#إحتل_قلبي
By : Ashgan ALjaaly ~
-١٠-
وأصبح ما عندي حل غير أرضى بالواقع 😭 وفعلا حددو يوم العرس وكان مفاجأه لكل الناس لأنو ما متوقعين إني أعرس بالطريقه دي 😳 حتى ام عمر وأختو ما مصدقين انو انا وعمر ح نتزوج لانو طباعنا مختلفه عن بعض 😓 وكل الناس محتارين اني وافقت كيف بـ عمر عشان عارفين انو طموحاتي كانت أعلي من كده 😔 واهل ماما كانو متوقعين اني أعرس ولد وزير او سفير بس إتصدمو 😔 وخاصه انهم إتفاجؤوا بالعرس طوالي من غير ما يسمعو بفترة الخطوبه 😓 وقبل العرس بـ يومين بابا أجر لي شقه أقعد فيها ايام العرس 😔 وعمل العرس فخم حسب حالتنا الماديه وعشان الاهل ما يشكو إنو في حاجه 😓 وفعلا قبل العرس مشيت قعدت في الشقه ومعاي شيراز عشان تحرسني وقافلين علينا باب الشقه من برا عشان ما أفكر أهرب 😅 وبابا كذب على المعازيم وفهمهم انو انا وشيراز سافرنا دبي عشان احضر الشيله 😓 وقال ليهم المفروض يرجعو السودان قبل يوم العرس بس الرحله ( الطيران ) اتأجلت ✋ وعملنا العقد في مواعيدو عشان عمر يسافر ليها ويقضو شهر العسل ويجو راجعين مع بعض 😊 طبعا جزو من المعازيم صدق الكذبه بس في جزو كبير ما صدق وبدو يخترعو السبب من راسهم وقالو انا رافضه العريس وبابا هو الـ جبرني عشان كده ما حضرت العرس والفئه دي أغلبهم من أهل ماما 😓 وحتي أهل عمر مفتكرين إني مسافره 😓 وبابا حبسني في الشقه لأنو حالتي النفسيه ما كانت بتسمح إني أحضر العرس وألبس زي أي عروس واظهر للناس 😔 وماما كل دقيقه بتتصل على شيراز تطمن علينا 😔 ويوم العقد من الصباح حسيت بروحي مخنوووقه 😔 وشيراز تهدي فيني قالت لي والله يا شجن ربنا عوضك بـ عمر 😍 وانا كنت بفكر في طريقه إتخلص بيها من المشكله دي والعرس ده كان عقبه بالنسبه لي 😓 ؟؟ لحدي ما خطرت لي فكره حلوه وبديت في تنفيذها قلت لـ شيراز الليله عقدي وانا عروس معقول أقعد بيضا كده 😒 عايزه صبغه اتحنن بيها عشان عايزه اعمل مفاجأه لـ عمر 😌✋ قالت لي شجن انتي جاده والله فكره حلوووه 😍 طيب الـ ح يحننك منو بالصبغه وقافلين علينا الباب من برا 😔 قلت ليها انا بعرف بتحنن بيها حنه عاديه بس لو ساعدتيني نجيب الصبغه 😊 قالت لي اساعدك كيف ؟؟ قلت ليها معقول ما عندك نسخه من مفتاح الباب وعاينت ليها بـ نظرة إستتنكار 😒 قالت لي والله العظيم المفتاح بس مع بابا 😢 قلت ليها انا لو صحباتي ما خزلوني كان اتصلت علي اي وحده جابت لي الصبغه بس الحيوانين خزلوني واتخلو عني 😔 قالت لي ولا يهمك هم الخسرانين طيب لو أنا اتصلت علي صحبتي وجابتها لينا ح ندخلها كيف والباب مقفول 😢 قلت ليها بالبلكونه ان شاء الله نربطها في قطعه ونحن أصلا في الطابق الاول يعني المسافه قريبه ✋ طبعا بعد كلمت صحباتي بالحصل معاي بسبب رامي بدل يقيفو جنبي ويواسوني بالعكس إتبرو مني كأني وحده منحرفه ومشبوهه 😢 وديل نفس صحباتي الـ كانو بشجعوني في علاقتنا عكس سلمى كانت بتحزرني من رامي وكنت بقول عليها إنها حاسده وحاليآ هي الوحيده الوقفت جنبي 😔 المهم شيراز اتصلت علي وحده من صحباتها جابت لينا الصبغه وفعلا اتناولناها بالبلكونه شيراز قالت لي اهااا ح تتحنني بيها كيف 😓 قلت ليها عادي حليت الصبغه جنبها وقلت ليها داخله الحمام أغسل رجلي عشان أعملها 😊 دخلت الحمام وشلت معاي باقي الصبغه من غير ما شيراز تشوفها وكباية مويه وعملت الصبغه في الكبايه 😓 وقبل ما أشربها رسلت لـ عمر رساله قلت ليهو اكيييييييد في اللحظه دي انت فرحان إنك عقدت علي عشان تقدر تنتقم مني وتتحكم فيني صح 😒 ؟؟ بس بقول ليك الف مبروووك عليك خسارتك لأنو اللحظه المنتظره دي عمرك كلو ما ح تحققها ✋ بعدها عمر رجع لي بمكالمه قفلت التلفون خاااالص بعد شويه سمعت تلفون شيراز رن وردت اهليييبين بالعريس 😍 قال ليها شجن وين ؟؟ قالت ليهو العريس الشفقان كلها ساعات وتكون معاها 😌 قال ليها بـحده شيراز ردي علي سؤالي بسرعه شجن وين 😠 ؟؟ قالت ليهو طيب ما تعصب فيني شجن في الحمام 😒 قال ليها امشي دقي ليها الباب وناوليها التلفون عايزها ضروري ✋ قالت ليهو اجيييي كيف يعني أمشي ليها في الحمام 😳 انتظرها بعد تطلع بكلمها تتصل عليك اصلا عامله ليك مفاجأه 😍 قال ليها بإنفعال شيراز اسمعي الكلام وما تناقشيني كتير وفعلا شيراز جات تدق في الباب وتناديني شجن افتحي الباب عمر عايزك في التلفون وانا شغاله أبكي وغالبني أشرب الكبايه 😭 قلت ليها شيراز قولي لـ ماما وبابا إني والله ما قصدي أوطي راسهم كده بس أنا زاتي اتغشيت وكلميهم يسامحوني والله بحبهم شدييييييد 😭 وعليك الله يا شيراز ما تخيبي أملهم زيي وعوضيهم بدلي وما تغلطي زيي وتثقي في زول ✋ طبعا شيراز شغاله تبكي وتقول لي شجن إنتي عايزه تعملي شنو شجن أفتحي الباب 😭 وانا غمضت عيوني وقفلت أنفي وشربت الكبايه بعد شويه حسيت بروحي ما قادره اقيف قعدت في الأرض 😔 طبعا عمر بعد اتصل علي وانا ما رديت طوالي دور العربيه وطول الطريق كان بيتكلم مع شيراز لحدي ما وصل الشقه وانا سامعه صوت عمر بعييييد يا شجن يا شجن وحسيت بلساني تقيل وغالبني أرد 😢 عمر كسر باب الحمام وانا فاقده الوعي 😔 وشيراز من شافتني مرميه في الأرض ومزبده فضلت تصرخ بطريقه هستيريه عمر صصصصج ضربها كف عشان توعى 👋🏻 أسعفوني للمستشفى ودخلوني غسيل معده مستعجل 😓 وعمر وشيراز قاعدين برا واعصابهم تالفه شيراز قالت لـ عمر ح اتصل علي بابا أكلمو 😭 بس عمر منعها قال ليها لسه المعازيم قاعدين وابوك ح يتخلع واكيييد ح يلفت انتباه الناس وكده ح يعرفو الحقيقه وح يكتشفو انو ابوك كذاب لانو فهم كل المعازيم انكم مسافرين ✋ بتكلمو كده الدكتور طلع وطمنهم انو حالتي مستقره وانو بكره ممكن نطلع البيت بس إضطرينا نعمل ليها عملية إجهاض ننزل الجنين لأنو اتوفى ✋ في اللحظه دي عمتو ليلى إتصلت علي عمر قالت ليهو صوتك مالو كده 😳 ؟؟ قال ليها انا كويس بس صاحبي امو اتوفت ولازم اقعد معاهو 😔 قالت ليهو بس يا ولدي الليله عرسك قال ليها العرس ملحوق ✋ وفعلا اليوم التاني خرجونا من المستشفى وصلنا الشقه وشيراز سانداني عليها لحدي ما رقدتني في السرير وعمر إشترى لي برتقال وقال لـ شيراز أعملي لـ شجن عصير مركز عشان تعوض الـفقدتو 😓 وفضل قاعد معاي وحارسني في الصاله برا لحدي ما البيت فضى من المعازيم والمساء رجعني بيتنا وكلم ماما وبابا بكل الحصل 😓 واتأثرو شدييييد وخاصه بابا واخيرا حضني عليهو وطبطب علي 😍 ماما قالت لي ليييه يا شجن تعملي كده ما لحقنا إستوعبنا الصدمه الأولى عايزه تصدمينا تاني 😭 بابا قال لي انتي عارفه لا قدر الله لو كان حصل ليك حاجه أنا كنت ضِعت بعدك 😔 واخيرا حسيت بأهتمام ماما وبابا زي الأول وأكتر 😍 وبديت إستجمع قوتي وأرجع شجن الأولى بوجود أهلي جنبي 😍 الحاجه الوحيده الـ كنت ما طايقاها وجود عمر 😓 يوم اتناقشت معاهو وقلت ليهو عمر انا عارفه انك اتزوجتني عشان تنتقم مني فرصه جاتك وما عايز تضيعها 😒 بس اتأكد تماما وقبل ما أتم كلامي قاطعني قال لي والله ده ما هدفي صح انا عرستك نتيجه الظروف الـحصلت 😓 بس عمري ما فكرت في الإنتقام والبنتقم من بنت لحظة ضعفها ده في نظري ما راجل ودي ما من صفاتي 😒 وفي الاخر انتي بنت عمي يعني عرضي قبل ما تكوني مرتي وما برضى فيك الكلام الشين ✋ ولو عايز انتقم منك ما كنت عرستك كان خليتك تتفضحي علي الملأ ده الإنتقام الحقيقي بس اكون ما راجل ود رجال لو عملت كده ✋ قلت ليهو يعني إنت عرستني عشان الحمل صح الطفل نزل والمشكله اتحلت ولحدي هنا مشكور تم جميلك وطلقني ✋ قال لي بخلعه شنوووو 😳 ؟؟ قلت ليهو طلقني واصلا نحن ما بننفع نعيش مع بعض 😓 قال لي تمام بكره ح تستلمي ورقتك ✋ المساء بابا ناداني لم نزلت تحت قال لي شجن لمي حاجاتك عشان بكره ح ترحلي بيتك 😊 قلت ليهو بخلعه شنووو ياتو بيت 😳 قال لي بيت راجلك مع مرت عمك وسحر 😊 قلت ليهو اكيييد يا بابا بتهظر انا استحاله اسكن في البيت هناك واصلا انا و عمر قررنا انو ننفصل ✋ قال لي الطلاق ده بعدك 😓 انا كلمت عمر مافي اي طلاق كفايه خليتك طول حياتك تتصرفي علي راحتك بس في الاخر غير وقعتينا في المصايب ما عملتي حاجه 😠 ولو عايزانا انا وأمك نسامحك علي غلطتك تنسي موضوع الطلاق ده خااالص وتمشي مع راجلك ✋ قلت ليهو بس إنتو كده عايزين تتخلصو مني ولو مشيت تاني ما ح اجي البيت ده طول حياتي وطلعت الغرفه أبكي 😭 عمر جا داخل الغرفه قال لي بخلعه شجن في شنو 😳 ؟؟ قلت ليهو ده الـ عايزو انت عايزني اتعذب معاك عشان كده كلمت بابا يعني عشان غلطه واحده انهي حياتي كلها بالعرس ده 😭 قال لي والله انا كلمت ابوك اننا اتفقنا ننفصل وإنو ما بننفع نعيش مع بعض وعمي قال لي لو عايز رضاي عليك ما تطلقها ✋ عرفتي يعني حتي انا مجبور اني اعيش معاك وإطمني ح نعيش منفصلين لحدي ما نقنع أبوك بالطلاق 😓 وبقلبي قلت ليهو زي ما إستخدمت بابا عشان يجبرني أعيش معاك ح إستخدم أهلك في إني أجبرك تطلقني بأسرع وقت وفعلا رحلنا بيتهم وبديت في تنفيذ الخطه 😌✋ ""
#يتبــــع ⏪⏪⏪⏪
