احتل قلبي

٦

في الطريق عمر قال لي انتي فاكره بتصرفاتك دي ح تستفزيني عشان اقول ليك ما ح اوصلك صح تبقي غلطانه 😠 وللمره المليون بعيدها ليك انا بوصلك عشان خاطر عمي ما أكتر ✋ بس افضل انك تتعاملي معاي كويس كلها نص ساعه من البيت للجامعه ولييييه ما إتصلتي الصباح كلمتيني انك جايه مع ابوك بدل اتعب امشي ليك البيت وفي الآخر ألقاك طلعتي ولأ تكوني مصدقه كلام الزفت المعاك ده وإني سواقك الخاص 😠 بقلبي قلت خير وسيلة الدفاع الهجوم وبديت انفعل فيهو قلت ليهو عملت نفس تصرفك معاي امس لم رفضت ترجعني قاطع كلامي وقال لي انا كنت مضطر وعندي ظرف انتي ظرفك شنو 😒 قلت ليهو نفس ظروفك وما مجبوره اشرحها ليك 😏 وبعدين ما تقول لي تعبت مشيت ليك البيت لأنو انت المُصِر انك توصلني يعني انا ما جبرتك ولأ طلبت منك توصلني عشان كده تعبك ما بيفرق معاي 😌 قاطعني وقال لي بحده شجن خلاص قفلي 😠 قلت ليهو ولو ما سكت عايز تعمل شنو 😒 ؟؟ قال لي ممكن عادي انزلك واخليك تواصلي بالمواصلات ✋ قلت ليهو تنزلني وووين هنا في نص الكبري والله ده الفضل فاكر دي عربية ابوك عشان تتحكم فيها 😏 ما رد علي وانا اتخلعت من كلامي قلت كده من غير ما افكر ونسيت انو أبو متوفي ( عمي) 😢 قلت ليهو بصوت مكسور عمر انا اسفه طبعا هو ساااكت كأني ما بتكلم معاهو 😓 بس زاد السرعه واول ما طلع من الكبري بركن العربيه ونزل لما نزلت معاهو لقيتو بيتكلم بالتلفون اااي اول ما تنزل من الكبري بتلقاني واقف علي يدك اليمين ✋ بقلبي قلت ده بيوصف لمنو اكيييد ده بابا 😢 قلت ليهو عمر ده منو في التلفون 😓 قال لي تلفونك ولأ تلفوني عشان اديك التقرير 😒 قلت ليهو عمر والله ما قصدي قاطعني وقال لي شجن لحدي هنا وكفايه ما عايز معاك نقاش وارجعي أقعدي في العربيه 😠 قلت ليهو وانت ؟؟ قال لي ما بيخصك وحاليا ارجعي العربيه ما تقيفي في الشارع ✋ طبعا قال لي كده بـ عصبيه رجعت العربيه قلت خلاااص يا شجن الليله يومك تم ح يحكي لـ بابا كل الحصل وبابا ح يقتلني عشان جبت سيره اخو 😔 قاعده في العربيه وبفكر في كذبه اطلع بيها من المصيبه دي 😢 بعد نص ساعه وقفت أمجاد قدام العربيه والسواق نزل منها سلم علي عمر وشايفاهم يتكلمو وماشين علي قلت أكيييد عايزين يقتلوني ويتخلصو من جثتي في البحر زي الأفلام 😭 الولد سلم علي وفتح الباب ركب مكان عمر قلت ليهو بخلعه لحظه ده شنو 😳 ؟؟؟ عمر قال لي ده محمد صاحبي ح يوصلك البيت 😒 وقال لـ محمد اتبعني وعمر ركب الأمجاد قلت لـ محمد انتظر عايزه أنزل من العربيه واركب مع عمر بس عمر اتحرك رجعت العربيه مع محمد 😓 ومحمد شغال يتظارف معاي وانا بفكر في المصيبه دي وفي التصرف الغبي الـ عملو عمر 😒 وصلنا البيت محمد نزل وسلم مفتاح العربيه لـ عمر وركب الامجاد عمر قال ليهو انتظرني ح ارجع معاك 😊 عمر فتح باب الشارع دخل العربيه قلت ليهو عمر لييه دخلت العربيه البيت 😢 قال لي عشان زي ما قلتي دي ما عربية ابوي وناولني المفتاح قال لي ده ناولي لـ عمي وخلي يشوف ليك سواق لاني انا ما شغال معاك ✋ دخلت البيت متنرفزه وهو طلع قلت ما مشكله بكره ح ينسى وبعد يوصلني الجامعه بعتزر ليهو للمره التانيه 😔 بابا جا راجع من الشغل واتفاجأ لم لقى العربيه قال لي عمر ليييه دخل العربيه هنا 😳 قلت ليهو بكره الصباح بعد يجي اسألو واليوم التاني جهزت بدري ومنتظره عمر بس ما جا قلت لـ بابا اتصل عليهو لاني اتأخرت 😓 قال لي اتصلي انتي قلت ليهو ما عندي رصيد بس اتصل انت عشان يجي بسرعه 😊 بعد بابا إتصل وقفل الخط قال لي ح أوصلك أنا قلت ليهو بخلعه ليييه 😳 قال لي عمر في الشركه وقال ما ح يقدر يسوقك قلت لـ بابا كان تجبرو يجي 😓 قال لي يا بنت كيف اجبرو وهو اصلا بوصلك ذوق منو بس بعد اصل الشركه ح اشوف مشكلتو شنو ✋ ؟؟ بقلبي قلت خلاص وقعتي يا شجن لو بابا عرف الحقيقه 😢 قلت ليهو بصراحه يا بابا كل الحكايه اتناقشت مع عمر نقاش بسيط عشان اول أمس ما وصلني وانا كنت بهظر بس هو إفتكرني جاده 😔 قال لي لسانك الطويل ده قلتي ليهو شنو 😒 ؟؟ وبالمناسبه أمو كانت عيانه وداها الدكتور عشان كده ما رجعك من الجامعه وإتصل كلمني بس أنا نسيت أكلمك قلت ليهو بخلعه عمتو ليلى عندها شنو 😱 ؟؟ قال لي مجرد التهاب بس عمر بخاف عليها شدييييد نطت ماما قالت ليهو والله ولد اخوك براهو عامل حساس ولو ما عايز يوصل شجن نشوف ليها ترحيل ثابت بدل كل مره يتعزز عليها 😏 قطعت كلامها وقلت ليها ترحيل لااا بس يا بابا عليك الله أجبر عمر يوصلني والله تاني لساني بقطعو ✋ نطت ماما قالت لي حكم ولوت خشمها 😏 قلت لـ بابا عليك الله حاول اقنعو قال لي طيب لم امشي الشركه بتكلم معاهو بوستو في خدو 😒 وصلت الجامعه وانا زهجانه بسبب كلامي مع عمر وفي نفس اللحظه خجلانه من الموقف الحصل بين عمر ورامي جنب  صحباتي وراحت هيبتي ومكاني 😔 بس حصل عكس المتوقع كل البنات لقيتهم مكسرين في عمر سلمى قالت لي وااااي يا شجن وقسما عمر شخصيتو قويه نطت ريري قالت لي ياااااخ فزييييع زي ما بتقول نجوى كرم يخرب بيتو شو حبيتو 😍 بس ما عجبني لـ رامي يااااخ خلاهو زي الشافع منظرو كان بيش 😅 قلت ليهم هووووي اي شي ولا رامي " رامي خط احمر 😒 واليوم كلو  كنت متنرفزه اول مره اغلط في حق زول واندم 😔 الساعه 12 اتصلت علي بابا قلت ليهو اتكلمت مع عمر قال لي آي بس مُصِر علي قرارو حتى العربيه رافض انو يشيلها وقال السواقه بقت مرهقه بالنسبه ليهو بس ما اقتنعت بكلامو انتي قلت ليهو شنو 😒 قلت ليهو كل الحصل حكيتو ليك 😢 بعد قفلت الخط قلت للبنات انا طالعه قالو لي ماشه وين لسه عندنا محاضرتين 😳 قلت ليهم عندي مشوار ضروري شغلوها لي قالو لي مع رامي قلت ليهم لا والله رامي زاتو ما فاضيه ليهو 😓 وفعلا طلعت وصلت الشركه عايزه امشي لـ عمر في مكتبو بس اتراجعت ودخلت مكتب بابا قلت ليهو سبرايز اتخلع وقال لي الجابك شنو 😳 قلت ليهو انتهيت من الجامعه بدري وفكرت اسجل ليك زياره مفاجأه قلت احتمال تكون بتخون ماما ونحن ما عارفين ✋ قعد يضحك قال لي ح تعقلي متين انتي قلت ليهو هسي ده استقبال تستقبلني ليهو بدل تقول لي تشربي شنو 😒 قال لي طيب تشربي شنو ؟؟ قلت ليهو اطلب لينا 3 نسكافي قال لي بخلعه ح تشربيهم الـ 3 😳 قلت ليهو لو انت ما عايز خلاص اطلب 2 😊 قال لي وانتي ح تشربي 2 يعني 😳 قلت ليهو اكيد لااا بس اتصل علي ولد اخوك المنفسن ده الـ يجي يشرب معانا ✋ قال لي الولد ده عزبتي معاك بس والله انا زاتي حيرني فجأه يرجع لي مفتاح العربيه وتعاملو معاي في الشركه بقى رسمي 😓 قلت ليهو طيب اتصل خلي يجي عشان نقنعو الـ 2 ونضغط عليهو يشيل العربيه قال لي فكره وفعلا اتصل قال ليهو : عمر تعال المكتب عايزك ضروري ✋ وانا قاعده متوتره الباب دق بابا قال ليهو اتفضل عمر دخل واول ما شافني صّر وشو وقال لي شجن كيفك من غير ما يمد لي يدو التقول انصار سنه 😏  واتلفت علي بابا قال ليهو نعم " بابا قال ليهو اقعد دقيقه السكرتيره جات داخله شايله الـ نسكافي عمر قال ليهو عايز حاجه بابا قال ليهو اتصلت عليك عشان تتونس معانا شجن عملت لي مداهمه هنا وما عايز اقعد معاها براي 😅 عمر قام من الكرسي قال ليهو والله كان نفسي اقعد معاكم بس مشغول 😊 بابا قال ليهو الشغل ملحوق اقعد عايز اتكلم معاك ✋ عمر قعد وانا ساكته بابا قال ليهو لاحظت انك زعلان من شجن صح عمر قال ليهو لا بابا قال ليهو ما تغشني ظاهر عليك وانا عارف بتي لسانها طويل واكيييد غلطت في حقك 😓 ومن حقك تحاسبها بس الغلط انك تزعل منها مهما حصل انت اخوها وهسي قول لي غلطت معاك في شنو ✋ بقلبي قلت جيت عشان اعتزر اتعرضت للإهانه بس عمر صدمني لم رد لـ بابا وقال ليهو ما غلطت في حاجه 😓 بابا قال ليهو يعني شجن ما عندها علاقه بإنك ترجع العربيه قال ليهو لا ✋ بابا قال ليهو طيب هسي تسوقها قال ليهو يا عمي اعفيني من الحكاية دي وانا اصلا رجعت المفتاح عشان قررت اشتري عربيه 😊 بابا قال ليهو طيب كويس انا اصلا العربيه دي ما محتاج ليها وبفكر اني ابيعها رأيك شنو تشتريها انت 😍 عمر قال ليهو بعتزر ما بقدر اشتريها والله لأنو اكييد سعرها بكون غالي وانا عايز عربيه علي قدر حالي ✋ بابا قال ليهو يعني يرضيك ابيعها لواحد غريب و ولدي عايز يشتري عربيه طيب رايك شنو ابيعها ليك وكل شهر اسحب من راتبك جزو من القروش وكده نكون الإتنين ربحانين اتفقنا ✋ عمر ساكت بابا قال ليهو الف مبروووك علينا انت كسبت العربيه وانا كسبت القروش 😍 نط عمر قال ليهو بس عندي شرط بابا قال ليهو احكي قال ليهو استلم مفتاح العربيه بعد شجن تخلص الجامعه طبعا رفعت راسي بعاين ليهو ومنططه عيوني 😳 بابا قال ليهو وشجن علاقتها شنو ؟؟ قال ليهو عشان تجيب ليها سواق يوصلها عمي قال ليهو يعني لو قلت ليك وصلها انت عمر قطع كلامو قال ليهو المره دي بالجد اعفيني ما بقدر اوصلها للجامعه بالنسبه لي تقييد وانا ما بقدر ✋ بابا قال ليهو اوك راحتك أهم حاجه " عمر استأذن وطلع بابا قال لي الولد ده عندو عزة نفس وكرامة مبالغ فيها تصدقي حتي لم كلمتو عشان يشتغل معاي رفض وقال ما عايز دعم من زول بعد تعب حتى وافق وشرطو الأساسي قال لي لو حسيت انك بتعاملني احسن من الموظفين ح اقدم استقالتي 😓 قلت لـ بابا خلاص أنا ح اخد لفه في الشركه لحدي ما  انت تخلص شغل ونرجع البيت مع بعض 😊 قال لي تمام وانا اصلا عايزه امشي لـ عمر وفعلا دخلت مكتبو و الحمد لله الموظف المعاهو كان مافي دقيت الباب قلت ممكن ادخل 😊 قال لي دي شركة ابوك ما عندي حق اديك اذن طبعا بتكلم معاي ومنزل راسو في التربيزه قلت بدايه غير موفقه 😏 قعدت في الكرسي قلت ليهو عمر أنا بعتزر للمره التانيه ✋ قال لي ما تعتزري بالعكس كلامك صح دي ما عربيتي وهو السبب الـ خلاني اعرف مكانتي كويس وصح ما بحق لي اتحكم فيك واطمني زي ما قلت لأبوي ما ح استلم العربيه الأ ادفع تمنها كامل ✋ وعن ازنك عندي شغل طلع وخلاني قاعده براي طبعا كلامو أثرني وفي نفس اللحظه أتحرجت 😢 بس أنا لسه مُصِّره إتكلم مع عمر وزيارة الشركه بقت من ضمن اولوياتي 😌✋ ""