قلت ليهو كان تجي تسألني أنا بدل تتجسس علي من سحر 😒 بس على العموم كل الحكايه إنو الصباح شربت مع ناس امك الشاي ولم ضوقتو لقيتو ده حليب وانا ما بشرب لبن حليب وبعدها طلعت الحوش رجعتو واهلك فاكرين دي اعراض وحم 😓 في الأول عمر كان بسمع كلامي ومنزل راسو في الأرض بس قطع كلامي وقال لي شجن صح انا غلطان بس خُتي نفسك مكاني اكيييد ح تفكري بنفس الطريقه وخاصه إننا عارفين طبيعه العلاقه البينا ✋ بس بعتزر للمره التانيه قلت ليهو حصل خير عمر إتحمم وطلع الشغل الدوام المسائي وانا فضلت صاحيه لحدي ما جا راجع ناولتو كباية المويه مسكها وفضل يعاين للكبايه ويعاين لي مستغرب 😳 قلت ليهو ما تخاف ما فيها سم وشلتها عايزه اثبت ليهو واشربها شالها مني قال لي العفو ما قصدي 😊 قلت ليهو عمر انت شغال في ياتو شركه قال لي اهاااا واخيرا عرفت سبب كباية المويه 😅 قلت ليهو آسفه بسحب سؤالي قال لي شغال في مصنع اسمو تاركو قلت ليهو والدوام المسائي برضو في نفس المصنع قال لي اي 😊 قلت ليهو يعني ما ممكن تشتغل بس فتره صباحيه قال لي لا بس شغلي الليلي مضايقك في شنو 😓 ؟؟ قلت ليهو ولا حاجه ومشيت نومت اسئلتي كانت غبيه بس طلعت مني عفوآ وبقلبي بقول غبيه يا شجن هسي يقول عليك شنو وانتي اصلا ما عندك علاقه بيهو 😒 بس بصراحه وجودو في البيت بقى يفرق معاي والمساء ما بقدر انوم لو ما اطمنت انو وصل ما عارفه التغيير الحصل ده نتيجة شنو بس الحاجه المتأكده منها انو في مسااافه كبيره بينا ✋ ومر شهر وانا في نفس الحاله مختصره في غرفتي وبقيت شبهه منطويه حتي المجاملات الأسريه قاطعتها وناس كتيره مفتكرين اني مسافره مع راجلي 😓 وفي يوم اتصلت علي سلمي وهي الوحيده الـ كنت بفضفض معاها وبتخفف علي قالت لي شجن عايزه اقول ليك حاجه بس خايفه تفهميني غلط وتزعلي مني 😢 قلت ليها انتي هبله انتي اخر وحده ازعل منها وبعدين خلاص الدنيا لطشتني وكملت الزعل تاني ما في حاجه بتزعلني 😅 قالت لي والله يا شجن عمر ود حلال ليييه ما بتديهو فرصه وتبدي معاهو حياة جديده 😍 قلت ليها والله فعلا عمر مافيهو كلمه بس رامي سد نفسي من كل الرجال وبالأصح قرفني من الحياة كلها 😔 قالت لي بس ما كل الناس واحد ورامي اصلا ما كان راجل قلت ليها بس صعب علي قالت لي عندي ليك حل بس انتي وعدتيني انك ما تفهميني غلط صح 😊 قلت ليها سلمى احكي من غير ما تلفي وتدوري 😒 قالت لي من الآخر يا شجن مشكلتك دي ما بحلها ليك الأ دكتور نفسي قلت ليها بحده شنوووو 😠 قالت لي والله ده الحل الوحيد وانا بوصف ليك دكتور شاطر اتعالجت عندو بنت عمتي نفس حالتك وانتي ما خسرانه حاجه وبعدين ربنا كتب ليك حياة جديده ما تضيعيها وح ارسل ليك وصف الدكتور ✋ وفضلت تضغط علي بعد قفلت الخط بديت افكر في كلامها طيب اوصل المعلومه لـ عمر كيف وفكرت في خطه رسلت ليهو رساله ( عمر انا عايزه اتعالج عند دكتور بيعالج الإكتئاب ) بعد رسلتها غيرت رأيي فتحت الواتس عايزه أمسحها بس للأسف لقيت عمر قراها 😭 وبعد ساعه سمعت عمتو ليلى قالت ليهو عمر مالك جيت بدري 😳 ؟؟ قال ليها نسيت أوراق مهمه جيت راجع اشيلها وانا من سمعت صوتو ضربات قلبي زادت وندمت في الرساله واول ما عمر فتح باب الغرفه عملت روحي نايمه 😓 جا وقف قصاد السرير قال لي شجن شجن وانا مغمضه عيوني قال لي شجن انا متأكد انك صاحيه والموضوع ده ما بتناقش بالواتس اصحي عشان نتفاهم ✋ قلت ليهو عمر انا لغيت الفكره وخلاص انسى الموضوع قال لي اول فتحي عيونك قعدت في السرير قال لي دي اول خطوه صاح اتخذتيها وعايزه تتراجعي قبل ما تنفذيها 😓 والله مخصوص جيت راجع عشان الموضوع ده ✋ وانا غالبني اتكلم قال لي ما تتردي والله اوعدك واحد يعرف الموضوع ده غيري انا وانتي ماف حتى بعد ننفصل خليك مطمنه وقسمآ بالله الموضوع ده ما يطلع من الغرفه دي ✋ ما عارفه ليييه لم سمعت منو كلمة الإنفصال دي حسيت بطعنه في قلبي 😢 قلت ليهو طيب سلمى صحبتي الـ ح تمشي معاي الدكتور لأنها بتعرفو قال لي جدا ما عندي مشكله ✋ بعد عمر رجع الشغل إتصلت على سلمى كلمتها اني موافقه بس بشرط انو تمشي معاي و وافقت بعد يومين كان مواعيد الدكتور عمر قبل ما يطلع الشغل قال لي لو سلمى ما جات إتصلي علي بجيك 😊 قلت ليهو تمام قال لي وما تشيلي هم ناس البيت فهمتهم انو عندك مشوار مع صحبتك يعني ما ح تضطري تبرري ليهم طبعا عمر دايما تصرفاتو بتحرجني ✋ عيوني دمعت قلت ليهو عمر انت ليييه بتعمل معاي كده 😭 اتخلع قال لي عملت شنو 😳 قلت ليهو كل ما اعاملك سيئ بتحرجني وبتعاملني أحسن معامله قال لي يا شيخه خلعتيني اول أمسحي دموعك دي وبعدين بعاملك كده لأنو ده واجبي ومقدر الظروف البتمري بيها ✋ ياااخ ردو زاتو أحرجني قال لي بعد ده ح اطلع للشغل وزي ما اتفقنا لو سلمى ما جاتك اتصلي وربنا يوفقك ✋ وفعلا سلمى جاتني بعربيتها وصلنا الدكتور وانا متردده أدخل وخايفه وسلمى كانت بتخفف من توتري بعد دخلنا الدكتور طلب من سلمى تنتظر برا قلت ليهو بخلعه شنو 😳 لااا سلمى تقعد ولأ ح نطلع الاتنين مع بعض 😒 الدكتور الحيوان قال لي لو عايزه تتعالجي تقعدي براك عايزه تطلعي انا ما بمنعك ✋ سلمى قالت لي شجن ما فارقه هنا وبرا واحد انتي اقعدي وانا بنتظرك برا ✋ وانا قاعده متوتره وبفرك في يدي مع بعض اصلا بقت ما عندي ثقه في زول الدكتور قطع تفكيري قال لي أحكي عندك شنو 😊 وانا ساكته وببلع في ريقي قال لي طيب انتي بتعرفيني معرفه شخصيه ولأ انا بعرفك هزيت راسي لاااا 😓 قال لي ده المهم في العلاج انتي أحكي بمشكلتك حتى التفاصيل الصغيره عشان أقدر أعالج وإطمني أول ما تطلعي من الباب ده ح أنسى إسمك زاتو وزي ما شايفه انا راجل كبير ومزهمر 😅 شايفه الكرسي الفاضي ده عايني ليهو واحكي كأنك بتفضفضي معاهو ✋ اها من الأول مشكلتك شنو فعلا عاينت للكرسي وقلت في الجامعه كنت بحب لي واحد ومتفقين علي الزواج وبعدها غلبني أكمل ودموعي نزلت عشره عشره 😭 الدكتور ناولني مويه وقال لي أبكي البكا زاتو علاج بعد شربت واصلت الكلام قلت ليهو والولد غدر بي قال لي ياتو نوع من الغدر 😳 غدر بيك إتخلى عنك ولأ اعتدى عليك قلت ليهو التانيه طبعا انا بحكي ودموعي جاريه 😭 وبعدها فقدت الثقه في اي زول حتى اقرب الناس قال لي نقيف لحدي هنا ونواصل الجلسه الجايه وإطمني دي فتره وبتعدي 😊 بعد طلعت برا لقيت سلمى وإتفاجأت بوجود عمر قال لي شجن انتي كويسه هزيت راسي اي 😔 بعد طلعنا انا رجعت مع عمر وسلمى رجعت بعربيها وطبعا عيوني مورمه من كترة البكا بس كنت حاسه براحه نفسيه ✋ والجلسه التانيه سلمى اعتزرت انو عندها مشوار وما بتقدر تمشي معاي فـ لغيت المواعيد بس اتفاجأت بـ عمر جا راجع من الشغل مخصوص وقال لي اجهزي عشان نمشي 😊 وبقيت ادخل للدكتور من غير توتر وحكيت ليهو باقي القصه لحدي ما اتزوجت والجلسه التالته الدكتور طلب من عمر انو يدخل معاي وفعلا عمر دخل والدكتور بدأ يدردش معانا دردشه عاديه بس اغلبها عن تكوين الأسره والثقه والإرتباط الأسري وانا منزله راسي في الأرض وعمر بعاين لي والدكتور كل ما يتكلم بقول لي رايك شنو يا شجن بس برد ليهو براسي صاح 😓 في يوم كـالعاده سحر جات الغرفه وشايله صينية الفطور فيها أكلي المخصص ( سجوك وفول وطعميه ) واول ما بديت في الأكل سمعتهم يضحكو ويتونسو شلت الصينيه وطلعت قلت ليهم ممكن أخت حقي معاكم عمتو ليلى قالت لي طوااالي يا بتي 😍 وفعلا لخبطت الفول والطعميه مع حقهم بس هم ما كان عندهم سجوك شلت الصحن ختيتو جنب عمتو ليلى قلت ليها لو ما أكلتي منو انا ما باكل ✋ طبعا استغربو انو تصرفاتي فجأه اتغيرت بس ما عارفين انو ده نتيجه 5 جلسات علاجيه 😅 وطول اليوم كنت قاعده معاهم في الهول نتونس ونضحك ولأول مره أشرب معاهم الجبنه عمتو ليلى قالت لي يا بتي الجبنه مع الحمل خطره 😓 ؟؟ قعدت اضحك قلت ليها انتو فهمتو الموضوع غلط وشرحت ليهم انو الحليب السبب اعتزرت مني قلت ليها ولا يهمك ✋ وطول اليوم قاعده معاهم بس قريب مواعيد وصول عمر رجعت غرفتي عشان ما يعرف اني إتغيرت وبتونس مع اهلو ومواعيد الغدا جات سحر قالت لي شجن ح تتغدي معانا ولأ براك قلت ليها براي 😊 طبعا استغربت وفعلا جابت لي صينية الغداء ويوم الجمعه كـالعاده عمر جا شايل لي صينيه الفطور بس غلبني افطر براي بعد ما إتعودت على اللمه شلت الصينيه وطلعت بس المره دي من غير ما استأذن ختيت الصحانه معاهم قلت ليها عمتو ليلى ممكن آكل بالعيش لاني ما بحب الكسره قالت لي جدا ( الاكل كان كسره وملاح ويكه ) وطبعا عمر منطط عيونو ويعاين لي مخلوع ما مصدق 😳 وكل مره كان بيتفاجأ بتصرفاتي أكتر حتى شاي الصباح كنت بقعد معاهم يوم اتصلت علي سلمى قالت لي العلاج كيف معاك 😊 ؟؟ قلت ليها ما عارفه أشكرك كيف والله بسببك حياتي رجعت شبهه طبيعيه 😍 قالت لي في الحقيقه البيستاهل الشكر عمر ما انا 😌✋ قلت ليها بالجد عمر ما قصر معاي وكان بيشجعني اني اواصل الجلسات بس انتي " سلمى قطعت كلامي ""
#يتبــــع
