سلمى قطعت كلامي قالت لي في الحقيقه دي اصلا فكره عمر يوم كنت قاعده معاك وبعد طلعت عمر حصلني بالعربيه وطلب مني اني اقنعك تقابلي دكتور عشان ما تدمري حياتك ✋ اتصدمت من كلامها وكان نفسي اواجهه عمر بس سلمى حلفتني لانو عمر ما عايزني أعرف 😓 طبعا علاقتي مع عمر اتصلحت كتيير 😍 يوم وانا راقده وعمر فاكرني نايمه سمعتو بيتكلم بالتلفون قال ليهو والله بتمنى لو عندي كان سلفتك ✋ والله انا هسي عندي ديون 15 الف ما سددتها طبعا انا اتصدمت بعد سمعت الخبر 😱 الصباح بعد عمر طلع الشغل اتصلت علي شيراز قلت ليها افتحي دولابي بتلقي فيهو تلفوني الايفون واللابتوب بيعيهم بأي سعر حتي لو 15 الف محتاجه للقروش بأقصى سرعه ✋ قالت لي كيف يعني ح تبيعيهم 😳 لو عايزه قروش اطلبي من بابا اكيييد ح يديك ولأ من ماما برضو بكون عندها المبلغ ده ✋ قلت ليها لااا وما عايزه اي زول يعرف والموضوع ده يفضل بينا والله يطلع برا تاني ما ح اتكلم معاك 😓 وفعلا اليوم التاني شيراز جات وبعد سلمت علينا في الهول لاحظت لـ شنطتها منفوخه عرفتها جابت القروش 😍 استأذنا من عمتو ليلى ودخلنا غرفتي شيراز قالت لي قبل ما اناولك ليها انتي عايزاها لـ شنو 😳 ؟؟ قلت ليها شيراز اعفيني من الاجابه لأنو دي حاجه خاصه 😊✋ قالت لي اوك طيب علاقتك كيف مع عمر ؟؟ قلت ليها قصدك ابو صُّره الحمدلله فل الـ فل شيراز قعدت تضحك قالت لي ده إسم منو 😅 قلت ليها ده إسم عمر الجديد دايما صّاري وشو 😓 بعد شيراز طلعت فضلت منتظره عمر يجي من الشغل وفعلا جا راجع بس لقيتو تعبان ما فتحت ليهو الموضوع انتظرت الصباح واثناء ما بتجهز للشغل ناولتو القروش اتخلع قال لي دي شنو 😳 ؟؟ قلت ليهو قروش قال لي عارفها قصدي قروش شنو ؟؟ وجبتيها من وين ؟؟ قلت ليهو والله حقتي واعتبرها مساهمه مني ✋ قال لي حقتك من وين شحدتيها من امك صح 😠 طبعا عشان عارفه عصبيتو كلمتو طوالي قلت ليهو لا والله دي حقتي وأهلي ما عندهم علاقه بيها بيعت تلفوني والـلابتوب والحيوان بدل يشكرني انفعل فيني 😏 قال لي السمح ليك انك تبيعيهم منو قلت ليهو عمر اصلا ما محتاجه ليهم عشان كده بيعتهم 😓 قال لي بيعتيهم عشان تديني القروش وفاكره اني ح استلمها منك تبقى غلطانه نقصت منك شنو عشان تبيعي حاجاتك 😠 طلبتي حاجه ورفضت اجيبها ليك ؟؟ طبعا بتكلم بصوت عالي وانا غالبني ارد قال لي بيعتيهم لمنو قلت ليهو بصوت مكسور ما عارفه 😢 قال لي كيف يعني ما عارفه قلت ليهو باعتهم شيراز وطبعآ عشان البيت صغير الصوت كان مسموع برا جات عمتو ليلى دقت باب الغرفه قالت ليهو عمر في شنو 😱 ؟؟ فتح الباب وقال ليها مافي حاجه يا حجه نقاش بسيط (ده كلو ويقول عليهو بسيط 😏 ) شال القروش وطلع عمتو ليلى جات داخله لقتني قاعده في السرير وببكي حضنتني عليها وهدتني 😓 العصر عمر جا راجع كأنو ما حصل حاجه دخل اتحمم وقعد في الغرفه وانا رفضت أدخل الغرفه بس قاعده في الهول جا قعد في الهول غمز لي نظام ادخل وراهو الغرفه 😉 هو رجع الغرفه وانا بدل أمشي معاهو دخلت المطبخ مع سحر بعد شويه ناداني شجن ناوليني كباية مويه قلت لـ سحر عليك الله وديها انتي 😊 سحر عسسل فهمتني ضحكت وشالت المويه وانا منتظراها تجي راجعه بس اتفاجأت بصوت عمر قال لي بتهربي مني نظام شنو 😊 ما رديت عليهو قال لي تعالي معاي عايزك ورجع الغرفه وانا ماشه وإتقدل علي راحتي وسحر تشاغل فيني وتقول ايوووه أتقل يا عم ما تروحش يا عم 😅 قلت ليها أسكتي ما تضحكيني تخربي لي مود الزعل 😂 دخلت الغرفه لقيت عمر قاعد في السرير طبعا دخلت وخليت باب الغرفه فاتح علي مصرعيه عمر قفلو وجا قال لي تصرفاتك دي افسرها شنو 😊 وانا ساكته قال لي ما بتردي ليييه ما سامعاني قلت ليهو سامعاك بس لو رديت ولأ لا اصلا ح تتنرفز فيني عشان كده جيب من الاخر واتنرفز 😒 قال لي انا بتنرفز من غير سبب قلت ليهو اسأل روحك 😓 قال لي انتي شايفه العملتي ده صح يعني افرضي انو اهلك سألوك وين اللابتوب ح تقولي ليهم شنو بيعتو وعمر شال القروش عشان يقولو انا ما قادر اصرف عليك 😓 قلت ليهو بس ما قصدي كده 😢 قال لي حتي لو ما قصدك كده بس تفسيرها كده وبعدين منو القال ليك أنا محتاج قروش ولم اقول ليك ما بقدر علي متطلباتك بيعي العايزه ✋ وهسي انا ما ناديتك عشان اتناقش معاك بس حبيت ازكرك بمواعيد الدكتور 😊 قلت ليهو عارفه ما ناسيه قال لي طيب ليييه ما جهزتي ؟؟ قلت ليهو عشان ما ماشه 😓 قال لي ننننننعم ده السبب البخليني اترفز كيف يعني ما ماشه 😠 قلت ليهو انت رفضت تشيل مني القروش وما مجبور انك تعالجني 😒 قال لي لا مجبور طال ما إنتي قاعده معاي هنا اعرفي اني مجبور علي اكلك وشرابك وعلاجك ✋ صح ما قدرت اوفر ليك الوضع المعيشي الـ كنتي عايشه بيهو في بيت ابوك لكن بقدر الامكان بحاول اني ما اقصر معاك وانتي كده عرفتي وضعي المعيشي عامل كيف بعد الجلسات العلاجيه تنتهي ليك حريه الاختيار في انك تواصلي معاي حياتك ولأ ترجعي بيت اهلك ✋ وقبل ما يتم كلامو نطيت ليهو في رقبتو حضنتو قلت ليهو بصوت مكسور عمر 😭 طبعا دي اول مره اقرب منو بالطريقه دي وعمر اتفاجأ 😳 وبعد مسافه استوعب وضماني عليهو قال لي شجوني انا 😍 بعد مسافه استوعبت الـ عملو وعايزه ابعد منو قلت ليهو اسفه بس فضل ماسكني قال لي اشششششش ما عايز اسمع كلمة اسفه دي المفروض انا الاتسف ليك بس والله لو وافقتي تواصلي معاي اوعدك اعمل كل جهدي عشان اسعدك قلت ليهو اصلا قاعده 😍 ضماني عليهو عايزه يبوسني إنكمشت منو عمر فهم اني رافضه قال لي ما مشكله 😊 فكاني قال لي يلا اجهزي عشان نمشي الدكتور قلت ليهو عمر بالجد ما عايزه امشي بقلبي قلت احسن عمر يستفيد من القروش في حاجه تانيه 😔 قال لي صبرتي الكتير فضل القليل وبعدين مع التقدم الملحوظ الشوفتو هسي ده استحاله نوقف العلاج احتمال الجلسه الجايه تكون اخر جلسه 😉 قلت ليهو بصوت خجول عمر خلاص قال لي حياتو لـ عمر طلعت العبايه السودا من الدولاب قال لي لا شوفي وحده غيرها اتخلعت قلت ليهو دي مالها 😳 قال لي بس غيريها ما عايزك تمشي بيها ألبسي وحده أحلى 😊 لبست عبايه لونها منقاوي وهو لبس جلابيه علي الله ونحن طالعين قال لـ امو الليله ح نتأخر ما تنتظرونا ✋ طبعا اهلو ما عارفين اني بمشي اتعالج عند دكتور كل مره كنا بنكذب عليهم بكذبه جديده المهم بعد طلعنا في العربيه قلت ليهو ليييه غشيتهم وقلت ليهم ح نتأخر 😒 قال لي والقال منو كذبت عليهم نحن فعلا ح نتأخر لانو مرتي عملت لي حركه ظرييييفه فرحتني بيها وعايز اكافئها بعزومة عشاء 😘 بعد انتهينا من الدكتور وقال لينا دي اخر جلسه طلعنا اتعشينا عمر قال لي بدل فرحه بقت فرحتين شكلو الدنيا عايزه تضحك لي 😍 ولأ يا ربي ح تقفل ابوابها في وشي وتقول راجعه بيتهم رديت ليهو اي راجعه بيتنا لأنو العشاء مع عمتو ليلى أحلي مليون مره من العشاء ده 😒 قال لي افهم من كلامك ده انك بالجد ح تكملي حياتك معاي وبتعتبري بيتنا بيتك قلت ليهو وانت عندك إعتراض 😒 قال لي والله لو ما شالك قلبي أشيلك في حدقات عيوني 😍 قلت ليهو حدقات عيونك أعمل بيها شنو بس خُتني في كليتك والله فيها قروش تراب 😅 قعد يضحك قال لي ماديه بعد جينا راجعين ناولني التلفون واللابتوب قلت ليهو رجعتهم كيف ؟؟ قال لي سوقت معاي شيراز للمحل الباعتو وطلع ود حلال ورجعهم لينا في حين انو ممكن يرفض بس تاني ما تتصرفي من راسك 😒 قلت ليهو يعني عزمتني وبسطني وعايز تنكد علي 😏 قال لي بس ده مجرد تنبيه تاني يوم اتصلت شيراز قالت لي واااي يا شجن بسبب التلفون واللابتوب حقك عمر كان ح ياكلني بـ سنونو 😓 قلت ليها كيف يعني ؟؟ قالت لي جاني الجامعه وقال لي كيف تبيعيهم والحاله بقول عليك انتي أعقل من شجن حتي لو كانو حاجاتك وانتي محتاجه قروش كان تكلميني ولأ نسيتي اني اخوك ومسؤول منك ✋ والله عمر سمعني محاضره في الأخلاق طبعا انا اتخيلت منظرو صّاري وشو وبشاكل فيها قعدت اضحك 😅 قالت لي اضحكي ما هو انا الشاكلوني ما انتي 😏 بقلبي قلت يا المسكينه انا اخدت شكلتي قبلك قالت لي بالمناسبه والله قشرت بـ عمر في الجامعه 😌 قلت ليها شنووو !! قالت لي عشان جاني في الجامعه وركبت معاهو العربيه البنات فاكرنو ده الكراش حقي واتكسرو فيهو قلت ليها يكسر رقبتهم ورقبتك معاهم قالت لي سلفيني ليهو يوم عشان اثبت ليهم انو حقي 😂 قعدت اضحك قلت ليها هسي عليك الله المجنون منو فينا بس عمر المسكين مغشوش فيك وفاكرك عاقله 😅 سمعت صوت عمر قال لي دي منو المغشوش فيها قلت لـ شيراز بسببك ح أجن هسي سمعت صوت عمر وهو مافي تاني جاني صوت قال لي هووووي من يومك مجنونه ما تشبكيها في بنت الناس ساااي 😂 اتخلعت قلت بسم الله واتلفت لقيتو فعلا ده عمر قلت ليهو جيت متين 😳 والخط لسه فاتح عمر شال التلفون في اللحظه دي شيراز قالت لي شجن وااااي ده عمر ما يكون سمعنا قال ليها اسمع شنو مخبيين عني شنو ما عايزني أعرفو 😒 وشيراز ساكته قال ليها بتمنى ما تكون دي مصيبه جديده 😓 شيراز قالت ليهو لا والله قال ليها بس لو عملتو غلط إتأكدي اني ح احاسبك انتي يا شيراز لانو شجن دي اصلا مجنونه والمجنون ما مؤاخذ وغمز لي 😉 بس انتي فاهمه وعاقله ما تخلي شجن تخربك بعد قفل الخط عايز يحضني بعدت منو قلت ليهو عايز شنو بوحده مجنونه 😒 ضماني عليهو وقال لي وانا اعمل شنو لو بحبها بـ جنونها طيب المشكله دي يحلوها كيف 😅 ؟؟
#يتبــــع ⏪⏪⏪⏪
