عمر أشر لـ سحر جات طالعه وقعدو في سرير الحوش قال ليها شجن معاملتها معاكم كيف 😓 ؟؟ سحر بعد عايزه تحكي لـ عمر الحقيقه اتذكرت كلام امها لم قالت ليها ما عافيه ليك لو حكيتي سكتت 😔 عمر قال ليها سحر سمعتي سؤالي صح 😒 قالت ليهو معاملتها كويسه قال ليها طيب ليييه أمي عايزه تسافر تقعد في البلد وتخلي لينا البيت 😢 قالت ليهو احتمال عشان امي حساسه وشافت ده الوضع الطبيعي 😔 قال ليها مافي حاجه زي دي ح تحصل ده بيتنا كلنا و انا والله عارف شجن مختصره في غرفتها وما بتقعد معاكم وما تقولي انا ساكت وبنفذ ليها كل إحتياجاتها خوف منها ولأ بدلع فيها لااا ما كده بس ده واجبي ناحيتها كـ زوج ✋ وبعدين الحاجات دي انتو بتشوفوها كتيره بس بالنسبه لـ شجن عاديه وانتي عارفه الوضع المعيشي الـ كانت عايشه فيهو عشان كده صعب عليها بين يوم وليله تتأقلم مع وضعنا بس اوعدك خلال شهر كل حاجه ح تتصلح ✋ انا وانتي ممكن نصبر عليها ما عشان شجن في حد زاتها لااا عشان خاطر عمي الوقف جنبنا وعن طريق معاملتنا لـ بنتو ح نرد ليهو جزو من جمايلو علينا ✋ نطت سحر قالت ليهو عمر كلمني بصراحه انت ليييه عرست شجن ؟؟ وشجن وافقت بيك كيف وانتو من زمان ما بتطيقو بعض 😓 عمر مسح شعرو وقال ليها ممكن تقولي وقعتها في حبي ولأ شايفه أخوك ما بيستاهلها 😉 قالت ليهو بالعكس انت الف وحده بتتمناك قال ليها ومن الألف ديل شجن الفازت بـ قلبي 😊 وعشان سحر ما تسأل كتيير قال ليها خلاص ادخلي عشان امي ما تشك فينا بس عايز منك طلب إنو أي تصرف يصدر من شجن في حق امي يا ريت تكلميني بيهو اول بأول تمام 😊 سحر هزت راسها حاضر بعدها عمر جا داخل الغرفه وصّاري وشو وبدون مقدمات قال لي شجن قبل كده نبهتك إنو امي خط احمر انا بسامح في اي حاجه الأ امي 😠 قطعت كلامو دقيقه دقيقه هسي الـ سأل امك منو 😒 وما قالو ليك عملت ليها شنو قال لي قصدك منو بـ قالو ليك دي 😠 اولا انا ما بمشي ورا كلام قلنا وقالو وثانيا لو قاصده سحر تبقي غلطانه سحر ما عندها دخل وكلامي ده عباره عن تحذير ما اكتر ✋ قلت ليهو تحذيرك ما بيلزمني وانا اصلا قاعده هنا زي الصنم لا بسأل زول لا زول يسألني 😓 قال لي وانتي فاكره انك كده ح تكرهييني فيك عشان اطلقك انا فعلا ناوي اطلقك بس اتأكدي كل ما تقللي من احترامك لي كل ما فترة الطلاق ح تطول وخلينا نتسلى نشوف الـ خسران منو 😊✋ قلت ليهو وانت فاكر لو حبستني معاك هنا مية سنه ح يجي يوم أحبك ونكَوِن اسره وأحافظ ليك عليها تبقى غلطان ✋ قال لي وحده ما حافظت على نفسها ح تحافظ على اسره 😓 وبعدها عم الصمت كأنو مافي زول في الغرفه وكلامو نزل زي السهم في قلبي بس كنت قويه وقدرت أحبس دموعي وبعد دقائق من الهدوء قال لي بصوت مبحوح شجن 😢 بس قطعت كلامو قبل ما يعتزر قلت ليهو وأخيرا ظهرت على حقيقتك في الأول عامل فيها انك ولد عمي واتزوجتني عشان تنقذني من الفضيحه وتاني عملت انك البطل الخارق وانقذتني من الانتحار بس في الاخر هدفك طلع انك انقذتني من المصائب دي كلها عشان تستلذ وتعايرني بغلطتي براك صح 😒 واحيييك في الآخر انت الانتصرت وحققت العايزو بـ إستفزازك لي ✋ طبعا عمر غلبو يرد طلع من الغرفه ورقد في الحوش " وبعدها انهرت بالبكا بعد شويه مسحت دموعي وبقلبي قلت انتي عويره يا شجن كل ما واحد غلط في حقك تبكي اوعك تضعفي وزي ما استفزاك استفذي ✋ اليوم التاني صحيت كأنو ما حصل حاجه عمر جا داخل الغرفه قال لي شجن انا بعتزر عن أمس 😢 قلت ليهو أمس حصل شنو انا اصلا نسيت 😊 طبعا عمر اتخلع من تصرفي وبعاين لي بإستغراب 😳 قلت ليهو وبالمناسبه وانت راجع من الشغل محتاجه لـ حاجات جيبها لي معاك ولو ما عندك قروش ممكن اكلم بابا يجيبها لي 😊 وانا قاصده اني استفذو بالقروش بس خيب ظني بعد كلامي ده اداني ابتسامه وطلع 😊 اتصلت علي شيراز واتفقت معاها نمشي الشركه نفاجئ بابا بس انا هدفي الحقيقي عايزه افاجئ عمر ✋ وفعلا مشينا الشركه قلت لـ شيراز ادخلي مكتب بابا وانا ح اسلم علي الموظفين وأحصلك وفعلا شيراز دخلت مكتب بابا وانا دخلت مكتب عمر بس ما لقيتو سلمت علي الموظف وسألتو من عمر قال لي ما شغال هنا ✋ قلت احتمال إتحول لمكتب تاني وبعد مشيت لـ بابا وسألتو صدمني وقال لي انو عمر قدم إستقالتو قلت ليهو كيف يعني 😳 قال لي عمر اول ما نزل الشغل بعد عقد عليك انا زدت ليهو المرتب لأني كنت عارف متطلباتك كتيره وبعد عمر عرف فاجأني بورقه استقالتو وقال لقى شغل بديل قلت ليهو وانت كيف تسمح ليهو انو يشتغل في شركه تانيه 😒 قال لي لأنو دي رغبتو وقال لم يشتغل معاي بيحس گـإنو انا البصرف عليك وهو كده ما بكون مرتاح بس وعدني انو ما يقصر في حقك ✋ طبعا كلامو صدمني عشان كده عمر كان بستهتر بكلامي لم قلت ليهو انت شغال مع بابا 😔 وعشان مخصص لي الأكل كنت فاكره انو دي قروش بابا بس طلع هو البيصرف علي طيب وبالنسبه للحاجات الـ طلبتها الصباح 😱 وكلها حاجات غاليه وما مهمه عباره عن نيوتيلا وشكولاتات ولوشنات وشامبو بعدها استأذنت من بابا اني راجعه البيت 😊
#إستكاااانهه :
المساء عمر جا داخل الغرفه وشايل الأكياس ختاها في السرير من غير ما يتكلم معاي واتحرجت شديييد 😔 اليوم التاني اتصلت سلمى صاحبتي انها جايه قلت ليها تعالي عند ناس ماما بس رفضت قالت لي لا انا عايزه أجيك في بيتك ✋ قلت ليها لا خلاص تعالي وفي الحقيقه انا عايزاها تجيني هناك عشان بقدر اضيفها زي ما أنا عايزه وحسب برستيجي ما كنت عايزاها تعرف الوضع المعيشي الأنا عايشه فيهو بس بعد اصرت تجي وصفت ليها البيت 😓 وفعلا وصلتني وبعد سلمت علي عمتو ليلى وسحر واتونست معاهم قلت ليها تعالي ودخلتها الغرفه قلت ليها شوفتي الحصل معاي احلامي كلها اتحولت لـ كوابيس 😔✋ قالت لي يا بنت ما تقولي كده بالعكس والله ربنا عوضك بـ عمر واهلو والله حبابين وحبيتهم من اول ما شوفتهم 😍 قلت ليها ايوووه جامليني قالت لي لا والله دي الحقيقه ومافي أحلى من البساطه قلت ليها سلمى ما تعملي لي فيها مثاليه وبدينا ندردش بعد شويه جات شيراز دقت الباب ودخلت فتحت دولاب عمر شالت ليهو بجامه سلمى قالت لي واااي يا شجن عمر جا هسي يقول علي شنو وانا قاعده في غرفتو 😔 قلت ليها سلمى شكلي ح ارتكب فيك جريمه قالت لي يلااا انا زاتي بعد ده ح أمشي ✋ ونحن طالعين سلمى لقت عمر في الهول سلمت عليهو وعايزه تودعهم بس عمتو ليلى وعمر حلفو عليها الأ تقعد تتغدا معانا بقلبي قلت انا مخصوص ما مسكتها للغداء عشان عارفه الأكل ح يكون كلو طبيخ 😓 😔 يااااخ كان يخلوها تمشي المهم رجعنا الغرفه وبعد ساعه شيراز جابت صينيه الغداء بس سلمى اصرت انو نتغدا كلنا مع بعض ✋ قلت ليها لاااا انا اصلا بتغدا براي 😒 قالت لي بس هسي ح نتغدا معاهم وفعلا شالت الصينيه قلت ليها بضحكه تاني ما تجيني بتخربي نظامي 😅 وفعلا طلعنا عمتو ليلى قالت لينا كان تاخدو راحتكم مع بعض 😊 سلمى قالت ليها ونستنا عاديه وهسي معاكم هنا ح ناخد راحتنا كمان بتكسر ليهم تلج 😒 وطبعا انا اتفاجأت بالصينيه فيها كل ما لذ وطاب صفره مكتمله ما كنت متوقعاها كده 😍 تاني يوم الصباح كـالعاده طلعت الهول لقيت عمتو ليلي وسحر بيشربو في الشاي وعمر طلع الشغل بعد صبحت قلت ليهم ممكن ممكن أشرب معاكم الشاي 😊 طبعا اتفاجؤوا عمتو ليلى قالت لي طوالي يا بنتي وده بيتك ما تستأذني 😘 قعدت معاهم وسحر ناولتي الكبايه بس اول ما شربت جغمه جريت الحوش إستفرغت بعد جيت راجعه لاحظت لـ عمتي ليلى وسحر يتبسمو 😊 وعمتو ليلى قالت لي ان شاء الله عافيه ما فهمت كلامها 😓 بعد عمر جا راجع من الشغل سحر قالت ليهو عندي ليك خبر حلو بس اول تدفع لي البشاره قال ليها يا سلام عليك يلااا قولي والله لي زمن ما سمعت خبر مفرح ولو لقيتو يستاهل بدفع ليك المبلغ الـ ح تطلبي ✋ قالت ليهو شجن حامل اهااا يستاهل ولأ لا 😍 طبعا عمر اتخلع كيف اكون حامل وهو ما قرب مني 😱 قال ليها سحر شجن بتطلع من البيت بعد ما انا اطلع الشغل قالت ليهو لااا قال ليها اتزكري ما حصل فقدتوها لقيتوها مافي قالت ليهو لااا بس قبل يومين استأذنت من أمي انو ماشه الشركه لأبوها بس تاني ما بتطلع من غرفتها بس ليييه السؤال دا 😳 ؟؟ قال ليها ما في حاجه طيب انتي كيف عرفتيها حامل ؟؟ وانا كنت واقفه وسمعت كل الكلام بعدها رجعت الغرفه عمر جا داخل وما اتكلم معاي بس صّاري وشو 😠 استجمعت قوتي وقلت ليهو بالمناسبه صاح انا غلطتني ما بتتغفر بس دي اول واخر غلطة ودفعت تمنها وبسببها ضيعت كل حياتي واستحاله اكررها 😔 طبعا عمر اتفاجأ وبعاين لي مخلوع 😳 قلت ليهو كان تجي تسألني أنا بدل تتجسس علي وعلى العموم كل الحكايه إنو ""
#يتبــــع ⏪⏪⏪⏪
