شيراز فتحت الكيس ونططت عيونها قالت لي بخلعه رووووج اكييييد عمر غلطان عمر من متين بعرف الحاجات دي 😱 بعد سمعتها خطفت منها الكيس قلت ليها شنوووو 😳 وفعلا لقيت 3 الوان من ماك (بني وكبدي وأحمر ) جدعت الكيس في السرير وقلت لشيراز يلااا اطلعي زمنك انتهى وبعدين عمر جاب لي الحاجات دي ما كرم ولا ذوق جابها لي عشان جدع لي حقي 😒 قالت لي بخلعه جدعو ليك كيف ولقى وين 😳 ؟؟ قلت ليها امشي اسألي عمر قالت لي يعني ما عايزاهم ارجعهم ومدت يدها عايزه تشيل الكيس قلت ليها لاااا خليهم مكانهم ما عندك دخل فيهم انا الـ ح أرجعهم 😊 بس أطلعي لي من غرفتي 😊 قالت لي البيسمعك يقول كنت جايه اتونس معاك والله انا لو مكان عمر واحد ما أجيبو ليك 😏 قلت ليها يلا اجري اتصلي على عمر كلمي بالنصيحه دي وخلي يبعد من طريقي 😅 فتحت الواتس اتونس مع رامي لقيت رساله من عمر كاتب لي " اشتريت ليك 3 بدل الواحد الجدعتو ولسه فضل لي قروش من مرتبي تكفيني شهر كامل عشان كده تاني ما تتكلمي عن راتبي الشهري وإنتي ما عارفه كم " احرجنی الحیوان 😏 بعد ما كنت فرحانه بالروج زعلته من نفسی بسبب استفزازو لي 😒 قفلت الواتس شلت الالوان و وقفت فی المرایه كل مره اجرب واحد منهم 😍 واتمنين لو كنت طلعت البدره بدل الروج عشان يجدعها ويشتري لي وحده جديده اصلا فضل فيها بسيط 😅 المهم عزلت اللون الكبدي أحلي لون وباقي الروج رجعتو في الكيس اليوم التاني كـالعاده موصلني الجامعه ونحن في العربيه ناولتو الكيس قلت ليهو شكرا خلاص عزلت حقي ✋ عاين لي بطرف عينو وقال لي وأنا اعمل بيهم شنو خليهم معاك الظروف ما معروفه احتمال تكرري فعلك ده واجدعو منك عشان يكون عندك بديل 😊 قلت ليهو شكرآ لخدماتك انا ما بقبل استحسان من زول بس اديهم لـ سحر اختك 😏 قال لي بس سحر ما بتستخدمهم قلت ليهو اتصرف فيهم وختيتهم في العربيه جنب الدركسون قال لي يعني ما عايزاهم وبعدين ديل اتنين يعني بعادل مرتب شهرين زي ما قلتي صح 😊 فتح القزاز وجدع الكيس وأنا من غير ما اشعر صرخت وقلت ليهو ده شنو في زول بجدع ماك 😠 قال لي عايزاهم ارجع اجيبهم 😊 طبعا عزة نفسي ما بتسمح لي اقول عايزاهم فـ قلت ليهو لااا 😏 قال لي طيب خلي صاحبة نصيبهم تشيلهم وانا مغيوظه من جوه بسبب تصرفو واحد احمق بس ما اكتر 😒 بعد وصلنا الجامعه وعايزه انزل قال لي بتخلصي دوامك الساعه كم ؟؟ قلت ليهو يهمك في شنو قال لي ابدا بس كنت بفكر تمشي معاي نستقبل ابوك في المطار ✋ قلت ليهو لااا شكرا بابا ح اقابلو في البيت ما رد علي دور العربيه واتحرك طبعا رجعت مع رزان بعربيتها مكان عمر جدع الروج بس ما لقيتهم اي والله ما لقيتهم 😭 المهم بعد المحاضره التانيه رجعت البيت عشان انتظر بابا وافتح الشنط قبل شيراز 😍 وفعلا بابا وصل ومعاهو عمر وطبعا انا في البيت عادي بلبس بناطلين وتيشرتات مع الكمر وبجي نازله بيهم عمر من شافني صّر وشو وقال لي مليون مره كلمتك لم اكون قاعد معاكم ما تحومي قدامي بملابسك دي 😠 قلت ليهو لو ما عاجباك غض بصرك وبعدين مش بتقول انك زي اخوي يعني ما فيها حاجه 😊 قال لي لا فيها مليون حاجه انا لبسك حق الجامعه ما عاجبني قلت ليهو ما شرطي يعجبك ومافي زول طلب رأيك 😏 شيراز قالت لينا هدو اللعب شويه عمر قال ليها والله يا شيرو بفهمك ده المفروض تكوني انتي الكبيره قطعت كلامو وقلت ليهو بس سبحان الله حكمة الله طلعت انا الكبيره عندك اعتراض بس غلطانه انا اصلا القعدت معاكم وأديتكم من زمني ✋ شيراز جات محصلاني في الغرفه قالت لي شجن عمر والله بقول ليك كده عشان خايف عليك 😢 قلت ليها لااا مشكور كلمي ما يخاف علي لانو لا ابوي لا اخوي بس يقيف في حدودو واصلا ده واحد معقد وتفكيرو رجعي ما بينفع معاي ✋ قالت لي لااا ما معقد بس راجل والرجال قليل قلت ليها خلاص ح اكلم بابا يعرسو ليك عشان تكوني معرسه من الرجال القليلون 😒 قالت لي وانا لاقيه 😍 قلت ليها عشان انتي زاتك تفكيرك زيو رجعي وضحل 😊 والحمد لله بابا رجع بالسلامه وح يوصلني الجامعه بس بصراحه اتعودت علي مشاكلي اليوميه مع عمر المشوار معاهو فيهو لذه 😍 المهم يوم بعد نهاية الدوام رامي عزمني نطلع مع بعض واشترط علي انو نطلع برانا من غير صحباتي ✋ وفعلا مشينا كافي في شارع النيل وقاعدين اخر انبساط وخاتين الشيشه في نصنا 😍 وانا مستكينه لابسه بنطلون وخالفه رجلي واثناء ما بنتونس واول ما مسكت الشيشه تلفوني رن ( المتصل عمر ) ما رديت عليهو تاني رجع اتصل صمت التلفون وختيتو في التربيزه رامي قال لي ده منو قلت ليهو ده السواق ما تشتغل بيهو 😊 قال لي ما ملاحظه إنو السواق ده ماخد حرية التصرف معاكم شديد 😒 قلت ليهو بابا بيرأف عليهو عشان مسكين 😔 التلفون رن برساله قلت الحيوان ده مُصِّر عايز شنو فتحت الرساله كاتب لي ( من غير نقاش وبـ هدوء نزلي رجلك دي وأجدعي الزفت الـ في يدك وخلال ثانيه لمي عفشك وانتظريني جنب العربيه برا ) اتخلعت 😱 وشغاله اتلفت في الناس عيني وقعت في عمر لقيتو كـالعاده صّاري وشو واشر لي بـ حواجبو علي الباب الليله وقعتك سوده يا شجن ح يكلم بابا 😭 لميت حاجاتي وقلت لـ رامي انا ماشه قال لي بسم الله في شنو والرساله من منو 😳 قلت ليهو بفهمك في الطريق رامي قال لي طيب انتظري هاك نسيتي تلفونك في التربيزه قلت ليهو التلفون ما مهم بس اتحرك سريييع 😰 ركبت العربيه قال لي فهميني في شنو قلت ليهو الرساله ما عندها علاقه بس لمحت صاحب بابا في الكافي 😔 قال لي عادي ما فيها حاجه ح نقول ليهو نحن زملاء وبندردش مع بعض ✋ قلت ليهو وبالنسبه للشيشه كانت برضو بتدردش معانا وبديت افكر في حل للمصيبه تلفوني رن لقيتو عمر والمره دي ما بقدر اتجاهل إتصالو واول ما فتحت الخط قال لي بحده انتي وين 😠 ؟؟ قلت ليهو راجعه البيت 😢 قال لي انا ما قلت ليك انتظريني جنب العربيه ورجعتي مع الزفت ده صح طييييب وقفل الخط في وشي رامي قال لي ده السواق صح انا ما عارف بيتأمر عليك كده ليييه 😒 قلت ليهو رامي السواق ده خلي علي جنب ما عندك بيهو علاقه 😓 قال لي اوك بس كان لمصلحتك قلت ليهو رامي لف يمين قال لي ماشه وين 😳 ؟؟ قلت ليهو بيت خالتي واتصلت علي ماما كلمتها اني ح انوم عند خالتو سميه و وصفت لـ رامي البيت لانو متأكده عمر ح يجيني في بيتنا 😢 وصلت بيت خالتي والحمد لله خالتي كانت ما موجوده وحكيت لـ بنات خالتي بأي حاجه قالو لي عمر فاكر روحو منو عشان يتحكم فيك 😠 تلفوني رن اول ما شوفت اسم عمر بسبب الخوف قفلت تلفوني خااالص 😢 بعد شويه رن تلفون ريل بنت خالتي ردت اخيرا يا زيزو اتزكرتينا الليله يومنا سعيد انتي واختك اتزكرتونا 😍 بعد انتهت ناولتني التلفون قالت لي شيراز عايزاك رديت الو قالت لي شجن انتي عملتي شنو عمر بيسأل منك 😢 قلت ليها ده واحد منفسن ما عملت حاجه 😒 سمعت صوت قال لي لو ما عملتي حاجه بتهربي ليييه وقسما بالله يا شجن تقفلي الخط أكلم عمي بالحصل عشان كده احسن تتفاهمي معاي انا بدل تتفاهمي مع ابوك 😠 وانا شغاله أبلع في ريقي من الخوف قال لي اول حاجه افتحي تلفونك وثانيا ح اعرف وصف البيت من شيراز واول ما إتصل عليك تجي طالعه جنب الباب وقفل الخط 😡 قلت لـ بنات خالتي عمر جايي هنا ما تخلوني معاهو براي ده مجنون ممكن يقتلني بدون تردد 😢 لوجي قالت لي الـ يجي عشان نمسح بيهو البلاط نطت ريل قالت لي دي حريه شخصيه ما عندو دخل فيها ✋ كلامهم معاي شجعني وخفف من خوفي واول ما عمر وصل فعلا اتصل وكلمت بنات خالتي يمشو معاي عشان استقوى بيهم بس للأسف خزلوني 😒 ""
#يتبــــع ⏪⏪⏪⏪
