قبل ما عمر يتم كلامو الراجل قال ليهو طيب لو قلت ليك أبوك حي ما مات ✋ عمر قال ليهو شنوووووو انا من قبيل مستحملك وساكت عشان انت راجل كبير 😠 الراجل قال ليهو والله العظيم دي الحقيقه أبوك حي وهسي واقف قدامك وقسما بالله انا ابوك ✋ وعمر سكت مصدوم الراجل واصل كلامو قال ليهو لو ما مصدقني اسأل ليلى امك ولأ صلاح اخوي 😓 ولو نكرو مستعد اواجههم والقال ليك انا ميت كذب عليك والله كنت مسافر والظروف هي المنعتني اني اكون جنبكم طبعا عمر لسه مصدوم وقال للراجل بحده اطلع برا قبل ما اتهور في تصرفي معاك 😠 وانا قاعده في الغرفه سمعت صوت عمر كان عالي 😓 والراجل مُصّر يواصل كلامو قال ليهو ح اطلع بس اسأل امك وعمك من كلامي ده وبعد يومين ح اتصل عليك صاح كنت غلطان لم بعدت منكم بس اوعدكم تاني ما افترق منكم ولا ثانيه 😔✋ وعمر معلق في كلمة قلت ليك اطلع برا ما عايز اغلط عليك اكتر من كدا 😠 وانا غلبني انتظر عمر طلعت الحوش عشان افهم الحاصل الراجل جا طالع وأول ما شافني قال لي انتي سحر هزيت ليهو راسي بخلعه لاااااا 😳 عمر قال لي بحده شجن ادخلي جوا وفتح باب الشارع قال للراجل ما عايز اشوفك تاني في البيت ده 😒 الراجل قال ليهو طيب دقيقه وطلع الباسبورت من جيبو قال ليهو امسك ده و واجهه بيهو امك وعمك عشان يحكو ليك الحقيقه ✋ عمر مسك الجواز وجدعو في نص الحوش قال ليهو الحقيقه الوحيده البعرفها انا ابوي متوفي أمشي إحتال على أسره تانيه والله لو ما كنت راجل كبير كان عندي معاك تصرف تاني ✋ بعد الراجل طلع عمر قعد في السرير مصدوم جيت طالعه لقيتو ما طبيعي قلت ليهو عمر ده منو وعايز شنو 😳 وعمر ساكت ما بيرد دخل الغرفه وانا لمحت الجواز مجدوع رفعتو من الارض فتحتو لقيت فيهو صوره الراجل والاسم مكتوب صالح عبدالله عمر سسسسسجمي ده شنو ده اسم عمي ربنا يرحمو بس كيف يعني الصوره دي صوره الراجل ده والاسم مكتوب اسم عمي وانا منططه عيوني 😳 وماسكه الجواز جا عمر طالع قطع تفكيري خطف مني الجواز طلع وقفل الباب بقوه ودور العربيه وانا قاعده محتاره 😓 فكرت اتصل علي بابا واكلمو بالحصل بس اتراجعت قلت احتمال عمر ما عايز زول يعرف وما عندي حل غير انتظرو يرجع يشرح لي 😔 وكل مره اعاين للساعه بعد المغرب باب الشارع اتقفل بقوة عرفتو ده عمر رجع بس كانت معاهو عمتو ليلى وسحر عمر دخل مستعجل وعمتو ليلي قالت ليهو عمر انتظر انا بتكلم معاك 😓 قلت لسحر في شنو 😳 قالت لي ما عارفه عمر إتصل قال لينا ترجعو معاي البيت ضروري وطول الطريق ما فتح خشمو دخلنا كلنا الهول امو قالت ليهو عمر احكي في شنو والحصل شنو عشان تجيبنا بالطريقه دي ✋ ؟؟ وعمر اصلا وشو صّاري طبيعي بس المره دي زايد الصّره وعيونو زي الشرار طلع الجواز من جيبو ورمى في التربيزه قال ليها الحاصل عايزك تحكي لي انتي افتحي ده (أشر علي الجواز) وفهميني ده شنو 😒 عمتو ليلى قالت ليهو يا ولد قول بسم الله ومسكت الجواز قالت ليهو ده حق منو وفتحتو وكانت صدمه بالنسبه ليها معالم وشها اتغيرت قالت ليهو ده لقيتو وين 😱 ؟؟ قال ليها بس الغريبه ما اتفاجأتي بالإسم وعمتو ليلى ساكته سحر قالت ليهم طيب فهموني معاكم واسم منو البتتكلمو عنو 😓 وشالت الجواز من أمها وقالت ليهو بكل براءه ده جواز ابوي ربنا يرحمو لقيتو وين وبعدين المشكله شنو 😒 ؟؟ عمر اتلفت عليها قال ليها قلتي ربنا يرحمو واتلفت علي امو قالت ليها ح تتكلمي ولأ اتكلم انا وعمتو ليلى منزله راسها وساكته سحر قالت ليهو عمر ليييه بتتكلم مع امي بالطريقه دي 😠 ؟؟ عمر قال ليها سحر انتي هبله ركزي الجواز الفي يدك ده لسه ساري المفعول افهميها 😠 وبعدين عايزاني اتكلم كيف و 30 سنه وانا فاكر ابوي متوفي وكل يوم بدعي ليهو بالرحمه وبتمنى يكون معانا 😢 وفي الواقع ابوي حي يرزق ونحن ما عارفين عشان امي حرمتنا منو بس عايز منها تكلمني السبب شنو ؟؟ ليييه تحرمينا من حنان الأب وابونا علي قيد الحياة 😔 طبعا سحر صدمتها كانت اكبر بعد سمعت كلام عمر 😱 وعمتو ليلى ساااكته وانا ما قادره اقول حاجه بس كل مره بعاين لواحد فيهم كأني بتفرج على فلم 😢 عمر طلع وسحر دخلت الغرفه تبكي قلت لعمتو ليلى ما تزعلي من عمر قال كده بس عشان منفعل 😢 طبعا كان ظاهر الانكسار والضعف في معالم وشها ومشيت لسحر بديت اهدي فيها وفضلت منتظره عمر اليوم كلو ما جا وبنتصل عليهو قافل التلفون 😢 عمتو ليلى قالت لي طيب اتصلي علي ابوك احتمال معاهو وفعلا اتصلت علي بابا سألتو من عمر بس ما لقيتو ومنتظرين لحدي الصباح عمر ما جا ولا فتح تلفونو 😢 في الآخر عمتو ليلى اتصلت علي بابا وكلمتو بكل الحصل ✋ وطول اليوم كنا مقلقين على عمر بس الحمدلله العصر عمر جا داخل مع بابا وما كلفو نفسهم يسلمو علي والاتنين وشوشهم ح تقع من الصّره " بابا وقف في نص الهول وبأعلي صوت نادى عمتو ليلى ودخلو الصالون وانا دخلت معاهم بابا قال لي سووقي ولدك واطلعي برا قلت ليهو ليييه 😳 ؟؟ قال لي ده كلام ما بيخصك بعد هرشني شلت ولدي وطلعت بس وقفت جنب الباب اتسنط في كلامهم بابا قال لعمر زعلان عايز ابوك صح طيب ابوك ما قال ليك من الاول ليييه سابكم وما سأل منكم ؟؟ وما قال ليك جا راجع بعد شنو ؟؟ وما تنسى البتدافع عنو ده قبل ما يكون ابوك ده اخوي يعني لو كان على حق كنت أنا اول واحد وقفت في صفو ✋ نط عمر قال ليهو طيب لييه فهمتونا انو ميت بابا قال ليهو الرد ده تقولو ليك امك 😓 وطبعا عمتو ليلى بس منزله راسها وقالت ليهو بصوت مبحوح هسي لو عايز ابوك امشي ليهو ✋ نط بابا قال ليها لا أول قولي ليهو السبب عشان يعرف الحقيقه وبعدها لو عايز يمشي اليمشي 😓 عمتو ليلى غلبها تتكلم بابا اتلفت علي عمر قال ليهو طيب عندك استعداد تسمع يلا اسمعني كويس ابوك عرس وحده في امك من غير ما يكلمها وبعد عرفت و واجهتو قال ليها ما بطلقها ✋ وامك طلبت تنفصل ومن غير ما يتردد طلقها و المرا الجديده أغرتو بالقروش وقرر انو يسافر معاها السعوديه وانا عشان ارجعو لعقلو خيرتو بين مرتو الجديده وبينكم وفي اللحظه دي نطت عمتو ليلى قالت ليهو صلاح اسكت كفااايه ما تكمل 😔 بابا قال ليها لا عمر عايز يعرف الحقيقه صح و واصل كلامو قال ليهو لم خيرتو بين مرتو الجديده وبين أولادو كنت متوقع انو يختاركم إنتو ويرجع لرِشدو ✋ بس للأسف قال ما في حاجه بتربطو بليلي حتى انتو قال ما عايزكم واتخلى عنكم وامكم اضطرت انها تقول ليكم مات عشان ما تأثر علي نفسياتكم بس ده جزاتها الربتكم وشقت وتعبت وبقت ليكم ام واب بعد عرفت الحقيقه اديني سبب واحد يبين انو امك غلطانه عشان انت في الاخر تجي تحاسبها علي عمايلها وتعمل زعلان وتبيت برا البيت 😠 طبعا عمر بعد سمع الحقيقه دموعو نزلت وسحر فتحت باب الصالون طلعت " وطبعا انا كل مره بفتح الباب لأحمد اقول ليهو امشي لبابا عشان يدخل ليهم وانا اعملو حيله وادخل نظام عايزه اشيلو وبعدها بقعد واسمع الكلام 😅 بس اول ما دخلت بابا نهرني اني امسك احمد ما يجيهم تاني 😏 دخلت غرفتي لبست أحمد وضربت لشيراز تجي تسوقو معاها وفعلا شيراز وصلت قالت لي يا سلااام دي عربية بابا خلاص ح أرجع معاهو 😍 قلت ليها لااا أرجعي بركشه بابا معاهو ضيوف مع عمر وأمشي قبل أحمد يغير رأيو ويبكي وانا رجعت قعدت معاهم بمزاج 😍 بعد شويه الباب دق فتحتو لقيتو ده عمو صالح وقبل ما يسلم جا عمر طاير ومسكو من قميصو قال ليهو وليك عين تاني تجي هنا 😡 بابا حصلو وبيحاول يفك عمر وقال ليهو عمر ما عايزين فضايح مع الجيران خلينا ندخل نتفاهم جوا بعد دخلو بابا قال لصالح جيت تاني عايز شنو 😠 ؟؟ صالح رد ليهو جايي اصلح غلطتي عايز ارجع لأولادي وأرجع مرتي 😔 نطت عمتو ليلى قطعت كلامو وقالت ليهو لحدي هنا وكفايه انا من قبيل ساكته عشان ديل اولادك وما من حقي اتدخل بس لم تجيب سيرتي مافي زول بيسكتني ✋ وما تفكر مجرد تفكير اني ارجع ليك عارف انا قلت لأولادك انك ميت ليييه لانو من لحظتها بالنسبه لي كنت بالجد ميت 😔 من لحظة اتخليت عننا وبنيت لروحك حياة جديده هسي اولادك كبرو وعارفين مصلحتهم لو عايزين يمشو معاك مافي زول بيمنعهم نطت سحر ودموعها نازلها وصوتها مكسور قالت ليها وانا ما عايزه غيرك عمرك ما حسستيني بالنقص وطلعت من الصالون 😭 عمي صالح ناداها يا سحر يا سحر 😢 نط عمر قال ليهو بحده عايز منها شنو وليك نفس تنطق اسمها 😡 والله ندمان علي كل دمعه نزلتها لم كنت بفقدك وندمان علي كل دعاء كنت بدعي ليك بيهو واترحم عليك يا ريت لو كنت بالجد ميت نط بابا قال ليهو بحده عمر يا تتكلم زي الناس يا تسكت حتي لو رافضو علي الاقل اتكلم معاهو بإحترام 😡 نط عمر قال ليهو والله بتمنى كلمة ابوي كان بتتنطق للزول الربى كان ناديتك بيها 😔 بابا قال ليهو لو عندي معزه عندك امسك اعصابك عشان نصل لحل بدل نأزم الوضع ✋ عمر قال ليهو ما عندنا حل غير يبعد مننا زي ما بعد مننا المره الأولي وحياتنا ح تستمر زي ما هي 😓 بابا قال لـ عمي صالح تقريبا كده رد اولادك وصلك ✋ عمو صالح طلع مكسور وفاقد الامل وشكلو يحنن 😢 عمر طلع وراهو عمتي ليلي نادتو بس ما وقف بابا قال ليها خلي يهدأ وبجي راجع ✋ عمتو ليلى قالت ليهو بس خايفه يحصِل ابوه ويرتكب فيهو جريمه بابا قال ليها عمر عاقل ما بيعمل كده 😓 بعد بابا طلع اتزكرت إنو أحمد مع شيراز جريت فتحت بابا العربيه بابا اتخلع قال لي ماشه وين 😳 ؟؟ قلت ليهو معاك عايزه اجيب أحمد قال لي لااا انزلي لأنو هسي البيت هنا متوتر وما ظريفه تطلعي وهم في الوضع ده وإطمني أحمد ح ينوم معانا وبجيبو ليك الصباح ✋ وفعلا نزلت دخلت البيت لقيت سحر حاضنه امها وبتبكي فضلت اطبطب عليهم في الاخر دخلت غرفتي وفضلت اتصل علي عمر عشان اطمن عليهو بس ما بيرد 😔 حوالي الساعه 12 عمر جا داخل واول حاجه دخل غرفة امو ورقد في رجلها واصلا عمتو ليلى كانت صاحيه منتظره قال ليها سامحيني علي الكلام القلتو ليك 😭 بس والله هو الفهمني انو انتي الحرمتينا من وجودو معانا عشان كده انفعلت بس بتمنى الحقيقه كانت تكون انو متوفي بدل انو يتخلى عننا 😭 امو قالت ليهو وبتمسح في شعرو انا صح غلطت لم كذبت عليكم بس عملت كده عشان ما عايزاكم تكونو مكسورين بسبب انو اتخلى عنكم عشان ما يأثر علي حالتكم النفسيه 😔 عمر غلبو يرد ودمعتو نزلت وهو لسه راقد في رجلها امو قالت ليهو بطل حركات الشفع دي وقوم امشي غرفتك مرتك منتظراك من قبيل قلقانه عليك 😔 عمر مسح دموعو وسلم عليها في راسها وقال ليها تصبحي علي خير قالت ليهو وانت من اهلو عمر فتح الباب وجا داخل الغرفه فتحت عيوني ""
#يتبــــع ⏪⏪⏪⏪
