فتحت الورقه وبتمنى لو ما فتحتها 😓 لقيتها من المستشفى في الأول ما فهمت فيها حاجه بس جذبني اسم أحمد عمر قلت سجمي ده اسم ولدي 😱 بس احمد كويس ما عندو حاجه طيب ليييه عمر اتنرفز لم شلتها وقررت اني اعرف مضمونها ولم ترجمتها لقيتها فحص لـ DNA صدمتي كانت اكبر 😢 وقفت في نص الحوش ودمي بيغلي واول ما عمر طلع من الحمام قلت ليهو الف مبروك اتأكدته انو احمد ولدك ✋ عمر اتخلع قال لي قصدك شنو 😳 رفعت ليهو الورقه قلت ليهو قصدي توضح لي الورقه دي لم انت ما واثق فيني عايش معاي لييه 😒 عمر قال لي شجن اول وطي صوتك ديل جيران قلت ليهو خايف من شنو ولأ خايف يعرفو انك بتشكك في شرفي 😒 جا مسكني قوي من معصم يدي وقال لي اسمعي الكلام الحوش ما مكان نقاش ودخلني الهول فكيت يدي منو قلت ليهو والله انا ما زعلانه في التحليل بس كان تكلمني كنت إتقبلت الموضوع عادي ومشيت معاك المستشفى بدل تعيش معاي بوشين 😔 قطع كلامي قال لي التحليل ده ما حقي قابلك إسمي في الورقه 😠 ؟؟ قلت ليهو يكفي اني لقيت إسم أحمد وكيف يعني ما حقك ولأ أكون عملتو أنا وما متزكره وحتى لو أتأكدت إنو أحمد ولدك الضمنك شنو اني ما بخونك 😒 اي بخونك الليل معاك والصباح مع غيرك زي العاهره كده ارتحت ما شعرت الأ بـ يدو في خدي وصججججج اداني كف 👋🏻 قال لي انا ساكت ليك عشان تفضفضي وتهدي حتى أوضح ليك ما عشان تتمادي 😡 احتمال الكف هو الرجعني من حالة الهستريا جا شايل الورقه وقال لي أقري الإسم التحليل التاني لـ منو وأشر علي الاسم إتصدمت بإسم رامي 😳 واصل كلامو وقال لي اهون علي اني اعمل تحليل للجينات لـ أحمد من اوقفك إنتي في المحاكم ✋ قلت ليهو شنو محاكم 😱 ؟؟ قال لي اي محاكم !! رامي جاني في الشغل وفاكر انو احمد ابنو وانا متبني 😔 شاكلتو وطردتو من المكتب بس لمحتو قبل يومين واقف جنب البيت هنا منتظرك 😠 وبإصّرارو ده ما بعيد يرفع قضيه يتأكد من أحمد عشان كده قررت انهي الموضوع خالص من غير ما زول يعرف حاجه بس غلطتي اني ما إتخلصت من الورقه 😔 ظهور رامي قلب حياتنا 360 درجه قعدت في السرير مصدومه عمر جا قعد جنبي قال لي انا لو كان عندي ذره شك كان انتهزت الفرصه وعملت معاهم التحليل بس انا رفضت ✋ بنتناقش كده بابا إتصل علي عمر سامعه عمر قال ليهو وهسي عامله كيف 😳 " .. الحمدلله " خلاص هسي بنجي بعد قفل الخط قال لي شجن شيراز عملت حادث بسيط قلت ليهو شنووووو عمر عايزه امشي ليها في المستشفى بسرعه 😭 قال لي بس طلعوها البيت وفعلا إتحركنا وصلنا البيت لقيت فعلا الحادث بسيط ومجبصين ليها رجلها 😢 طبعا ماما استأذنت من عمر اني اقعد معاهم عشان اتونس مع شيراز لانو مانعنها تنزل في رجلها وانا ما صدقت الفى سبب أبعد من عمر واصلا الايام الاخير علاقتنا كانت متوتره من دخل فيها رامي لخبطها لينا 😒 المهم قعدت مع شيراز وكنت بساعد ماما في المطبخ والبيت ما شاء الله كان 24 ساعه مضيوف 😓 وبعد 21 يوم شيراز رجعت المقابله والدكتور قال العمليه نجحت ممكن تطئ في رجلها عادي 😍 اليوم التاني ماما قالت لي شجن عمر استأذن مني انو المساء ح يجي يسوقكم 😊 قلت ليها وانتي قلت ليهو شنو 😒 قالت لي ح اقول شنو عايزه امنعو مرتو و ولدو والله ما قصر لم وافق تقعدي الفتره دي كلها 😓 وفعلا المساء عمر جا وشيراز قالت ليهو حرام عليك بعد اتعودت عليهم عايز ترجعهم قال ليها لو عايزه أحمد ممكن أخلي ليك بس شجن لاااا 😉 قلت ليهو البيسمعك يقول أحمد ما ولدك عمر فهمني وصّر لي وشو ركبنا العربيه في الطريق مسك يد أحمد قال ليهو شهر كااامل يا أحمد ما تسأل من بابا عايش كيف 😓 ؟؟ وأحمد يضحك وصلنا البيت سحر شالت أحمد وشغاله تسلم عليهو قالت لي يااااخ تاني امشي اهلك الصباح وتعالي المساء بس ما تقعدي كده 😓 قلت ليها من هسي أحمد أمسكي معاك هديه مني 😅 ودخلت الغرفه سسسسجمي مكياجي 😱 عمر جا حضني قال لي ده كلو ومافي حاجه لفتت انتباهك غير مكياجك 😒 طبعا بالقلم كاتب لي في المرايه l'm very sorry و I Love you وعامل قلوب بالروج ما إتوقعت انو عمر رومانتك كده 😍 اتلفت عليهو وشربكت يدي في رقبتو قلت ليهو أكيييييد لاحظت إنو في مرايه عايزه غسيل 😊 عمر صّر وشو قال لي وبالنسبه للكتابه الكتبتها دي بوستو في جبينو طبعا لم يصُّر حواجبو بتتقرن مع بعض قلت ليهو والله عرفتك قاصدها بس حبيت اتغالظ عليك وكسرت صوتي عمر قال لي نن عيونو لـ عمر 😍 قلت ليهو ما عايزه اتصدم للمره التانيه قال لي لو من الأول إخترتي صح ما كان إتصدمتي بس أوعدك الزفت ده ما ح يدخل حياتنا تاني 😘 قلت ليهو وبالنسبه ليك إنت ما ناسي حاجه قال لي بإستغراب حاجه زي شنو 😳 قلت ليهو تعتزر عن الكف الـ ضربتني ليهو 😒 قطع كلامي قال لي والـ قال لي ليك منو إني ندمان على الكف لو رجع الزمن وقلتي نفس كلامك ده ح أرجعو ليك تاني 👋🏻 حبيبي تزعلي تصرخي تعملي العايزه واي مشكله وليها حل بس في حدود واهم حاجه عندي تحترمي روحك قبل ما تحترميني تمام وباسني في خدي قال لي ولأ الضربه في الخد التاني وباسني في التاني 😘 الحيوان أحرجني وغلبني أرد 🙈 سحر جات شايله أحمد يبكي عمر شالو ورقدو في صدرو سكت وانا شغاله غسيل في المرايه قلت ليهو عمر تاني لو عايز تعمل حركات الهنود دي في اقتراح إسمو ورقه وقلم 😒 ده خسارة مكياج وتعب غسيل قعد يضحك قال لي وانتي قبل تزعلي اتزكري مكياجك والمرايه 😅 اليوم التاني سحر وعمتو ليلى طلعو عمر جا من الشغل وأحمد اول ما شافو بقى ينادي با .. با .. با عمر عايز يطير من الفرح قال لي شجن سمعتي أحمد قال بابا قلت ليهو لاااا بس قال با وقالها صدفه 😏 وانا عافه انو قاصد بابا بس انا اتعب ويجي اول كلمه ينطقها بابا 😒 عمر قال لي طيب هسي ح إختبرو ناولني أحمد واول ما شلتو قعد يبكي ويقول با .. با .. ويأشر بيدو لأبو عشان يشيلو 😏 وفعلا عمر شالو ومبسوط ويغيظ فيني ويرفع لي حواجبو 😏 قال لي ما تزعلي خلاص نجيب واحد تاني ونعلمو اول كلمه يقولها ماما 😉
العصر باب الشارع دق عمر مشى فتحو لقى راجل كبير في العمر حوالي 70 سنه سلم علي عمر قال ليهو بدهشه انت عمر 😳 رد ليهو اي قال ليهو ما شاء الله والدموع نزلت منو 😭 عمر اتصدم من بكا الراجل قال ليهو خير يا عم 😳 الراجل مسح دموعو قال ليهو خير يا ولدي شوفتك براها خير ✋ عمر قال ليهو طيب اتفضل ادخل قال ليهو امك موجوده طبعا عمر اتصدم من السؤال بس رد ليهو بحده لاااا بس انت بتعرف امي من وين 😒 ؟؟ وطبعا نبرة صوت عمر اتغيرت وصّر وشو الراجل قال ليهو ما تفهمني غلط طيب ممكن ادخل 😊 عمر قال ليهو اتفضل الراجل دخل وشاف أحمد قال ليهو ده ولدك 😍 عمر قال ليهو اي وانت كده عرفت كل حاجه عندي بس لسه ما عرفتك انت منو 😒 الراجل قال ليهو طيب بتعرف شنو عن ابوك 😊 عمر وقف من الكرسي قال ليهو ربنا يرحمو بس لحدي هنا وكفايه يا تتكلم وتقول انت منو يا وقبل ما عمر يتم كلامو الراجل قال ليهو طيب لو قلت ليك أبوك حي ما مات ✋ ""
#يتبــــع ⏪⏪⏪⏪
