واول ما رامي فتح باب الشقه إتصدمت لقيتها فاضيه ما فيها زول قلت ليهو رامي وين أصحابك 😳 قال لي بصراحه حبيت أعمل ليك مفاجأه وأصلا مافي عيد ميلاد بس قلت كده عشان توافقي تجي 😍 إنفعلت قلت ليهو كيف ما في زول يعني ح نقعد هنا برانا 😠 قال لي مش أحسن من نقعد في كافي ويشوفك زول من اصحاب ابوك زي ما حصل قبل كده وهنا بناخد راحتنا ولأ ما بتثقي فيني بس خلاص ارح نطلع أصلا غلطان لاني كنت فاكرك بتثقي فيني وعمل زعلان 😒 قلت ليهو رامي انا اكيد بثق فيك وخلاص ح نقعد ما تزعل 😊 قال لي ايوه كده وبعدين نحن ناس واعين اكيد ما ح نغلط وفعلا كان مجهز قعده ظريفه ولعنا الشيشه وبدينا ندردش ونسيت اني كنت زعلانه 😍 رامي قال لي رأيك شنو نتزوج هسي قلت ليهو طوالي ما عندي مشكله 😅 قال لي انا جادي قلت ليهو كيف يعني جادي 😳 ؟؟ قال لي نجيب اتنين شهود والمأذون ونعقد وتبقي مرتي وبعد سنه نعمل العرس على الملأ 😍 قلت ليهو يعني قصدك عرس عرفي وانفعلت فيهو كيف تفكر بالطريقه دي 😡 قال لي يا بنت أهدي دي كاميرا خفيه وانا بهظر معاك انا زاتي ما بوافق نعمل كده 😓 ورجعنا نتونس عادي "" فجأه فتحت عيوني حسيت براسي ح ينفجر وح يتشق نصين من الصداع 😔 وشغاله اتلفت حولي لقيت روحي في غرفه وحاولت استوعب واتذكر الحصل بس ما فاهمه حاجه وما عارفه الجابني الغرفه شنو 😓 بعد شويه جا رامي داخل الغرفه وبيشرب في سيجاره قال لي صباح الخير وفي وشو ابتسامه خبيثه 😊 قلت ليهو شنوووو متين الصباح جا الساعه كم 😱 ؟؟ قال لي الساعه 9 صباحآ قلت ليهو رامي الـ جابني الغرفه شنو وحصل شنو 😳 ؟؟ ورامي ساكت قلت ليهو بتكلم معاك رد علي 😠 طبعا قدر ما حاولت اتزكر الحصل ما متزكره غير انو كنا بنتونس في الصاله وكنت ماسكه الشيشه دي آخر حاجه متزكراها 😔 قلت ليهو بإنفعال رامي أحكي الحصل شنو ومن حالتي عرفت انو في حاجه غلط حصلت 😰 رامي قال لي أهدي حبيبتي القمر وعايز يقرب مني لزيتو وانا اصلا ما عندي قوه وقلت ليهو رامي سؤالي واضح حصل شنو 😠 ؟؟ قال لي حصل وبعدها سكت ونزل راسو في الأرض قلت ليهو لاااااا إستحاله تكون عملت فيني كده قول انك بتكذب وما حصل حاجه واتفقعت بالبكا 😭 قال لي شجن أهدي الحصل ده والله ح يفضل بينا وكلها سنه ونتزوج ولو عايزه هسي نجيب الماذون ونقعد بينا ✋ قلت ليهو هسي أقول لـ أهلي شنو ودي الثقه الـ كنت أمس بتتكلم عنها 😭 قال لي حاولي إتصرفي جنبهم عادي وكلها سنه وأنفذ وعدي وأجيب أهلي ونقابل أهلك وهسي إعتبري ما حصل حاجه وأصلا الشيطان هو السبب 😓✋ قلت ليهو رامي رجعني بيتنا استجمعت قوتي وطلعنا واول ما وصلت البيت دخلت غرفتي ماما جات قالت لي مالك 😳 ؟؟ قلت ليها مافي حاجه قالت لي من امس بتصل عليك مليون مكالمه ما بتردي قلت ليها التلفون كان صامت وما لاحظت ليهو 😔 قالت لي واتصلت علي سلمى برضو ما بترد 😓 قلت ليها صوت الحفله عالي عشان كده ما بترد قالت لي وانت متأكده ما عندك حاجه قلت ليها اي 😔 بعد ماما طلعت قعدت أبكي وإتمنيت انو الزمن يرجع بي يوم واحد 😭 المساء فتحت تلفوني لقيت ديشليون مكالمه من سلمى ورامي رجعت لـ سلمى واتجاهلت رامي سلمى قالت لي شجن أمس أمك بتتصل علي وما قدرت أرد عليها بس إنتي كنتي وين 😳 حكيت ليها بـ أي حاجه وسلمى فضلت تعاتب فيني وقالت لي انا من زمان حزرتك من رامي بس انتي كنتي فاكره إني بحسدك وبغيير منك صح 😒 قلت ليها سلمى ده ما وقت عتابك ورامي وعدني يصلح غلطتو بـ انو يتقدم لي ونتزوج 😔 قالت لي ان شاء الله يبقى راجل ويوفي بـ وعدو ✋ وفي البيت اتغيرت 360 درجه بقيت هاديه وغالبا قافله غرفتي علي 😔 بابا قال لي شجن وعدتيني انك تنزلي معاي الشغل ليييه بقيتي ما بتجي الشركه والحمد لله خلاص اتخرجتي 😓 قلت ليهو عايزه آخد راحه وأوعدك إني إشتغل معاك بصفه مستديمه 😊 بابا فرح وقال لي مكتبك جاهز ✋ وعدا شهر شيراز قالت لي شجن حفلة تخريجك باقي ليها اسبوعين وانتي ما جهزتي حاجه 😓 قلت ليها لأني ما عايزه إتخرج قالت لي ليييه من زمان انا منتظره اليوم ده 😢 قلت ليها انتظري تخريجك انتي بس انا شهاده وح استلمها من الجامعه وعليك الله موضوع التخريج ده تاني ما تفتحي لي وركزي في دراستك 😓 حتي صحباتي كانو مستغربين إني ما عايزه إتخرج وكانو بيحنسو فيني وكنت بقول ليهم ما عندي مزاج للتخريج 😔✋ و سلمى عشان عارفه السبب الحقيقي قالت لي شجن انسى الحصل وعيشي حياتك بصوره طبيعيه طال ما رامي وعدك انو يصلح غلطتو ويتزوج ما في داعي للخوف ✋ قلت ليها ما ح ارتاح الأ بعد نتزوج 😔 العصر جاتنا سحر عشان تقعد مع شيراز فترة الامتحانات تشرح ليها وكان معاها عمر بعد سلم قال لي طولنا ما شفناك في الشركه ولأ منتظره تستلمي شهادتك وتنزلي بصفه رسميه 😊 رديت ليهو بكل هدوء وإحترام لا إطمن غيرت رأيي وما ح تشوفي في الشركه تاني 😒 وطلعت غرفتي عمر استغرب من طريقة كلامي اتلفت على شيراز وأشر ليها بـ حواجبو ناحيتي نظام شجن مالها 😳 قالت ليهو والله ما عارفه كلنا محتارين في تصرفاتها حتى نحن كلامها معانا بقى قليل ما بتتناقش كتير وطول اليوم في غرفتها ولم نسألها بتقول ما في حاجه 😔 وانا قاعده في الغرفه باب الغرفه دق قال ممكن ادخل ؟؟ وجاني صوت عمر قلت ليهو لااا 😒 قال لي طيب منتظرك برا تعالي 😊 قلت ليهو عمر انا ما فاضيه قال لي طيب حضري حالك لاني ح ادخل وبعد 5 دقايق فتح الباب قلت ليهو انا تقريبا قلت ليك ما تدخل صح 😒 قال لي شكرا علي الاستقبال 😊 ما اشتغلت بيهو وكنت قاعده في نص السرير وفاتحه اللاب توب مشى علي المرايه قال لي اللون الجبتو ليك وين قصدو الروج 😅 ما رديت عليهو وكان في قلم الكحل في الدرج شالو وكتب في المرايه ( شجن ) عاينت ليهو وبرضو ما ناقشتو لانو بقى ما عندي اخلاق اتحاور مع زول وعمر عايز ينرفزني بأي طريقه في الآخر جا قعد معاي في طرف السرير قال لي شجن اقفلي الجهاز عايزك في كلمتين 😊 قلت ليهو احكي سامعاك قال لي بعيدا عن خلافاتها لو عندي مشكله وعايز أفضفض عشان ارتاح ممكن تسمعيني وأفضفض معاك 😊 قلت ليهو ممكن وبقلبي قلت ناقصه اسمع مشاكل زول ومشكلتي ما قادره أحلها 😔 قال لي طيب ليييه انتي ما بتعملي كده قلت ليهو اعمل شنو 😳 قال لي لييييه ما بتحكي لي عن مشاكل زي شيراز قطعت كلامو وانفعلت قلت ليهو والقال ليك عندي مشاكل منو 😠 ؟؟ ولأ واقعه في مشكله الـ قال ليك كده غلطان 😠 قال لي شجن أهدي مافي واحد قال لي بس " قلت ليهو عمر اطلع من الغرفه وفعلا طلع وانا قعدت ابكي احتمال اتنرفزت فيهو عشان كلامو صح 😔 وعدا شهر وانا بنفس الحاله والسكوت الدائم 😔 وماما ما كانت شغاله بتغيير تصرفاتي كتيير لأنو أغلب وقتها في الشغل وبابا دايما مسافر 😔 واحتمال مفتكرين هدوئي ده بسبب اني بقيت عاقله و واعيه 😓 المهم يوم صحيت الصباح تعبانه اتشجعت نزلت من السرير وانا نازله في السلم شايفه طشاش طشاش عايزه أمسك في يد السلم بقيت ما شايفه حاجه 😢 ما شعرت الأ وانا في الأرض أنجلينا جات جاريه سادن انت كويس ؟؟ سادن انت في شنو 😱 ؟؟ واتصلت علي ماما في الشركه كلمتها " ماما وعمر أسعفوني للمستشفى بس الدكتور صدمهم قال ليهم والله ما عارف اقول ليكم شنو بس لازم تعرفو 😔 ماما قطعت كلامو قالت ليهو أحكي شجن عندها شنو 😳 قال ليها شجن شجن ""
#يتبــــع ⏪⏪⏪⏪
