نفذت الخطه صحيت أحمد من النوم وكان هو ضحية الصلح 😅 وفضلت أصحِي فيهو لحدي ما صحى يبكي وده المطلوب ✋ أول ما شلتو رقد في كتفي عايز يرجع ينوم 😓 دغدغتو في رجلو لحدي ما زهج وفضل يبكي وصلنا الغرفه الـ فيها عمر عايزه ادق الباب عمر سبقني فتحو قال لي أحمد مالو 😳 ؟؟ قلت ليهو صحى يبكي بابا بابا 😓 قال حبيبي تعال وشالو مني كان نفسي اقول ليهو ارح غرفتنا بس غلبني انطقها قال لي خلاص خلي ينوم معاي هنا ✋ وكنت متوقعه يقول لي أدخلي معانا بس شالو وعايز يقفل الباب قلت ليهو تمام بس انا ح اضطر انوم معاكم عشان احمد بيصحى بالليل جعان 😓 قال لي اوك مافي مشكله واصلا في سريرين 😊 دخلنا وعمر نوم احمد في صدرو وانا رقدت في السرير التاني في اللحظه دي اتمنيت اكون في مكان أحمد وكنت متوقعه انو عمر يبدأ يتودد لي بس ولا عبرني كأني ما موجوده 😏 يعني خطتي فشلت لااا استحاااله وانا راقده بعاين ليهم ومغيوووظه 😒 خطرت لي فكره بس ما بقدر انفذها الأ بعد ساعه عشان اضمن انو عمر نام وفعلا بعد ساعه بالضبط شربت جغمة مويه وكتمت نفسي وبلعتها 😓 وطبعا عشرقت بالمويه وبديت اقح ومع القحه بديت اكورك لااا لااا ما تقتلوني ما تقتلوني طبعا ما كوراك شديد يصحي البيت كلو بس عمر صحى مخلوع نط من السرير جا قال لي شجن في شنو قولي بسم الله 😳 قلت ليهو أبعد مني ما تقتلني 😔 قال لي شجن أهدي انا عمر في شنو فتحت عيني نص قلت ليهو ما عارفه 😢 عايز يقوم مسكتو من القميص قلت ليهو بصوت كلو خوف ما تخليني براي قال لي عايز أناولك مويه تشربي وما تخافي ده كابوس 😓 قلت ليهو ما عطشانه بس ما تبعد مني 😔 قال لي طيب تعالي رقدني وبدأ يمسح لي في راسي قال لي ح أودي أحمد لـ سحر عشان ما ينوم في السرير براهو قلت ليهو الساعه 1 صباحآ سحر بتكون نامت واحمد ما بتجي حاجه 😔 قال لي طيب نومي وفضل يمسح لي في شعري لحدي ما نومت وكده اخيرا ممكن اقول خطتي نجحت 😍 صحيت اليوم التاني لقيت الغرفه فاضيه لا عمر لا أحمد طلعت الهول لقيت عمر شايل احمد في رجلو قلت ليهو تمبووش تعال أحممك 😘 بس أحمد رفض يجيني ومتشبك في عمر قلت ليهو أحمد خايف يمشى معاي وتاني ما يلقاك 😒 طبعا ده الكلام العايزه أوصلو انا بس وصلتو بلسان أحمد وعمر فهمني قال لـ أحمد أمشي مع ماما واطمن تاني مافي حاجه بتبعدني عنك 😉 ولسه أحمد ما عايزني عمر قال لي حضري الحمام وانا بجيبو ليك وفعلا حضرت الحمام وعمر جا شايلو ورفض ينزل منو الأ عمر قعد جنبو في الحمام وانا حممتو 😓 واثناء ما عمر بيلبس في أحمد قال لي بابتسامه ح تحضري حاجاتك ترجعي معاي البيت ولأ اسوق ولدي ونمشي واخلي الناس يقتلوك قصدو الحلم 😅 قلت ليهو اصلا عايزه الناس يقتلوني 😏 طبعا فتحت الشنطه الجابها لي لقيت فيها عباية استقبال لذييييذه 😍 طوالي قشرت بيها للكرامه واول ما عمر لاحظ لي لابساها شغال يتبسم 😍 والبيت مليان بالناس ماما نادتني قالت لي شجن تعالي شيلي صينية الشاي دي وديها الصالون قلت ليها أنجلينا وين (الحبشيه) 😓 قالت لي بتعمل في الجبنه قلت ليها طيب دقيقه أفتش طرحتي قالت لي من متين بتخجلي 😒 وبعدين مافي زول غريب القاعدين في الصالون بس خيلانك والأولاد لسه ما جو من صلاة الجمعه قلت ليها متأكده قالت لي اي 😊 وفعلا شلت الشاي ومشيت واول ما دخلت لقيت ما شاء الله الصالون مليان اولاد خيلاني 😓 وطبعا عادي بنسلم علي بعض في الكتف ختيت الصينيه في التربيزه وسلمت عليهم وعايزه أصُب الشاي جا عمر داخل قال السلام عليكم وانا من سمعت صوتو يدي رجفت بدل أعمل السكر في الكبايه إتدفق في الصينيه 😢 عمر جا شال مني المعلقه وقال لي خلي بعملو انا وبـ همس قال لي احسن تمشي تلبسي حاجه في شعرك واداني ابتسامه عشان اولاد خالي ما يلاحظو 😊 انا براحه لملمت باقي كرامتي وطلعت واقرب طرحه لبستها يا حليل ايام زمان بلبس بنطلون وبحوم جنبهم عادي 😅 بس زواجي من عمر غير فيني حاجات كتيره واول حاجه غيرها كانت طريقة لبسي ✋ وانا في الغرفه بنوم في احمد جات رغد بنت خالتي الصغيره قالت لي شجن لؤي واقف برا قال عايزك وقال ليك جيبي ولدك معاك 😊 قلت ليها لؤي جا متين من السعوديه 😳 قالت لي جا قبل يومين طبعا لؤي ده ولد خالتي لينا 3 سنين ما اتلاقينا 😍 شلت أحمد ومشيت لقيتو واقف في باب الصالون وكالعاده سلامنا بالكتف وسلام حار شوق 3 سنين 😍 شال أحمد قال لي ما شاء الله ما شاء الله كبرنا وبقينا رجال ( قصدو أحمد ) قلت ليهو كيف ده كلامك 😌 بالصدفه اتلفت ناحية باب الصالون لاحظت لـ عمر قاعد قصادي وشغال يهز في رجلو ويصّر لي 😒 وأنا عامله روحي ما شايفه بس كل مره بعاين ليهو بطرف عيني وبصراحه عجبتي عندو نظره الغيره 😍 عشان كده كنت قاصده أطول في الونسه مع لؤي ونحن واقفين جا محمد ولد خالي وقف معانا وشال أحمد يسلم عليهو لؤي قال لي والله لم سمعت خبر زواجك اتفاجأت لأنو إنتي آخر وحده كنت اتوقع انها تمسك مسؤوليه لا وكمان تجيب لينا امور زي ده 😍 نط محمد قال ليهو ياااخ والعجب الطريقه الإتزوجت بيها فاجأتنا كلنا ✋ لم قالو زواج شجن قلت ح يكون زواج حدث وجهزت البدله قلت ليهو مخصوص عملت كده عشان حبيت اكسر روتين الزواج واغير من العادات وأفاجئكم ✋ وطبعا أنا شغاله أضحك من غير سبب عشان عمر مراقبني 😌 نط لؤي قال لي دايما انتي فريده من نوعك ومن زمان بتحبي التمييز قلت ليهو أكيييد 😍 أحمد قعد يبكي ومحمد شغال يسكت فيهو قال لي البشوف شعرو يقول بنت 😅 قلت ليهو جيب ولدي كمان عايز تسحرو لي 😒 طبعا أحمد شعرو كتييير وناعم قال لي ما شاء الله عشان ما تقولي سحرنا بس قُصي ليهو 😂 عمر جا طالع قال لي بإبتسامه أحمد مالو 😊 قلت ليهو عايز ينوم شالو مني وانا عارفه الإبتسامه دي عشان جنب لؤي ومحمد لكن من جوه النار مشعلله فيهو 😌 إستأذنت منهم ورجعت المطبخ بس نظرة الغيره الشوفتها من عمر خلتني اتبسم تلقائيا من غير ما اشعر كل ما اتزكر منظرو 😍 والمساء بعد البيت أصبح فاضي والضيوف رجعو بيوتهم بابا قال لي شجن حضري حالك عشان ترجعي معاهم بيتك مثلت إني رافضه أمشي وانا أصلا كنت منتظره اليوم ده ومجهزه شنطتي 😅 وقبل ما نطلع بابا قال لـ عمر من اللحظه دي ح ترجع تشتغل معاي في الشركه ✋ عمر قال ليهو بس يا عمي انت عارف بابا قطع كلامو وقال ليهو انا ما بستشيرك ده أمر مني انك تشتغل معاي ✋ وما تنسي أنا الـ ربيتك يعني إنت ولدي قبل ما تكون راجل بنتي وصحتك بتهمني وانا ما بتطمن عليك الأ اشوفك قدام عيوني وما تخاف ح اعاملك زي اي موظف اهااا كده ارتحته ✋ وآخيرا عمر وافق وصلنا البيت دخلت الغرفه ومن الباب إتفتح وعمر دخل ضربات قلبي زادت 😓 قال لي سنفورتي الغاليه وانا منزله راسي في الارض وعامله زعلانه قال آآآآي ومسك صدرو اتخلعت جريت عليهو قلت ليهو عمر في شنو قال لي حاسي بألم قلت ليهو دقيقه اكلم عمتي ليلى لااا لااا ح اتصل علي بابا يرجعك الدكتور 😢 عمر قال لي مسافة ابوك يجي روحي ح تطلع طبعا بقيت ارجف وغلبني اتصرف قلت ليهو ما تقول كده طيب اعمل شنو 😭 عمر احتواني عليهو بيدو الاتنين قال لي بس تسامحيني وانا ببقى كويس وباسني في خدي 😘 لقيتو رجع طبيعي كأنو ما متألم طبعا ربع ساعه وما قادره استوعب قلت ليهو يعني مافي حاجه مؤلماك 😢 قال لي متألم هنا وأشر لي على صدرو قلت ليهو بصوت مبحوح ده مكان العمليه قال لي لا العمليه في بطني بس ده مكان قلبي المتألم بعد اكتشفت انو كذاب وبتغزل لزيتو قلت ليهو عواطفي ما لعبه عشان تعمل كده وتستخف بيها 😒 قال لي العفو بس حبيت اشوف حبك لي في مكانو ولأ نقص 😉 قلت ليهو تصرفي ده ما عندو علاقه بالحب حتى لو كان المتألم شخص غريب كنت ح اخاف عليهو بنفس الطريقه قال لي طيب ولو مات ح تبكي عليهو بنفس الطريقه 😉 ما قدرت استحمل حضنتو من غير ما اتكلم والعبره خنقتني ضماني عليهو شجوني انتي 😘 وبعدها قعدنا في السرير قال لي طبعا ابوك شرح ليك كل حاجه تتزكري لم بتصحى نص الليل وبتلقيني قاعد في الهول يلاا الوقت ده بكون متألم وما كنت عايز زول فيكم يشوفني في لحظة ضعفي 😢 قلت ليهو ان شاء الله تاني ما تشوف شر قال لي ان شاء الله بس عارفه بسببك اتأجلت العمليه يوم كامل قلت ليهو بخلعه كيف يعني 😳 قال بسبب الاستوري العملتي في الواتس قعدت أضحك 😅 قال لي فتحت حالتك وفي نفس اليوم كان عندي الفحص الأخير ويدخلوني العمليه ولم قاسو الضغط لقو مرتفع عشان كده أجلو العمليه لليوم التاني وما نزل الأ بعد اتأكدت من أمك انك أصلا ما طلعتي من البيت 😓 قلت ليهو بصوت مكسور اسفه ما كنت عارفه بيحصل كده 😢 قال لي خلاااص عدا علي خير قلت ليهو عمر انت ليييه حظرتي من الفيس 😒 قال لي لأنو في الأيام الآخيره البوستات كلها كانو اصدقائي بتمنو لي الشفاء العاجل وكلها بتتكلم عن الرحله العلاجيه عشان كده حظرتك عشان ما تعرفي وتتصدمي ✋ قلت ليهو هسي فك الحظر وفعلا فتح الفيس ولقيت اخر بوست كاتب " اللهم اني استودعتك أسرتي ( إمي واختي وزوجتي وإبني ) فـ إن أخذتني إليك فـ أحفظهم وأرعاهم وصبرهم علي مصيبتهم وانت الذي لا تضيع ودائعه ✋ وكل التعليقات كانو بيشاكلو فيهو انو يمسح البوست ويخلي إيمانو قوي 😢 وانا بقرأ في البوست دموعي نزلت وكاتمه البكا بس عمر لاحظ لي بتنهد رفع راسي قال لي شجن يا بنت انا كويس الكلام ده قبل العمليه عشان كده ما كنت عايز أكلمك وباسني في راسي 😘 وعايز يقفل التلفون بس لفت إنتباهي تعليق كاتب ليهو ( انت بس إتكل علي الله موت وخلي الباقي علينا 😌 دخلت الربلي عمر رد ليهو عايزني اموت عشان تشرب شاي وجبنه مجان الولد قال ليهو والله ما أعزك في البكا الأ انا واكل لقيمات مجان اهااا قصرت معاك 😅 ) طبعا انفعلت قلت لـ عمر كيف يقول ليك كده ان شاء الله يموت هو بس هسي أحظرو قال لي حياتي أنا أهدي عشان أشرح ليك قلت ليهو اول تحظرو 😒 قال لي طيب ح أحظرو يلا أسمعيني والله ده صديقي شدييييد وبشغلها لي وعارفه عمل شنو ؟؟ قطع تزكره من هنا للأردن وجا حضر معاي العمليه قلت ليهو شنووو 😳 ؟؟ قال لي والله حتى انا إتفاجأت وكنت بتكلم معاهو عادي وما عرفتو الأ لم وصل المستشفى وكان بيحلف على أبوك إنو يمشي يرتاح وهو يقعد معاي اهااا يستاهل إني أحظرو 😅 قلت ليهو بس ما يهظر معاك كده 😒 قال لي حااااضر وبالمناسبه يا شجن أمس انتي ما كنتي بتحلمي بـ كابوس كنتي صاحيه وبتمثلي صح 😊 ؟؟ طبعا خلعني 😳 ""
#يتبــــع
