واول ما عمر اتصل علي كلمت بنات خالتي يمشو معاي عشان استقوى بيهم 😍 بس للأسف خزلوني ومن لمحو عمر بدو يتراشقو ونسوني خااالص 😒 وحلفو على عمر الأ يدخل البيت وانا واقفه مخلوعه من تصرفاتهم 😳 بس عمر رفض يدخل وقال ليهم مستعجل بس جيت ارجع شجن معاي البيت واتلفت قال لي اركبي واداني نظره قاتله 😢 قلت ليهو طيب دقيقه رجعت شلت شنطتي وقلت لـ بنات خالتي حسابكم معاي بعدين ده ما كان اتفاقنا يخسييي عليكم 😏 بعد اتحركنا عمر قال لي طبعا انتي عارفه الموضوع شنو وما ح اكتر معاك الكلام بما انك عارفه العملتي ده غلط والدليل انك هاربه من مواجهتي 😒 هسي عندك خيارين يا تتقبلي شروطي الـ ح اقولها ليك وتنفذيها يا نقيف قدام ابوك واحكي ليهو بالحصل وهو يتصرف معاك ✋ و أول شرط تاني ما اشوفك في المكان ده ولا اي مكان مشابهه 😒 ثانيا ما عايز اشوفك مع الزفت ده خارج الجامعه وحبذا لو قطعتي علاقتك معاهو لانو لو عندو ليك احترام ما بيسمح ليك تقعدي في مكان زي ده وبالوضع الانتي فيهو ده تمام 😒 وثالثا من اللحظه دي أنا الـ ح اوصلك الجامعه وأرجعك ✋ قلت ليهو بخلعه شنووووو 😳 قال لي زي ما سمعتي وده كلو عشان خاطر عمي انتي ما بتهميني بـ حاجه لأنو البشوفك بالمنظر ده بسيئ لـ عمي في تربيتو ليك وخاصه انو اغلب الموظفين الشغالين في الشركه بجو نفس الكافي منظر عمي وسط الموظفين ح يكون شنو 😠 ؟؟ وانا ساااكته طبعا عمر ما صدق لقى فيني فرصه وشغال يسمعني محاضره في الأخلاق وفي الاخر قال لي اهااا قرارك شنو 😊 ح توافقي بـ الشروط دي ولأ أحكي لـ عمي ✋ بلعت ريقي وقلت ليهو موافقه 😢 قال لي تمام يلااا اول ما تصلي البيت تكلمي عمي انو انتي الـ طلبتي مني اوصلك الجامعه " بعد وصلنا عايزه انزل عمر قال لي دقيقه قبل ما تنزلي عايز نسخه من الجدول 😊 قلت ليهو ما عندي 😒 قال لي شجن احسن ما تعانديني وسلميني الجدول عشان ما أشيلو بطريقتي الخاصه 😊 قلت ليهو مكتوب هنا وناولتو الدفتر عمر طلع تلفونو صور الجدول وقال لي كده ما محتاج أسألك ح تخلصي دوام متين 😊 نزلت من غير ما أرد وأول ما دخلت البيت ماما قالت لي ليييه جيتي راجعه بعد ما قلتي قاعده عند سميه 😳 قلت ليها اتزكرت انو دفاتر محاضره بكره ما معاي ودخلت غرفتي جات شيراز قالت لي شجن انتي عملتي شنو عمر جا سأل منك وكان مٌعصِب 😳 قلت ليها ولا حاجه واصلا عمر معصب طبيعي يعني ما انا السبب 😒 وجيت تعبانه ما بستحمل أي نقاش بقلبي قلت دي مصيبة شنو دي يعني معقول تاني اشوف عمر صباح ومساء Nooo إستحاااله 😔 بس لاااازم اتعامل مع عمر بطريقه تخلي هو الـ يتنازل عن شروطو ويرفض يوصلني وخاصه انو ما عندو اخلاق بتنرفز بسرعه ✋ وبقيت عشان انرفزو زياده لااازم كل يوم يا اشتري شيبس يا تسالي واقعد اقرمش ليهو في العربيه زي صوت الغنمايه البتاكل عيش ناشف 😅 وهو بيضايق من الصوت قال لي شجن ممكن تاكلي في البيت قلت ليهو كمان عايز تحدد لي اكل متين 😒 قال لي طيب خلاص اتعلمي اداب الاكل قلت ليهو ما عايزه اغير ليك طريقة اكلي 😏 وشغاله قرمش قرمش قال ربنا يطولك يا روح 😠 وصلت البيت مبسوطه وبديت أفكر في خطه تانيه
وفعلا اليوم التاني عمر جا يوصلني الجامعه بعد اتحركنا سحبت منديل من العربيه نظام مسحت وشي ونزلت القزاز وجدعتو 😌 وتاني سحبت واحد مسحت بيهو الشنطه وكذلك جدعتو 😌 وسحبت الـ 3 مسحت بيهو الاسبورت وجدعتو ومنتظره عمر يتكلم عشان انفعل فيهو و هو بيعاين لي وساكت 😒 بس شكلو كان ما طبيعي زي المهموم 😓 لقيت حكاية المناديل ما نرفزتو فتحت الـ mp3 بأعلي صوت عمر قفلو وقال لي شجن الدنيا صباح والليله بالذات ما عايز نقاش 😒 بقلبي قلت اخيرا بدأ يتنرفز 😍 رجعت فتحت الـMp3 قلت ليهو لو انت زعلان وقافله معاك انا ما مجبوره ازعل معاك عايزه اتطرب ✋ هز راسو وقال ربنا يلزمني الصبر ورجع سكت 😓 وصلت الجامعه وبعد نزلت قفلت الباب شديييد اتحرك من غير ما يناقشني صادفت رامي جنب باب الجامعه قال لي شجن انتي ليييه بتركبي قدام السواق بيركبو معاهو ورا 😒 قلت ليهو بالنسبه لي ما فارقه معاي المهم في الاخر بيوصلني 😊 دخلت الجامعه وعدا اليوم بنفس الروتين اليومي من محاضرات و ونسه وضحك مع رامي والبنات 😍 واخر الدوام كـالعاده منتظره عمر يرجعني بس ما جا لحدي المغرب وفي الاخر إتصلت عليهو رد لي بعد مسافه وكل القالو لي شجن ما بقدر أجيك أرجعي بأمجاد وقفل الخط حتى من غير ما يوضح لي السبب 😓 وفعلا رجعت مع رامي وكنت متوقعه يتصل يعتزر بس ما اتصل فقررت انتقم منو وأعمل ليهو نفس الحركه ✋ اليوم التاني صحيت بدري وقلت لـ بابا وصلني معاك الجامعه 😊 قال لي طيب اتصلي علي عمر كلمي انك ح تمشي معاي عشان ما يجيك 😓 قلت ليهو كلمتو من امس كذابه يا انا اصلا عايزه يجي يلقاني مافي 😌 وفعلا بابا وصلني الجامعه وانا ورامي بقينا ما بنتلاقى الأ في الجامعه بسبب الزفت ده 😔 وانا خلاص اتخنقت من مقابلة عمر صباح ومساء وقصة التسالي والشيبس والصوت بقت مستهلكه وما جابت نتيجه فقررت أتقل العيار شويه بعد نهاية الدوام اجبرت البنات انو نقعد نتونس وفعلا قعدنا في الكفتريا تلفوني رن لقيتو عمر رفضت المكالمه 😌 تاني رن سلمى قالت لي شجن حرام عليك ردي لانو ح يكون واقف منتظرك برا 😒 قلت ليها عارفه وما تشتغلي بيهو كتييير 😊 رامي قال لي ايوه كدا يا دوووب بقيتي تعرفي تتصرفي مع السواق ما تدي اكبر من حجمو عشان ما يطلع ليك في راسك 😍 ريري قالت ليهو حرام عليك يا رامي في الاخر ده برضو انسان زينا قلت ليهم خلاص غيرو الموضوع 😒 و واصلنا في الونسه وعمر مُصِر يتصل وانا صمت التلفون بعد شويه سمعت صوت قال سلام يا شباب طبعا اتخلعت ده صوت عمر 😳 قال لي شجن تلفونك وين بتصل عليك ليييه ما بتردي 😒 قلت ليهو بصوت خافض ما سمعتو نط رامي قال ليهو بحده انت دخلت هنا كيف 😠 ؟؟ قال ليهو دخلت بالباب 😊✋ رامي قال ليهو عارفك دخلت بالباب بس كيف سمحو ليك تدخل الجامعه من غير بطاقه ونبرة صوت رامي كانت حاده 😠 عمر ما رد عليهو بس عاين ليهو بنظره استحقار وسكت 😒 واتلفت قال لي شجن وأشر لي بعيونو علي الباب نظام اطلعي وانا طبعا ساكته بعاين ليهم مخلوعه وما قادره اتكلم 😢 من ناحيه عمر ومن ناحيه رامي وما عارفه اقيف في صف منو عشان كده السكات أفضل حل 😓 نط رامي قال ليهو كيف تتكلم مع شجن بالطريقه دي وتأمرها إنها تطلع ما تنسى انت مجرد سواق مهمتك انو تنتظرها في العربيه لحدي ما تجيك علي كيفها وبراحتها 😠 طبعا عمر بعد سمع كلمة سواق دي ملامح وشو اتغيرت 360 درجه واتلفت علي والصدمه ظاهره في ملامح وشو 😳 وانا عشان أنهي النقاش بينهم قلت لـ رامي انت ما تدخل بينا وإتلفت قلت لـ عمر خلاص ارح نطلع 😓 عمر قال لي اطلعي قدامي انا عندي كلمتين مع الشاب الظريف ده 😊 وانا من الخوف قربت اعملها تحتي عمر طلع قلم من جيبو وقال للبنات لو سمحتو ورقه كلهم بالخلعه فتحو الشنط عايزين يناولو بس رزان كانت اسرع شال الورقه سجل فيها رقمو واسمو وناول الورقه لـ رامي قال ليهو ما ح اتناقش معاك هنا احتراما لـ حرم الجامعه ✋ بس ده رقمي واسمي بالكامل اتصل علي في اي زمن و واجهني راجل لـ راجل في اي مكان ح تلقاني حضور " بعدها طلعنا وفي الطريق عمر قال لي ""
#يتبــــع ⏪⏪⏪⏪
