؟ في الآخر قلت ليهو كلمتك شيراز صح اصلا عامله فيها الـ بيست فريند وما بتخبي عنك حاجه بس غلطانه انا الكلمتها 😒 قعد يضحك قال لي ما تظلميها والله ما في واحد كلمني بس يوم عرس سحر لاحظت لـ امك وشيراز كانو مهتمين بيك زياده عن اللزوم ولم وصلت شيراز لـ سحر في الطريق سألتها شجن عندها شنو ؟؟ ما ردت علي لحدي ما إنفعلت فيها قلت ليها لاقدر الله لو عيانه إتكلمي عشان نقدر نعالجها من بدري 😠 بعدها ردت لي بإبتسامه إطمن والله ما عندها حاجه دي حاله طبيعيه ومن خلال إبتسامتها وخجلها انا عرفت الحقيقه 😍 وكنت منتظر العرس ينتهي بفارغ الصبر عشان تكلميني بس سكوتك خيب ظني ليييه ماكلمتيني 😒 ؟؟ قلت ليهو كنت عايزه أعملها ليك مفاجأه في عيد زواجنا 😓 قال لي ياااااه حرااام عليك تكلميني بعد 3 شهور 😒 قلت ليهو لااا بعد شهر " عمر في واحد ما بيعرف تاريخ عقدو متين 😒 قال لي صح عقدنا يوم 15/4 بس انا بالنسبه لي عيد زواجي الحقيقي يوم انتي وافقتي تقضي باقي حياتك معاي يوم 6/5 ده عيد زواجي بس الـ بيمنع شنو نحتفل بيهو مرتين 😘 هسي إعتبريني ما عرفت حاجه وفاجئيني قلت ليهو وربي إنت مجنون 😅 قال لي شجن ما عندي استطاعه أجيب ليك شغاله تخدمك لأنو اي قرش محتاجين ليهو للمرحله الجايه عشان كده ممكن تمشي تقعدي في بيتكم لحدي الشهور الأولى تعدي وانا كده ح أكون مطمن عليك ✋ قلت ليهو بصّره عايزني أمشي بيتنا عشان تكون مطمن علي ولأ عايز تتخلص مني 😒 ضماني عليهو وقال لي خلاااص رجعنا لـ هلوسة الحمل تاني وبعدين إتخلص منك كيف بعد الحلوين ديل 😍 والله ما عايز إبعد عنك بس مضطر لأنو بتهمني راحتك وراحة البيبي قلت ليهو راحتي في بيتي هنا ✋ وبعدين الراحة النفسيه أهم من كل شي قال لي يسلم الفهم وست الفهم 😘 خلاص ما في حل غير إتصل على امي تجي راجعه تقعد معاك عشان أكون مطمن عليك وانا في الشغل ما تكوني قاعده لوحدك 😘 قلت ليهو لا ما تزعجها خليها تجي علي راحتها وانا والله كويسه قال لي متأكده قلت ليهو اي 😊 بعد يومين عمر جا راجع من الشغل فتح نور الغرفه صرخت قلت ليهو لااا أطفي 😠 عمر إستغرب طفى النور وده اول يوم يلقى أحمد وسخان ما حممتو وأنا راقده قال لي شجن حاسه بشنو 😢 قلت ليهو ولا حاجه عمر حمم أحمد وإتحمم قال لي الغداء قلت ليهو سخن من التلاجه وانا ما عايزه ✋ قال لي طيب صارحيني مالك ؟؟ قلت ليهو عمر إنت بقيت لا تطاق كلامك كتييير 😒 عمر إتخلع من ردي وطلع من الغرفه اليوم التاني الصباح عمر عمل الشاي وإتجهز للشغل وانا لسه راقده في السرير قال لي شجن أطلعي معاي اوصلك بيتكم 😓 قلت ليهو لااا ما ماشه وكالعاده جا راجع من الشغل حمم أحمد وإتحمم وإتصل علي شيراز جات قعدت معاي وأصّرت إني أمشي معها البيت وأنا رفضت 😓 شيراز رجعت وساقت معاها أحمد وطبعا انا يومين قاعده في الغرفه ما بطلع منها وما بحب الإضاءه عمر جا راجع من الشغل قال لي شجن عندي ليك مشوار ظريف 😊 قلت ليهو ما بقدر قال لي لااا ح تقدري قلت ليهو عمر إنت بقيت زي الرادي ما بتسكت قال لي اي وبرضو ح تقومي 😊 وفضل يزن علي لحدي ما دخلت إتحممت وريحني بالعطر قال لي بعد ده إتسرحي قلت ليهو مصدعه ما بقدر وطبعا شعري يومين ما سرحتو واقف زي الشمس 😅 شال الفرشه وقف وراي فكا وسرحو بالفرشه وانا كل مره أقول ليهو ياااخ انا عايزه أنوم 😓 يقول لي قربنا في الآخر باسني في راسي وقال لي كده إنتي جاهزه 😍 مسك يدي وطلعني الحوش بالغصب لقيتو مفرش السراير وموصل اللابتوب رقدني في صدرو وفتح فلم كوميدي بصراحه حسيت بنشاط أكتر من أول وشغالين نتفرج ونضحك ونعلق في الفلم 😅 في نص الفلم لاحظت لـ عمر ساكت ما إتفاعل رفعت راسي لقيتو نايم صحيتو من خدو قلت ليهو لو عايز تنوم وتخليني فتحت الفلم ليييه عشان أحضرو براي 😒 قال لي حبيبي انا صاحي بس مغمض عيوني كضاب يا إنت 😏 واصل معاي الفلم وشكلو نعسان 😅 وحالتي كل مره كانت بتسوء من حيث النفسنه لحدي ما عمر إضطر يتصل على عمتو ليلى واليوم التاني وصلت الخرطوم وعايزه تطير من الفرح وخبر الحمل خفف زعلها علي فراق سحر 😊 وسحر كانت متواصله معانا والحمد لله كانت مبسوطه يوم إتصل لؤى قال لي شجن عايز أعمل لـ سحر مفاجأه أسفر خالتو ليلى السعوديه تعمل عمره وتقابل سحر قلت ليهو يا سلاااام أحلي خبر 😍 وكلمت عمتو ليلى بس رفضت قالت الأ تحضر ولادتي حتى تسافر ✋ وكانت مهتم بي لأبعد الحدود وعمر كان بيبذل أقصى مجهودو عشان ما يقصر معاي من الناحيه الماديه ورجع يشتغل دوامين 😔 وعدت الشهور والولاده تمت في مستشفى الراهبات للمره التانيه وأنجبت أخت لـ أحمد ماما قالت لي عايزين تسموها منو 😊 ؟؟ قلت ليها لسه ما حددنا بصراحه كنا متوقعين يكون ولد ✋ وبعد فضلنا انا وعمر برانا في الغرفه قال لي لو علي أسمي بناتي كلهم شجن2 وشجن3 😍 قلت ليهو غايتو أنا ما ح أفكر أسمي عمر عشان ما يطلع نكدي زيك 😊 مسح راسي قال لي اهااا يعني لسه شايفاني نكدي وأنا الحاله كنت ماسك أعصابي منك خلال الـ9 شهور وما عايز أغلط عليك بس طيييب ✋ وطول الليل كنا بنفكر في إسم البيبي لحدي ما إتفقنا على إسم ألمى 😍 وبعد إسبوعين عمتو ليلى سافرت السعوديه وأنا الدموع ما عايزه تقيف 😭 عمر قال لي كلها 3 شهور وبترجع وبعدين يوم سفر سحر بكيتي بنفس الطريقه وأنا يوم مسافر وداع ما ودعتيني 😒 بس الله يعوضني في اولادي 😏 طبعا بيتكلم معاي كده عشان يخفف علي وعدت الأيام وبعد 40 يوم من ولادة ألمى حضرت شنطتي بس عمر صدمني وقال لي شجن ما ح ترجعي البيت ح تقعدي هنا لمده 3شهور قلت ليهو ليييه 😳 ؟؟ قال لي لميت لي قروش وفكرت أبني بيها البيت من الأول وإنتهزت فرصة أمي في العمره وإنتي هنا وكسرت البيت 😊 والمهندس وعدني انو يسلمني ليهو بعد 3 شهور ✋ قلت ليهو بخلعه شنووو 😱 طيب إنت قاعد وين ؟؟ قال لي انا أجرت لي بيت صغير 😊 قلت ليهو عمر أقعد معانا هنا وأصلا دي غرفتي يعني ما ح تضايق زول ونستفيد من قروش الإيجار 😓 قال لي انتي عارفه أنا هنا ما بكون مرتاح بس كل يوم بجي أزوركم والمساء برجع ✋ وفعلا لمدة يومين ده الروتين لحدي ما يوم عمر كالعاده جا يزورنا بس المره دي جهزت شنطتي وأصّريت أمشي معاهو ✋ قال لي شجن أفهميني أقعدي هنا لأنو البيت المؤجرو ما بينفع معاك وما ح ترتاحي 😊 بس أصّريت أمشي معاهو وفعلا البيت كان عباره عن غرفه واحده والأرض كلها تراب الأيام الأولى كنت مبسوطه 😍 بس بعد يومين بدأت أزهج وأقرف من البيت ولحدي ما عمر يرجع من الشغل بكون حممت أحمد 3 مرات عشان المكان كلو تراب 😓 وأنا نتيجة الضغط النفسي النهار كلو ببكي وأقول أول ما عمر يصل ح أقول راجعه بيتنا ما قادره أقعد هنا ✋ بس أول ما عمر العصر يرجع من الشغل بنسى كل كلامي ولم يسألني قضيت اليوم كيف بقول ليهو مبسوووطه 😍 وعشت فيهو شهر وكان أسوأ شهر يمر علي في حياتي 😔✋ لحدي ما يوم بعد حممت أحمد تاني إتوسخ بلعب التراب ضربتو في يدو قعد يبكي وانا نتيجة الضغوط الـعلي فضلت أبكي معاهو 😭 في اللحظه دي عمر جا راجع من الشغل حاولت أمسح دموعي قال لي بخلعه شجن في شنو 😳 من غير ما أفكر قلت ليهو خلاااص تعبت والله تعبت 😔✋ عمر خت يدو في راسو محتار بعد مسافه قال لي أنا من الأول صارحتك صح بس إنتي الأصّريتي تجي معاي 😓 أحرجني قلت ليهو عمر انا ما قصدي تعبت من البيت قصدي من أحمد 😢 عمر سكت مساااافه كان بيفكر قال لي شجن حضري الشنطه قعدت جنبو وقلت ليهو بصوت مكسور عمر خلاااص والله انا هنا مبسوطه وح إتأقلم 😢 قال لي انا غايتو ح أمشي أقعد في بيتكم في غرفتك بس إنتي لو عايزه خليك قاعده هنا ✋ قلت ليهو بالجد ح تمشي معانا هز راسو بالموافقه بوستو في خدو قلت ليهو عموووووري انا 😍 قال لي هسي ما قلتي مبسوطه هنا 😅 قلت ليهو مبسوطه بوجودك معاي قعد يضحك قال لي يا بكاشه باسني في خدي وقال لي حضرو حالكم قبل ما أغير رأيي 😘 وفعلا المره دي عمر هو الـ ضحى ومشى معاي بيتنا ✋ وانا كنت متأكده انو عمر نفسيا ما مرتاح بس ضغط علي روحو عشان راحتنا 😓 واخيرا إرتحت بعد معاناة شهر بس عمر أغلب وقتو خارج البيت بيرجع من الشغل وبعد المغرب بيطلع وما بيرجع الى آخر الليل 😔 وكل مره أهلي ينادوني للعشاء كنت بقول ليهم إتعشو أنا طلبت من عمر يتناول دليفري ✋ وكنت مفهماهم إنو أنا وعمر بنتعشى مع بعض بس في الحقيقه كنت بنوم من غير عشاء 😔 لحدي ما يوم أثناء ما بنتونس شيراز قالت لـ عمر بدل كل يوم تتعشو براكم أعزموني 😊✋ عمر إتخلع قال ليها نتعشى برانا وين 😳 ؟؟ قلت ليها نحن أسره مع بعضينا إنتي الـ دخلك شنو 😏 عمر قال فهموني عشان أقدر إتناقش معاكم 😓 نطت شيراز قالت ليهو عامل ما فاهم طيب بالواضح كده بدل كل يوم انت وشجن تتعشو دليفري تعالو شاركونا 😏 عمر عاين لي وسكت بعد طلعنا الغرفه عمر قال لي أنتي مفهمه أهلك إنك بتنتظريني إتناول معاي عشاء من برا يعني إنتي الفتره دي كلها ما كنتي بتتعشي 😳 هزيت راسي اي قرب مني وقال لي ليييه حبيبي تعملي كده 😓 قلت ليهو عشان ما يعرفو إنك شغال دوام مسائي وفي الآخر دي أسرارنا ✋ عمر بيسمع فيني ومصدوم قال لي عشقي وحياتي إنتي 😍 أوعدك كل حاجه ح تتحسن 😘 وبعدها آخيرآ عمر وافق يتعشى معانا ومرت علينا أيام صعبه شدييييد وبالرغم من إني قاعده في بيت أهلي بس ما كانو عارفين وضعنا المادي كنت بحاول أخبي بقدر الإمكان 😓 يوم عمر جا راجع من الشغل وفاجأني إنو ح يرجع البيت قلت ليهو انا زاتي ح أمشي معاك 😍 قال لي البيت لسه ما إنتهى ما ح تقدري تقعدي فيهو وح تقولي انا تعبت وانا ... قطعت كلامو قلت ليهو ده بيتي أكيد ما بقول تعبت منو 😒 وفعلا رجعنا بيتنا وإتفاجأت بإنو عامل شقه فوق 😳 طبعا عمتو ليلي بعد عرفت إننا رجعنا البيت جات من السعوديه ومرت علينا أيام صعبه وضاغطة شدييييد عشان نقدر نتم تشطيب البيت 😓 عمر كالعاده كان بيشتغل دوامين الساعه 10 جا راجع من الشغل قال لي وين أحمد قلت ليهو نايم مع عمتو ليلى ومسافة حضرت ليهو العشاء لقيتو نام صحيتو قال لي شجن تاني ما تنتظريني بالعشاء محتاج إني بس إنوم 😓 قلت ليهو اكبر غلطه عملتها إنك كسرت البيت هسي التعب ده كده عاجبك والله كنا عايشين مبسوطين بس هسي 24 ساعه انت شغال وأولادك مشتاقين ليك وانت ما لاقي زمن تقعد معاهم قال لي أنا عملت كده عشان منو 😓 ؟؟ غير عشان أأمن مستقبل اولادي والحاله المرضيه المريت بيها لفتت نظري لحاجات كتيره ✋ قلت ليهو مافي حاجه أهم من وجودك معانا حضني عليهو قال لي اوعدك أعوضك عن كل حاجه ✋ والحمد لله البيت الأرضي إكتمل بعد مجهود ومعاناه اتبنى طوبه طوبه من التعب بس عمر لسه مُصّر إنو يشطب الشقه الفوق وبسببها باع العربيه وكنت دايما بقول ليهو عمر عليك الله الشقه التانيه دي لـ منو 😒 بقول لي حقتك انتي عشان لم تنقي فيني كتير احبسك فيها وارتاح منك ✋ والحمد لله آخيرا إكتملت ويوم المساء أصّريت أضغط عليهو لحدي ما يعترف لي 😓 ""
#يتبــــع ⏪⏪⏪⏪
