اليوم التاني كان عندي اووف في الجامعه مشيت الشركه وبابا اتفاجأ قال لي ما ملاحظه بقيتي تجي الشركه كتييير 😊 قلت ليهو انت عايزني اتعلم الشغل صح عشان كده تاني ح تشوفني هنا كتير 😌 قال لي ده ما يسعدني 😍 في الآخر دخلت مكتب عمر وكان معاهو موظف وموظفه كل واحد عندو تربيزه قعدت جنب تربيزه عمر وخلفت رجلي عمر صّر وشو وقال لي اول حاجه نزلي رجلك دي لانك قاعده في مكتب عمل 😠 ولو عايزه تستهتري امشي مكتب ابوك ✋ طبعا غاظني نزلت رجلي واتحولت في تربيزه الموظف التاني اسمو ياسر وشغاله أدردش مع ياسر وطلبت قهوه عمر قال لي شجن الموظفين هنا وراهم شغل بتمنى تقعدي في المكتب مع ابوك 😒 قلت ليهو بس أنا جايه اتعلم الشغل ما اقعد مع بابا واتلفت علي ياسر قلت ليهو لو وجودي مضايقك ومعطلك من الشغل ممكن امشي 😊 قال لي لااا بالعكس عادي اتلفت علي عمر واديتو إبتسامه 😊 وفضلت اتونس مع ياسر وعمر رجع يشتغل في الملفات جات الموظفه قعدت في التربيزه جنب عمر وبدت تشتغل معاهو قلت لـ ياسر البنت دي إسمها منو 😒 قال لي سهى قلت ليهو مكتبها وين ؟؟ قال لي التربيزه التالته دي حقتها يعني في نفس المكتب ده 😊 قلت ليهو تمام وكل مره البنت ترجع تربيزتها وتجي شايله ورقه لـ عمر يشتغلوها مع بعض في الاخر عمر طلع من المكتب وهو طالع اداني نظره حاده 😒 واول ما عمر طلع مع البنت جريت علي تربيزتو وسحبت منو ورقه دسيتها ياسر شافني قلت ليهو عايزه اعمل في عمر مقلب بسيط 😊 وانا في الحقيقه كنت عايزه انرفزو وفعلا بعد جا راجع فقد الورقه وبدأ يفتش فيها وسأل ياسر قال ليهو ما شوفتها وانا عامله روحي شغاله في التلفون بس كنت براقب فيهو 😌 جات سهى داخله قالت ليهو بتفتش في شنو 😳 ؟؟ قال ليها في ورقه استيراد انا متأكد كنت شغال فيها هنا 😓 الحيوانه قالت ليهو لحظه افتش مكتبي احتمال شلتها مع اوراقي بالغلط وشغاله تفتش في اوراقها قلت بصوت عالي لو اي واحد بيشتغل في مكتبو ما كان كل ده حصل 😊 عمر رفع راسو وكـالعاده صّر لي 😠 بقلبي قلت ليهو نظراتك دي ح تدفع تمنها غالي ✋ ياسر همس قال لي شجن خلاص بعد ده رجعيها قلت لـ عمر احتمال وقعت منك برا وانت طالع قال لي بـ حده ما طلعت بيها 😠 ياسر قال ليهو ارجع شوفها احتمال شلتها من غير قصد وفعلا عمر طلع وانا جريت ختيتها بسرعه في نص الاوراق بس سهى شافتني قلت ليها ياريت تخلي بالك في شغلك وبعدين حاولي انك تشتغلي بمفردك من غير مساعدة زول 😒 عمر جا داخل سهى قالت ليهو راجع الاوراق الـ عندك ورقه ورقه احتمال تلقاها وعاينت لي لويت ليها خشمي 😏 وكنت بتونس مع كل الموظفين الأ الزفته دي ما كنت برتاح ليها رجعت مكتب بابا وبدون مقدمات قلت ليهو بابا عمر ولد اخوك صح قال لي بخلعه في شنو 😳 قلت ليهو ليييه ما بتعمل ليهو مكتب خاص 😓 قال لي قبل كده عرضت عليهو بس رفض وقال عايز مكتب صغير زي كل الموظفين ✋ بقلبي قلت رفض عشان يقعد مع الزفته دي وعشان لاقي وحده لاصقه فيهو اليوم كلو بس طيييب 😏 بابا قال لي بعد ده يلا نطلع البيت امك بتكون منتظرانا قلت ليهو انت أمشي وانا برجع مع عمر 😊 قال لي قاعده لـ شنو قلت ليهو أصلا البيت زهج قال لي تمام ✋ طبعا بابا حلف علي عمر إنو يسوق العربيه زي الأول واثناء ما بابا طالع قلت ليهو بابا كلم عمر يرجعني معاهو البيت قال لي أوك ✋ وفضلت قاعده في المكتب فاتحه النت واخر استكانه 😍 جا عمر داخل قال لي انا طالع لو طالعه حصليني في العربيه 😒 قلت ليهو تقريبا الواحد بيستأذن قبل ما يدخل مكتب المدير 😌 بتكلم معاهو وبهز في الكرسي يمين وشمال قال لي حركات بنت المدير دي تعمليها للموظفين ما لي أنا 😊 وعندك دقيقه حصلتيني ح اوصل ما حصلتيني ح أمشي ✋ الحيوان خلاني جريت قدامو بعد ركبت العربيه جات سهى عمر قال ليها اركبي معانا نوصلك 😊 قالت ليهو شكرا ح امشي مع الترحيل بعد اتحركنا قلت ليهو ما شاء الله طلعت ظريف وبتوصل البنات كمااان 😊 قال لي شجن احسن نكون ساكتين لحدي ما نصل في هدوء والله ما عندي نفس للنقاش ✋ قلت ليهو بالمناسبه انا ما حابه ارجع معاك وكنت عايزه ارجع بالمواصلات اداني نظره مستفزه وسكت 😒 بقلبي قلت ياااخ لازم اعمل اكشن ما لذيذه نكون ماشين ساكتين 😓 فـ قلت ليهو بالمناسبه شايفه سهى خاته عينها عليك بس لو عايز نصيحتي البنت دي ما لايقه عليك 😊 حك فرمله وقف وقال لي بحده شجن أحسن تلزمي حدودك استهتري في اي حاجه الأ في اعراض الناس 😡 قلت ليهو هسي قلت شنو عشان تنفعل كده وبعدين ما كنت عارفه إنك ما بترضى فيها كلام 😏 قال لي البتتكلمي عنها دي أحسن منك بمليون مره 😠 طبعا كلامو الاخير ده جرحني شدييييد قلت ليهو احسن مني في شنو والله عمرها ما ح تكون زيي 😒✋ طبعا قلت كده والعبره خانقاني اول مره واحد يستفزني بالطريقه دي وكمان يستفزني عن طريق بنت 😓 قال لي انتي بتقيسي الناس من ناحية القروش صح بس انتي غلطانه 😒 عايزه تعرفي هي احسن منك في شنو ؟؟ انتي حياتك كلها هزليه واستهتار بس هي حياتها مكافحه علي لقمة العيش وقع ليك ولأ أعيدو ✋ وبعدها فضلنا ساكتين لحدي ما وصلنا 😔
