عمر قال لي الصباح اتصل لؤي وطلب يد سحر قطعت كلامو قلت ليهو وانت رفضت طبعا 😏 قال لي والله شبهه كده لاني كنت فاكر انو عايز يصل ليك عن طريق سحر وكده تكون اختي الضحيه 😓 قلت ليهو معقول تفكيرك يصل للدرجه دي 😳 الكلام ده في الافلام ما بيحصل وزحيت منو 😓 جراني عليهو قال لي غِيرتي عليك تخليني افكر اكتر من كده وخاصه بعد لقيت صورتو في تلفونك 😓 ولم سألتك لو شرحتي لي السبب ما كان ده حصل بس يا ستي الحمدلله سوء التفاهم إتوضح 😊 قلت ليهو يعني قلت لـ لؤي انك رافض قال لي لا قلت ليهو بفكر وارد عليك 😊 بنتكلم كده تلفونو رن قال لي الله نسيت امي وسحر فتح الخط قال ليها 5 دقايق وبكون معاكم قفل الخط قال لي رايك شنو تمشي معاي وتقعدي في العربيه وانا ادخل ابارك للعرسان ونرجع 😊 قلت ليهو لا بنتظرك هنا واصلا أحمد نايم قال لي والمره دي لو بـالجد جاك حرامي ح تصرخي حر حر حر زي هسي ياااخ صوتك ده الحرامي ما يسمعو 😅 صريت وشي وقلت ليهو ما تخوفني ياااخ مافي حاجه بتجيني 😒 باسني في خدي وقال لي خلاص ما بتأخر وح اتكلم معاك بالتلفون لحدي ما اجي راجع تمام ✋ قلت ليهو مافي داعي قال لي عشان اكون مطمن وفعلا طلع واتصل علي فتحت الخط بعد مسافه قال لي بحده شجن ساعه عشان تردي قلت ليهو رجعت تاني تتنرفز 😏 ضِحك وقال لي انتي السبب وفضلنا نتونس لحدي ما وصل الصاله قال لي خلاص ح اقفل وبعد نص ساعه برجع اتصل 😘 وفعلا إتصل للمره التانيه قال لي نحن في الطريق راجعين ✋ وبعد وصلو سحر قالت لي شجن تعالي دقيقه دخلت معاها المطبخ حضنتني بدون مقدمات وقالت لي يا سلااام ياااخ اخيرا رجعتو انتي وعمر زي الأول 😘 قلت ليها اصلا زي ما قلت ليك مشكله بسيطه واتحلت بس انتي عرفتي كيف ؟؟ قالت لي لم عمر اتصل عليك 😍 بس برضو انا لسه زعلانه منك عشان رفضتي تمشي العرس قلت ليها انتي واخوك فاكرين ما عندي شغله غيركم عايزني اليوم كلو اقعد أراضي فيكم 😅 بعد رجعت الغرفه عمر قال لي سحر عايزه شنو ؟؟ قلت ليهو كلام بينا قال لي بالمناسبه يا شجن اهاااا رايك شنو في أخوك قلت ليهو اخوي منو 😳 ؟؟ قال لي لؤي مش قلتي اخوك انا عارف انو ولد ناس بس ما عارف اخلاقو قلت ليهو والله محترم شديد وانت بتقول اولاد خالتي طايشين صح 😒 بس والله لؤي ده غيرهم كلهم اكتر واحد ممكن يمسك مسؤوليه بس في الآخر القرار بيرجع ليك 😓 قال لي والله انا ما عارف وعايز اسأل سحر من رايها بس اكيد ح تخجل مني طيب رايك شنو تسأليها انتي قلت ليهو سألتها زمااان وقالت موافقه 😅 قال لي وافقت من غير ما تضغطي عليها عشان ولد خالتك لأنو الحاجات دي ما بتستحمل المجامله دي حياة طول العمر 😓 قلت ليهو والله انا ما اتدخلت في رأيها قال لي يعني انا اوافق على مسؤوليتك انتي 😊 قلت ليهو طوااالي وانت زاتك اقعد واتكلم مع لؤي ✋ قال لي اكيييد طيب لو لو لو وافقنا عليهو انتي ح تكوني تبع اهل العروس ولأ العريس قلت ليهو تبع المصلحه 😅 حضني عليهو وقال لي من يومك ماديه 👊🏻طبعا بعد عمر كلم لؤي بالرد وكان عباره عن الموافقه مبدئيه 😍 مشيت بيتنا واتصلت علي لؤي عشان سحر وعمر ما يسمعو المكالمه قلت ليهو لؤي انت كلمت امك بـ سحر قال لي لااا بس قدمت لإجازة لم اصل السودان بكلمها 😊 قلت ليهو طيب كيف تفتح الموضوع لـ عمر وانت ما اخدت رأي امك 😒 قال لي لانو متأكد انها ما ح ترفض قلت ليهو لؤي انا ما غريبه وعارفه طبع خالتو شنو عشان كده ما تخليك واثق من رأيها وخاصه امك ولأ بالاصح كل خالاتي بحبو المظاهر 😓 وأكيد امك بتكون عايزه ليك عروس من المجتمع البرجوازي وناس عمي اسره بسيطه عشان كده امك ما ح توافق على سحر 😔 قال لي بس انا الـ ح اتزوجها ما امي ✋ قلت ليهو صح ح تتزوجها انت بس ح تقعد مع خالتو قال لي غلط سحر ما ح تقعد مع امي ح تجي معاي السعوديه 😌 قلت ليهو لؤي خليك عارف انو عمر وافق علي مسؤوليتي انا وسحر حساسه فلو كسرتها ولأ غدرت بيها كده بتكون خربت بيتي انا اول وحده 😓✋ قال لي والله اطمني سحر في عيوني والبيحاول يضايقها ويزعلها الأ يقتلني انا حتي يصل ليها ✋ طبعا انا عارفه لؤي شخصيتو قويه بس كنت خايفه من تصرفات امو وفعلا في الاول كانت رافضه بس سبحان الله سحر قدرت تكسب محبتها 😍 لؤي جا السودان إجازه وإتصل قال لي شجن عايز أقابل سحر لأنو ما حصل قعدنا مع بعض ممكن أعزمها في كافي قلت ليهو شنوووو 😱 انت بتهظر فاكر دي عائلة سوار الدهب المنفتحه (سوار الدهب ده اسم عايله ماما ) دي اسره مقفوله ما عندها كده 😅 وبعدين تعزمها علي ياتو أساس دبله ما عندك قال لي اصلا عايز أسوقها تختار الشبكه براها ✋ بس هسي لازم تلقي لي حل أقابلها 😓 قلت ليهو خلاص بكره ح أكلم عمر إننا ماشين لـ شيراز وانت تعال بيتنا قابلها هناك وماما بتكون في الشغل قال لي تمام 😍 طلعت من الغرفه كلمت سحر قالت لي بصوت عالي واااي يا شجن بخجل أقابلو 😢 قلت ليها غبيه وطي صوتك ولأ عايزه عمر يسمع ويعملنا فسيخ 😒 وطول الليل لؤي شغال يرسل لي ( أفتح معاها الموضوع كيف ودي أول مره نتلاقى ؟؟ انتي عمر كان بدردش معاها كيف قبل العرس ؟؟ ) قلت ليهو انا وعمر حاله خاصه وبعدين لم ما بتعرف تتكلم عايز تقابلها لييه 😅 وهنا سحر برضو متوتره واي واحد فيهم خجلان أكتر من التاني 😓 وفعلا اليوم التاني مكيجت سحر خفيف وطلعنا وصلنا البيت دخلناهم الصالون وانا وشيراز إنسحبنا من جنبهم براحه ✋ وبعد إسبوعين لؤي وسحر عملو خطوبه رسميه ولبسو الدبل 😍 وقبل سفر لؤي بـإسبوع اتواعدو إنو كـ العاده يتلاقو في بيتنا طلعنا مع عمر يوصلنا قال لينا ملاحظ ليكم طوالي بتمشو لـ شيراز الحكايه شنو 😓 ؟؟ طبعا سحر بدأت تتوتر قُلت ليهو انا ماشه بيت بابا عندك مانع 😒 قال لي أبدا ✋ وفي نفس اليوم واثناء ما مندمجين في الونسه جرس الباب رن طلعت أشوف بالبلكونه وااااي ده عمر 😱 جريت الصالون كلمت لؤي " وسحر ما فضل الأ تبكي لؤي قال ليها ما تخافي ح أقول ليهو أنا الـ جبرتها تجي ✋ قلت ليهو يا سلام عليك عشان يقول ليك أمسك دبلتك وما أشوف وشك قال لي بس دي خطيبتي قلت ليهو لؤي انا قلت ليك عمر ما بيفهم كده 😒 تلفوني رن لقيتو عمر فتحت الخط قال لي شجن أنتو وين ؟؟ لي ساعه بضرب في الجرس 😒 أنجلينا فتحت الباب عمر جا داخل قال لينا العربيه الواقفه دي حقت منو 😓 قلت ليهو ياتو عربيه مافي عربيه قال لي شجن انتي راسك ده فيهو حاجه العربيه الواقفه جنب بابكم نطت شيراز قالت ليهو حقت خالو قسم ✋ وسحر ما فضل ليها الأ تبكي وكانت ح تفضحنا بـ خوفها قلت لـ عمر ليييه جيتنا بدري وكان تتصل قبل ما تجي 😒 قال لي ح إستأذن في بيت عمي وبعدين حاسي بيكم ما مبسوطين بشوفتي 😏 قلت ليهو عشان قطعت ونستنا قال لي اخدو راحتكم وانا ح أدخل انوم في غرفتك لحدي ما تزهجو وتكونو راجعين البيت صحوني قلت ليهو بخلعه غرفتي لااا أقصد خلاص نمشي طبعا عمر استغرب 😳 سحر قالت ليهو ونستنا أصلا إنتهت ممكن بعد ده نرجع البيت وترتاح في غرفتك طوالي 😊 وفي الحقيقه رفضنا عمر يقعد لانو لؤي متخبي في غرفتي 😅 بعد طلعنا رسلت لـ لؤي رساله ( دي آخر مره تشوف فيها سحر تاني الأ تشوفها في الكوفير يوم العرس ما ممكن اتطلق انا بسببكم 😅 أعتبر اليوم ده خلاص الوداع )
وعدت سنه وعرس سحر بعد شهر وإتحبست مع شيراز في بيتنا وعمر شغال يغيظ فيني ويقول في وحده مسكينه خلوها قاعده براها 😅 قلت ليهو ما قاعده براي عمتو ليلى معاي 😒 يوم الصباح طلبت من عمر يوصلني بيتنا وبعد وصلنا مسكت أحمد لـ سحر وفهمتها إني ماشه السوق وقلت لـ شيراز تمشي معاي مشوار قالت لي وين ؟؟ قلت ليها مشوار ظابط صدقيني ح تفرحي 😍 ومشينا المستشفى قالت لي وين الموضوع الظابط هنا 😒 قلت ليها انتظري قالت لي عايزه تكرشي لي دكتور 😍 قلت ليها صح ده علي اساس زوجي شغال دكتور هنا وبعرف الدكاتره ادخلي وانتي ساكته 😒 قالت لي غلطانه انا الجيت معاك 😏 دخلنا للدكتوره وكشفت عندها الحمل وطلعت فعلا حامل 😍 وشيراز عايزه تطير من الفرح اكتر مني قالت لي ح ابقى خالتو للمره التانيه وطلعت تلفونها من الشنطه قالت لي لااازم اكلم عمر انا واشيل منو حلاوة الخبر 😌✋ خطفت منها التلفون قلت ليها لاااا انا ما عايزه اكلمو 😒 قالت لي بخلعه شنوووو 😳 قلت ليها قصدي ما عايزه اكلمو هسي عايزه اعملها ليهو مفاجأه زي ما فاجأني بعيد ميلادي 😊 قالت لي يعني ح تعملي زي ما عمل في عيد ميلادك ح تحجزي مطعم تحتفلو فيهو وتفاجئي بالخبر 😍 قلت ليها اكيييد لا كده مكلف ماديا قالت لي مافيها حاجه كلمي بابا يحجز ليك المطعم ✋ قلت ليها انتي عارفه عمر ما ح يرضى وكده بدل أفرحو ح انرفزو 😔 عشان كده ح نحتفل بعيد زواجنا عادي في الغرفه وح اكلمو ودي تكون هديتي ليهو 😍 قالت لي عيد زواجكم متين ؟؟ قلت ليها بعد شهرين قالت لي معقول تقدري تكتمي الخبر ده شهرين 😳 قلت ليها يب 😌 بس ما تكلمي سحر الأ بعد العرس رجعنا البيت سحر قالت لي وين الحاجات الإشتريتيها من السوق 😊 ""
#يتبــــع ⏪⏪⏪⏪
