اليوم التاني قلت بما إنو عمر رجع معاي زي الأول لااازم أعمل ليهو مفاجأه واصلا بعد يومين مسافر 😢 فكرت إمشي إتحنن واظبط نفسي وأعمل ليهو جو رومانتك 😍 بس يا فرحه ما تمت الصباح بعد الشاي قلت ليهو عمر عايزه 500 جنيه بقلبي قلت منها اتحنن ومنها اظبط البيت بس فاجأني وإنفعل فيني عايزه كككككم 😒 ؟؟ قلت ليهو بإبتسامه ما تنفعل شكلك سمعتني غلط أنا عايزه 500 جنيه ما 500 الف ولو ما عندك ما مشكله ✋ قال لي لااا سمعتك صااااح وبعدين أجيبها ليك من وين شغل المساء وقلتي ما إشتغل فاكره إني نايم في خزنة قروش 😠 طبعا انا بسمع فيهو ومخلوعه 😳 قلت ليهو عمر انا آسفه ولو ما عندك ممكن توصل لي المعلومه بإسلوب أحسن من كده 😓 قال لي ده إسلوبي لو ما عاجبك الباب قدامك ودلعك ده أمشي أعملي لأبوك ✋ طبعا واقفه ربع ساعه عشان إستوعب كلامو 😳 بعد استجمعت فهمي قلت ليهو شكرآ للمعلومه تصدق ما كنت عارفه الباب وين 😓 لبست عبايتي شلت احمد وطلعت عمر فتح باب العربيه قلت ليهو ما تخاف بعرف الطريق واستحاله أركب معاك بعد الحصل ده 😒 قال لي انا ح أوصلك عشان ولدي ناولتو أحمد قلت ليهو تاني عندك حاجه عندي ✋ قال لي أركبي أوصلك البيت عشان خاطر عمي قلت ليهو كويس فاكر إنو في علاقه دم بينا بس العلاقه دي ما بتهمني ✋ طلعت الشارع وقفت ركشه اصلا بيتنا ما بعيد منهم وصلت البيت وكنت قويه واتحكمت في مشاعري لحدي ما قابلت شيراز وانفجرت بالبكا قلت ليها عايزه ماما 😭 قالت لي شجن أهدي في شنو ماما في الشغل في اللحظه دي جات انجلينا قالت لـ شيراز اومر كال ليك تعال إنفعلت فيها قلت ليها ما عايزه اشوفو ولا أسمع إسمو 😡 شيراز إتخلعت من كلامي قالت لي شجن في شنو 😱 وبعدين عمر عايز يقابلني أنا عشان كده أهدي 😓 وفعلا شيراز طلعت لـ عمر قالت ليهو عمر شجن مالها اتشاكلتو مع بعض 😢 قال ليها لااا بس امسكي أحمد وخليك جنبها وطلع الشغل شيراز اتصلت علي ماما انو تجي راجعه البيت وفعلا ماما وصلت وانا من قابلتها اترميت في حضنها 😭 قالت لي شجن احكي لي الحصل شنو وانا بس معلقه في كلمة عمر ماما قالت لي عمر مالو حصل ليهو شنو 😳 قلت ليها عمر أهان كرامتي وحكيت ليها بكل الحصل نطت شيراز قالت لي شجن اكيييد انتي فهمتي عمر غلط استحاله يعمل كده 😱 قلت ليها والله ده الحصل طيب انا غلطانه في شنو عشان يتصرف معاي كده 😭 امي قالت لي ااااي غلطانه من زمان بقول ليك يا شجن ما ترخصي ليهو روحك خلي ينفذ ليك كل طلباتك حتي لو يقطِع من روحو بس انتي بتقولي لي كده مبسوطه اهاااا دي آخر الإنبساط 😒 وبعدين يشاكلك عشان 500 ج كان تقولي ليهو القروش دي انا كنت بصرفها يومي في الجامعه بس تستاهلي عشان رخصتي ليهو روحك 😒 شيراز قالت ليها يا ماما انتي هسي بتهدي في شجن ولأ بتعاتبي فيها 😒 ماما قالت ليها عشان تعرف غلطتها لكن عمر انا ما بخلي ( وفعلا ماما كل مره كانت بتحرش فيني علي عمر انو يعيشني زي ما كنت عايشه في بيتنا بس انا كنت بسكتها واقول ليها يا ماما والله انا مبسووووطه وعايشه احسن من زمان 😍 ) المهم ماما طلعت من الغرفه وإتصلت علي بابا كلمتو 😓 شيراز جات حضنتني قالت لي يا شجن اتزكري إحتمال تكوني غلطتي في حاجه قلت ليها والله ما غلطه عليهو بس ليييه غَيّر من طبعي وتصرفاتي لم اصلا ما عايزني 😭 ولأ الفتره الـ عشتها معاهو دي كلها كان تمثيل وكذبه وهسي عايز ينتقم مني بس لييييه يعمل معاي كده والله انا اتغيرت في كل تصرفاتي طيييب ليييه بس 😭 شيراز قالت لي أهدي وطلعت ومن غير ما نعرف مشت لـ عمر في الشركه وانتظرتو في الشارع لحدي اخر الدوام واول ما عمر شافها إتخلع قال ليها الموقفك هنا شنو 😳 ؟؟ شجن وأحمد الحصل ليهم شنو شيراز إنفعلت قالت ليهو بيهموك بـ شنو عشان تسأل منهم بعد العملتو ده 😠 قال ليها اولآ ما ترفعي صوتك في الشارع تعالي العربيه لو عندك نقاش 😒 وفعلا ركبو في العربيه قالت ليهو عايزه أعرف السبب شنو 😠 قال ليها ما مجبور أشرح ليك لأنو دي مشكله أسريه ما عندك بيها علاقه والموضوع ده أطلعي منو لأنو أكبر منك ✋قالت ليهو أنا ما صغيره ولم الموضوع يمس أختي لي حق اتدخل فيهو 😓 قال ليها اختك لو بتهمك أمشي أقعد جنبها واسيها نزلت من العربيه قالت ليهو اصلا ح أقيف جنبها بس كنت غلطانه لم إعتبرتك أخوي ✋
