بعد اتقدمت خطوتين جيتهم راجعه قلت ليهم لو سمحتو ممكن تساعدوني ✋ نط واحد منهم قال لي عيونا ليك قلت ليهو بصوت دلع تسلم عيونك 😊 بس انا ضيفه في الجامعه واخوي شغال استاذ هنا وبتصل عليهو بس تلفونو مقفول والمفروض هسي نطلع مع بعض 😓 ورجلي مفكوكه ما بقدر اطلع السلم عشان كده عايزه واحد منكم يكون شهم يطلع يكلمو انو اختو منتظره تحت 😊 وقبل ما أخلص كلامي بدو يحلفو في الـ ح يمشي منو كل واحد عايز يثبت لي شهامتو 😏 قالو لي وصفي لينا مكتبو وين وانا ما قصرت معاهم وصفت ليهم مكتب اصعب دكتور في الجامعه 😌✋ البرالمه ما بيعرفو لكن اي سنير بعرف انو صعب وفي الاخر اتفقو يمشو ولدين ويقعدو ولدين وبعد اتحركو عايزه امشي واحد قال لي ماشه وين انتظري هنا 😊 قلت ليهو بلاقيهم في نهاية الممر قال لي طيب ما عرفتينا عليك ولا سجلنا رقمك 😍 قلت ليهم اسمي شجن ورقمي برسلو مع الولدين الـ طلعو لأخوي وانتو سجلو منهم عشان مستعجله 😊 كان نفسي اقيف اشوف منظر الأولاد وهم راجعين بس يستاهلو عشان تاني يتظارفو ✋ طلعت القاعه واااااي شوشو وصلت طبعا ده صوت الشله اول ما شافوني نتعرف عليهم ( رهام بنقول ليها ريري ورزان بنقول ليها رزه وسلمي بنقول ليها فله وانا اسمي شجن بس لقبي في الشله شوشو واسم الشهره في الجامعه (شجن إستايل) اللقب ده إشتهر في الجامعه أكتر من إسم بابا المهم بعد سلمت عليهم اوووومح 😘 اوووومح 😘 ريري قالت لي وااااي يا شوشو كـالعاده لبستك ختيييييييره جبتيها من وين 😍 قلت ليها جابتها لي صاحبة ماما من دبي نطت رزان قالت لي انا الامارات دي لفيتها مول مول ما لقيت زي لبستك دي 😔 بقلبي قلت ليها اصلا كذبت عليكم واشتريتها من هنا بس عايزني اوصف ليكم المكان عشان تشترو زيها ده الفضل كمان 😏 بس ابتسمت وقلت ليها تكون الجابتها دي اخر حبه في الدسته وبعدين ما تنسو حلوه الشماعه 😌✋ طبعا انا قصيره سنفوره عشان كده البرالمة الحيوانين شاغلوني فاكرني جديده زيهم 😒 وبدأو يسألوني من مكان الشنطه والإسبورت طبعا أنا لااازم اطقم الشنطه واللبسه والإسبورت وحتى جراب التلفون عشان كده بطلع وااااو 😍 وعشان ما ارد علي سؤالهم غيرت الموضوع قلت ليهم ما حكيت ليكم برلمت اولاد 😅 وحكيت ليهم الحصل واخيرا نسو موضوع الشنطه وقالو لي حرام عليك يعني عملت فيهم زي ما عمل فيك رامي قلت ليهم واااي ما تزكروني 😒 فله قالت لينا بما اني انضميت ليكم جديده وما عارفه ماضيكم الأسود الأ تحكو لي المقلب ✋ قلت ليها يلااا اسمعي يا مزه اول يوم نزلت الجامعه اول ما دخلت قابلت رامي قلت ليهو عايزه القاعه وقبل ما اتم كلامي قال لي ح اوصف ليك وصف دقيق تمشي بيهو عشان ما تسألي ويغشوك 😊 وفعلا اتبعت الوصف فتحت الباب ودخلت توووش لقيت روحي داخل مكتب العميد 😰 طبعا فله اتفقعت بالضحك قال لي رامي فزييييع 😅 نطت رزه قالت ليها شوشو زاتها ما قصرت اخدت حقها بالضعف ✋ فله قالت واااي ده كلو فاتني يلا احكي قلت ليها بعد الموقف ده كرهت روحي شديييييد واصلا من طبعي ما بخلي حقي فقررت انتقم منو 😌✋ وفي يوم لمحت رامي قاعد في الكافتيريا ولقيت فيهو فرصه لا تعوض مشيت الكاشير طلبت عصير مشكل وجيت ماره جنب رامي علي حظي الحلو كان قاعد بالطرف سلمت عليهم وقلت ليهم عن اذنكم 😊 قالو لي اتفضلي ختيت العصير في التربيزه قدام رامي ونزلت نظام بربط في الإسبورت رفعت راسي قلت ليهم شكرا وعملت روحي عايزه اشيل العصير وضربت الكبايه وقعت في رامي 😍 وعلي حظو الكعب كان لابس قميص ابيض والوان العصير طبعت ليهو في القميص 😌✋ فله قالت لي واااي يا شوشو إنتي فزييييعه ورامي ما كفتك قلت ليها ولا يتجرأ يسألني وأنا ما كلفت روحي اعتزر ليهو 😌 قالت لي ومن لحظتها بقيتو مؤنتمين مع بعض صح 😍 نطت ريري قالت ليها يا بنت شجن شهر كامل عامله تقيله ولم نقول ليها رامي بيسأل منك بتقول لينا رامي ده كلب منو 😅 رزه قالت لي حرام عليك يا شوشو رامي ده ملاك ياااخ كيف تقولي عليهو كلب 😍 قلت ليها ده كان زمان ياااخ طبعا رامي ده سنيرنا ومكسر بنات الجامعه ملقبنو بالطياره لونو اسمر ما وجيهه وما شين متوسط الوسامه بس نضيف شديييد وذوقو عالي في اللبس 😍 وسائق عربيه ما بقدر احدد نوعها لأنو كل فتره بغيرها يعني اوصافو مطابقه لـ فارس أحلامي واصلا علاقتنا مع بعض أصبحت معروفه في الجامعه ✋ وطبعا الأولاد البرلمتهم كل ما يلاقوني يصرو لي وشهم 😅 بندردش كده تلفوني رن فتحت الخط قال لي حبيبتي القمر 😍 قلت ليهو يا بكاش قال لي لو جنبي مصحف كان حلفت ليك قلت ليهو خلاص صدقتك 😘 قال لي وين انتي قلت ليهو اكييييد في الجامعه قال لي يا سلااام علي الاجتهاد قلت ليهو لو فاضي تعال القاعه 😊 قال لي قاعه شنو وانا اصلا ما جيت الجامعه قلت ليهو كذاااب 😱 قال لي والله حاليا بتكلم معاك من تحت البطانيه بس اخر الدوام بجي ارجعك من الجامعه ونمشي مطعم ظريف نتغدا قلت ليهو تمام ✋ بعد قفلت الخط قلت للبنات استعدو معزومين غدا ريري قالت لي ده رامي صح يا سلااام علي الظرافه 😍 طبعا هو بيعزمني وانا بعزم معاي الشله 😅 نطت سلمى قالت لي والله رامي ده أنا ما برتاح ليهو 😓 قلت ليها ليييه شوفتي منو شنو 😳 قالت لي والله ولا حاجه بس نفسيا كده ما مريح البنات قالو ليها حرام عليك 😓 قالت لي والله يا شجن هو صح مرطب واي حاجه بس شكلو ما زول عرس 😓 نطت رزه قالت ليها كيف ما زول عرس وهو ميت ورا شجن وبعد البعملو ليها ده كلو 😏 سلمى قالت ليها كل واحد عندو وجهة نظر ودي وجهة نظري في رامي ✋ وبدو يتناقشو قلت ليهم خلاص اقفلو الموضوع ده وانتي يا سلمى احتفظي بوجهة نظرك لروحك 😒 وبقلبي قلت سلمى وحده حاقده وحاسده عشان ما عندها زي رامي عشان كده بتبيشو عايزاني ابعد منو 😏 وفعلا اخر الدوام رامي وصل الجامعه واتصل قال منتظرني جنب الباب كلمت صحباتي وطلعنا بس سلمى رفضت تمشي معانا وبعد اتغدينا رامي وصلني البيت ✋
اليوم التاني كـالعاده بعد جهزت للجامعه نزلت متأخره لقيت عمر ود عمي قاعد مع شيراز في الهول من شافني قال لـ شيراز اخيرا المجنونه وصلت 😅 قلت ليهو اصلا ما ح ارد عليك لأني ما شغاله بيك كتييير 😊 قال لي وانا الحاله منتظرك عشان اوصلك الجامعه ✋ قلت ليهو توصل منو انا اكييييد بتهظر منو دي البتمشي معاك 😒 قال لي يعني ما ح تطلعي معاي قلت ليهو لااا شكرآ 😊 عمر استأذن من شيراز وطلع انجلينا ناولتني كبايه الشاي قلت ليها بابا وين ؟؟ قالت لي بابا تلع السباه بدلي 😊 استغربت فتحت التلفون اتصلت عليهو قال لي شجن انتي نسيتي انا من امس قلت ليك مسافر بس انتي كنتي شغاله بالتلفون وما مركزه معاي وانا حاليا في المطار بس كلمت عمر يوصلك لسه ما جا 😓 قلت ليهو بخلعه منووو عمر 😱 قال لي اي لمده اسبوع لحدي ما انا اجي راجع قلت ليهو تصل بالسلامه ويلااا باي ✋ قفلت الخط وجريت الشارع أحصل عمر لمحتو عايز يتحرك وقفتو قال لي هسي ما قلتي شكرا وما ماشه معاي 😊 قلت ليهو بس انت ما قلت لي بابا قال ليك توصلني وكنت فاكره انو دي ظرافه منك 😏 قال لي ومفتكرة اني عايز اوصلك حب فيك مثلا المفترض براك تعرفي عشان خاطر عمي وبعدين اتظارف مع منو معاك انتي وهز راسو شمال ويمين ومعاها ابتسامه استنكار 😊 فتحت الباب عايزه اركب قال لي دقيقه دقيقه ده شنو الـ في يدك ده ؟؟ قلت ليهو زي ما شايف ده شاي 😒 قال لي عارف بس اكييييد ما ح تشربي لي هنا عشان يتدفق لي في العربيه 😒 قلت ليهو واكيييييد انت ما ح تنتظرني لحدي ما اشربو وبعدين انا ما شافعه عشان انقط في العربيه ولو نقط اطمن بدفع ليك حق غسيلها قال لي ما عايز معاك طول لسان ✋ قلت ليهو بس انت البديت 😒 اتحركنا فتحت صندوق البسكويت وملاحظه ليهو كل ما اشيل وحده بصُّر وشو ومتضايق في الإخر قال لي شجن ما ممكن تشيلي البسكويت من غير ما تكشكشي الصندوق 😠 قلت ليهو ما بعرف وكل مره كنت بقصدك اكشكشو مسافه حتى اطلع البسكويته 😌 عمر زهج شديييد شال الصندق وفض البسكويت كلو في الشنطه قال لي بحده كده ما بتحتاجي تكشكشي الصندوق 😠 وانا ما صدقت لقيت فرصه عشان انفعل فيهو قلت ليهو ده شنو هسي ادخل الجامعه كيف بعد ما وسخت لي الشنطه 😡 قال لي وين الوسخ بسيطه بعد تخلصي نفضي الشنطه ✋ وبعدين ماشه الجامعه عشان تدرسي ولأ عشان تتنافسي في النضافه قلت ليهو ما بيخصك 😠 وصلنا الجامعه عايزه أنزل قال لي بتخلصي الساعه كم ؟؟ قلت ليهو برجع مع صحبتي قال لي احسن ✋ رزان وقفت جنبنا بعربيتها ضربت بوري ورفعت يدها تسلم على عمر بس عمر ما كلف نفسو ينزل يسلم عليها ضرب ليها بوري واتحرك 😒 رزان نزلت من العربيه قالت لي ده منو الوصلك ده 😊 ؟؟ غلبني اقول ليها ده ود عمي بـ وشو الصّاري ده عشان كده اضطريت اقول ليها ده ... ""
#يتبــــع ⏪⏪⏪⏪
