يوم تعبت مشيت المستشفى عملت فحوصات الدكتوره قالت لي الف مبروووك ح تجيبي بيبي 😍 قلت ليها بخلعه بيبي شنو لااا انتي آكييد غلطانه ده إرهاق ✋ قالت لي لا والله الفحوصات اظهرت انو في حمل وعمر طبعا مستغرب في ردة فعلي قلت ليها عيدي الفحص 😒 الدكتوره قعدت تضحك قالت لي دي صدمة الفرحه 😅 بعد طلعنا من الدكتوره عمر قال لي واخيرا ح نبقى 3 😍 وانا ساكته واول ما ركبنا العربيه عمر قال لي شجن لييه ساكته ملاحظ ليك من عرفتي الخبر وقبل يتم كلامو دموعي نزلت هو زاتو اتخلع 😳 قال لي شجن في شنو احكي قلت ليهو الحمل مسك يدي وباليد التانيه مسح دموعي قال لي اتكلمي من غير بكا الحمل مالو لو ما عايزه ✋ هزيت ليهو راسي لااا 😢 قال لي طيب في شنو ما فاهمك والله 😢 قلت ليهو زكرني بـ ماضيني الأسود ضماني عليهو زياده قال لي شجوني انا الماضي رمينا ورانا حاولي أنسي 😘 وصلنا البيت وأول ما دخلنا عمتو ليلى قالت طمنوني نط عمر قال ليها شجن عندها ملاريا وانا ساكته قالت لي سلامتك يا بنتي 😘 هزيت ليها راسي ودخلت الغرفه رقعدت في السرير واتجهت على الحيطه عمر قعد في الكرسي يعاين لي ويدو في خدو محتار ما عارف يعمل شنو 😢 طلع من الغرفه وجا داخل شايل كباية عصير قال لي حبيبي قومي اشربي عصير الليمون ده بترتاحي 😊 هزيت ليهو راسي ما عايزه قعد علي رجلو في الأرض وقال لي حبيبي أسمعيني بكره ح نمشي لدكتوره تانيه نتأكد قلت ليهو الدكتوره كلامها صح ده حمل لأنو نفس أعراض الحمل الأول 😔 والله نفسي أنسي الحصل بس ما قادره جا قعد في السرير وخت راسي في رجلو قال لي ان شاء الله ح تنسي إتجاوزنا الكتير وفضل القليل 😘 عمر أقنعني شربت العصير وفضل جنبي لحدي ما نُمت ✋ اليوم التاني عمر قال لي شجن اطلعي معاي وانا ماشي الشغل أوصلك لأمك ترتاحي عندها يومين تغيري جو 😘 عمتو ليلي قالت لـ عمر خليها هنا وبنهتم بيها قال ليها امها برضو قلقانه عليها ح تمشي يومين وبتجي راجعه وفعلا وصلني بيتنا وكلم ماما وباركت لي الحمل عمر قال لأمي ح تقعد معاك يومين عشان يخف توترها بوجودك جنبها✋ بعد عمر طلع الشغل رقدت في الغرفه ماما قعدت جنبي قالت لي مالك زعلانه في وحده ح تبقى ام بتزعل المفروض تفرحي 😍 قلت ليها نفس الام دي ارتكبت جريمه وقتلت طفلها الأول 😭 قالت لي يا بنتي الدكتور قال الطفل مات قبل ما انتي تشربي الصبغه يعني انتي ما عندك دخل وبعدين احتمال ربنا اخدو منك عشان تبدي حياة جديده ونضيفه والله ربنا قسم ليك راجل مافي زيو 😍 وعوضك بالطفل ده بس بطريقتك دي ح تضيعي ويبقى بالجد ذنبو في رقبتك كلامها اثر فيني 😔 وعمر كان بتصل كل دقيقه يطمن علي واليوم ده عدا علي زي السنه والليل كان طويل شدييييد بالرغم من انو ده البيت الـ نشأته فيهو بس ما كنت مرتاحه كنت حاسه انو في حاجه ناقصاني بالرغم من كل سبل الراحه المتوفره 😓 واليوم التاني ماما نزلت الشغل بعد ما اطمنت علي وشيراز في الجامعه كنت قاعده براي في البيت مع انجلينا وطول اليوم بكون زهجانه وبتنرفز في انجلينا عمر اتصل يطمن علي واول ما فتحت الخط قال لي نن عيوني عامله كيف 😍 ؟؟ واصلا كنت منزعجه ومتضايقه وبعد سؤال عمر اتفقعت بالبكا قلت ليهو ما كويسه مافي زول مهتم بي وطول اليوم قاعده براي قال لي حبيبي اهدي ساعه وبكون جنبك بس هسي الله يرضى عليك ما تنفعلي 😢 قلت ليهو لا ما تجي مش ما عايزني انا زاتي ما عايزاك وجدعت التلفون في السرير وناديت انجلينا بأعلي صوت وجاتني جاريه قالت لي عايز هاجه 😳 انفعلت قلت ليها من قبيل بنادي فيك ما سامعاني ولأ الأ حلقي يتقرش حتى تجي قالت لي والله ما سامع انا كونت في المتبخ ما بسمع 😔 قلت ليها اعملي لي فنكوش بسرعه قالت لي هادر يا حليله كانت الوحيده البنفس غضبي فيها 😔 عمر جا داخل الغرفه لقاني راقعده ومتكله في السرير وباكل في الفنكوش وفاتحه التلفزيون واول ما فتح الباب وشافني بالمنظر ده ربع يدو وخلف رجلو في بعض واقف ومتكل في الباب وبعاين لي 😳 قلت ليهو مالك مخلوع اول مره تشوفني قال لي متأكده انتي نفس شجن الاتصلت علي ومنفسنه وداخله في حاله هستريا وبتبكي 😳 قلت ليهو يعني عشان انتو ما عايزني اموت من الجوع 😒 جا قعد جنبي قال لي كيف يعني ما عايزنك والكلام القلتي لي في التلفون ده شنو 😒 قلت ليهو دي الحقيقه كلكم في الشغل وشيراز في الجامعه وانا هنا قاعده زي المجنونه براي 😢 لمس خدي بيدو قال لي اول نبرة الزعل دي انا ما عايزها تمام ومسك يدي وقال لي حبيبي كلنا جنبك وانتي اهتمامنا الاول بس لازم نمشي الشغل طيب أنا لو قعدت معاك 9 شهور لحدي ما البيبي يطلع الـ ح يصرف علينا منو لازم اشتغل عشان أأمن ليكم مستقبلكم بس والله انا بمشي الشغل وبالي كلو معاك 😘 وقعد معاي لحدي المساء قال لي بعد اطمنت عليك ح أمشي قلت ليهو عمر نوم معاي هنا 😢 قال لي مافي طريقه امي وسحر قاعدين براهم بس اوعدك بكره الصباح بجيك قبل ما امشي الشغل تمام وباسني في راسي 😘 اها الصّره لـ شنو خلاص ح اقعد معاك لحدي ما تنومي حتى امشي كده تمام هزيت ليهو راسي اي بعد شويه قلت ليهو عمر ماشه معاك البيت رفع راسي بيدو وقال لي شنووو 😳 إنتي متأكده قلت ليهو اي ✋ قال لي خلاص مافي داعي نتأخر اجهزي وفعلا نزلنا ماما قالت لـ عمر لييه سايقها معاك خليها يومين ترتاح 😊 نطيت انا قلت ليها خلاص بقيت كويسه ح امشي ارتاح في بيتي طبعا عمر اتفاجأ من كلمة بيتي دي وعجبتو شديييد 😅 طلعنا في الطريق عمر قال لي عايزه حاجه نشيلها معانا قلت ليهو لا وصلنا وعمتو ليلى ما قصرت معاي وكانت خاتاني في عيونها طبعا عمر بقى نهائي ما بجيب لي سيرة الحمل بس إهتمامو ناحيتي زاد 😍 الصباح طلعت من الغرفه لقيت عمتو ليلى قاعده في الهول قعدت جنبها قلت ليها ممكن اخت راسي في رجلك 😊 قالت لي اكيييد وختيت راسي وبدأت تمسح لي في شعري طبعا عندها حنيه عجيييبه 😍 سحر جات داخله قالت بخلعه شجن مالها 😳 امها قالت ليها كويسه ما عندها حاجه بنت وراقده في رجل امها بنتكلم كده عمر جا طالع من الحمام وكذلك اتفاجأ بمنظري وانا في رجل عمتو ليلى جا هبش راسي قال لي مالك 😢 قلت ليهو يعني الواحد اصلو ما يرتاح معاكم انت وسحر 😒 وقمت من رجلها عمتو ليلى قالت لي ارقدي ما تشتغلي بيهم قلت ليها تسلمي لا خلاص سحر قعدت تضحك قالت لـ عمر عشان انا اتفاجأت زيك كده 😂 قال ليها بصراحه انا بديت اغير من شجن نبع الحنان أدتها حنانها كلو 😅 إتصلو على عمتو ليلى بـ خبر بكا واضطرت انها تمشي شيراز اتصلت تطمن علي سحر شالت التلفون واصّرت عليها تجي وفعلا شيراز وصلت وقاعدين اخر ونسه وضحك لحدي ما سمعنا صوت باب الشارع ضرب بقوه سحر قالت ده منو 😳 جا عمر داخل وأول ما شافنا شال نفس عميق وقال اووووووف وبدأ يصرخ قال لينا ليييه ما بتردو علي زفت تلفوناتكم 😡 سحر قالت ليهو ماسمعنا قال ليها جادعنهم وين المفروض يكون جنبكم لو مشترنهم عشان تجدعوها يبقى ما في داعي تشيلوهم 😠 سلم علي شيراز وقال لـ سحر اعملي لي كبايه شاي ودخل الغرفه شيراز قالت لي شجن أمشي شوفي عمر مالو متنرفز 😳 قلت ليها ما بشوفو اصلا طبعو كده لو ما اتنرفز خلال اليوم ما بيرتاح 😒 قالت لي طيب ح اشوفو انا ✋ قلت ليها تمشي اول غرفه علي يدك اليمين بتلقي هناك قالت لي اممممممم ظريفه 😒 قلت ليها ان شاء الله يتم باقي نرفزتو فيك شيراز دقت باب الغرفه قال ليها اتفضلي فتحت الباب قالت ليهو اوووو اسفه طلعت قفلت الباب وجات راجعه قلت ليها ههههههه طردوك ولأ شنو ؟؟ قالت لي لااا بس ببدل في قميصو 🙈 قلت ليها تستاهلي عمر فتح الباب قال شيراز تعالي شيراز مشت ليهو انا لحقتها من باب الشمار دقت الباب قال ليها اتفضلي دخلت وانا وقفت اسمع في كلامهم قال ليها بعتزر قلت ليك اتفضلي وانا بالفنيله بس افتكرتك شجن وقلت عامله زعلانه ونظام بتستأذن قبل ماتدخل علي 😊 قالت ليهو ما مشكله بقلبي قلت الحيوان ده فاكرني ح استأذن وانا داخله غرفتي بيحلم 😏 شيراز قالت ليهو بس عصبيتك دي اكيييد وراها سبب قال ليها ما في حاجه كل السبب انو ما ردو علي مكالمتي قالت ليهو عمر انا متأكده في حاجه قال ليها من يومك ذكيه 😅 والله بصراحه اتصلت اطمن علي شجن في تلفونها ما بترد اتصلت في تلفون سحر برضو ما بترد قلت اذا شجن حصلت ليها حاجه وكانت بتجي في راسي صورة الانتحار وطول الطريق كانت معلقه في راسي منظرها لم حاولت تنتحر وخاصه انو اليومين دي متوتره قلت ح تكون عملت حاجه في نفسها 😔 شيراز قالت ليهو بعد الشر عليها بس لو حصلت ليها حاجه أكيييد كان اتصلو عليك قال ليها ما فكرت كده 😓 في اللحظه دي سحر جات شايله الشاي قالت لي مالك واقفه هنا ؟؟ قلت ليها كنت عايزه ادخل الغرفه بس غيرت رأيي المنفسن ده هسي يتنرفز فيني 😏 عمر جا طالع من الغرفه قال لـ شيراز ما ترجعي البيت انتظريني شيراز قالت ليهو بس ما تتأخر قال ليها ما تخافي ح اوصلك البيت ✋ وطبعا بيتكلم وبعاين لي وانا صّاره ليهو وما اتكلمت معاهو 😒 سحر قالت لـ شيراز الأ تنومي معانا واصلا امي ح تجي راجعه بكره من البكا شجن وعمر ح ينومو في غرفتهم يرضيك انوم براي واقنعتها انو تنوم معاها وشيراز اتصلت علي ماما كلمتها ورجعنا اخر ونسه وضحك 😍 وقريب لـ رجعة عمر من الشغل اكلت سلطة اسود عشان ما اقعد معاهم في الصينيه وفعلا عمر وصل بعد اتحمم سحر وشيراز حضرو الغداء عمر قال لي وانتي مالك ما عايزه 😒 ؟؟ قلت ليهو نفسي اتسدت قال لي طيب نفسك عايزه شنو قلت ليهو ولا حاجه 😏 طبعا ممثله فيها اني زعلانه وما عايزه نطت اختي الحيوانه قالت ليهو عمر ما تشتغل بيها شجن اكلت قبل شويه ✋ طبعا قربت افكها بالتربيزه عمر قعد يضحك قال لي طيب ما تختصري من الأول وتقولي شبعانه 😅 خلاص المغرب عندي ليكم مشوار ظريف شيراز قالت ليهو وين ؟؟ قال ليها غنجه ظريفه وطبعا انا اموووت واعرف المكان وين بس عزة نفسي منعتني اسألو ✋ بعد خلصو من الاكل عمر دخل الغرفه جات شيراز قالت لي شجن عمر عايزك وفضلت تغمز لي 😉 قلت ليها ما تتعبي عيونك بالغمز ارتاحي ما ماشه ليهو ✋ قالت لي كيف يعني ما صاح منك نطت سحر قالت ليها اصلو ما تمشي مش اتنرفز فيها 😊 شيراز قالت ليها انتي بتحرشي فيها علي اخوك قالت ليها ااااي لانو اخوي يستاهل ✋ قلت ليها وانتي زعلانه عليهو مالك 😏 ؟؟ بنتكلم كده سمعت صوت قال بحده شجن لملمت باقي لساني الطويل وجريت الغرفه قلت ليهم لو عمر جا طالع ح يرتكب فيني جريمه 😅 نطت شيراز قالت لي ما قلتي ما ماشه لويت ليها خشمي ومشيت 😏 ما عندي وش ارد ليها بعد كسرت كلمتي دخلت الغرفه عمر قال لي رسلت ليك شيراز ما كلمتك 😒 قلت ليهو كلمتي قال لي طيب مالك ما جيتي ؟؟ قلت ليهو لانو ما عايزه أجي طبعا بتكلم معاهو وبلوي في خشمي 😏 ضماني عليهو وقال لي ده فهم جديييد المره دي عديتها ليك طيب أمسيتي كيف 😘 ؟؟ قلت ليهو كنت كويسه لحدي ما جا واحد عصبي جنو مشاكل ونكد علي 😏 قعد يضحك قال لي عشان كده العصبي ده جا يعتزر ليك وباسني في رقبتي 😘 قلت ليهو اعتزارك مرفوض قال لي بس انا لسه ما اعتزرت وانا مخصوص عامله الطلعه دي ليك انتي قلت ليهوث ما ماشه قال لي متأكده قلت ليهو اي ✋ قال لي أحلى حاجه خلاص انا زاتي ما عايزك تمشي ح اوصل ديل واجدعهم في اي مكان واجيك راجع تمام 😍 قلت ليهو لا طبعا انا زاتي غيرت رأيي ماشه معاكم عمر قعد يضحك وجهزت اول وحده فيهم وطوالي فتحت باب العربيه ورا ركبت جنب سحر شيراز قالت لي شجن ده شنو 😳 سحر قالت ليها انا عايزاها تركب جنبي 😊 طبعا انا وسحر عاملين لسه زعلانين من عمر نط عمر قال لـ شيراز يا سلاااام يااااخ وانا لاقي لم انتي تركبي قدام 😍 وانا وسحر ساكتين وعمر يكاوي فينا ويتونس مع شيراز وصلنا فورتي ون (41) قال عايزه اسكريم شنو 😊 نطت سحر قالت ليهو مٌشكل قال ليها انتي الـ سألك منو انا بتكلم مع شيراز قالت ليهو في النهايه ح تسألني يعني ما فرقت 😏 قال ليها ومنو القال ليك ح اسألك انتي وشجن زعلانين مني وما بتتكلمو معاي وعايزين تاكلو قروشي 😅 قلت ليهو هسي شجن سألتك قال لي اووو اسف ومشى قلت اصلا ح يشتري 4 ايسكريم بس خيب ظني وجا شايل كاسين قلت خلاص ما مشكله ح يكون كل اتنين في كأس بس صدمني ناول شيراز واحد وشال واحد وشغالين ياكلو 😱 اي والله شوف عيني بدو ياكلو شيراز قالت ليهو وااااو فظيع يااااخ 😍 قال ليها اصلا اسكريمهم عجييييب وانا ساكته من الصدمة 😓 نطت سحر قالت ليهو طيب لم ما عايز تشتري لينا جايبنا معاكم ليييه 😒 قال ليها عشان تستنشقو هواء نقي قلت ليهو لا انا كنت عايزه اموت بكتمة نفس في البيت احسن من مشوارك ده ✋ نطت اختي الهبله قالت لي شجن عايزه إسكريم قلت ليها لا شكرا اشبعي انتي 😏 وعمر يضحك سحر قالت لي عليك الله انتي الـ خلاك توافقي علي عمر وتعرسي شنو ؟؟ قلت ليها وافقت عشان اصلح غلطه غلطتها في حق نفسي بس طلعت موافقتي اكبر غلطه في اللحظه دي عمر عشرق بالإسكريم سحر قالت لي بخلعه غلطة شنو الـ صلحتيها بالعرس 😳 ""
#يتبــــع ⏪⏪⏪⏪
