قلت لـ عمر ما تتنرفز بكره شوف ليك مستأجر للشقه عشان قررت اقفل المحل ✋ قال لي وقرارك ده اعتبرو زعل ؟؟ وانا ساكته قال لي انا كل الطالبو منك تنظمي وقتك والحمد لله ما محتاجين للقروش عدينا بظروف اصعب من كده وما نقصت منكم حاجه ولا قصرت في حقكم صح ولأ غلط 😓 دخلت المطبخ أحضر العشاء عمر جا ساعدني وبعد خلصنا وغسلت العده عايزه أطلع من المطبخ إعترض طريقي في الباب قال لي عندي بنتي عايز أحجز ليها عندك تمكيجيها لي ممكن 😊 قلت ليهو لااا لأني إعتزلت الشغل مسك يدي وجراني عليهو قال لي يعني الواحد ما يتناقش معاك 😒 قلت ليهو بس تتناقش معاي بإسلوب أحسن من كده 😏 ضِحك وقال لي يا بنت الحلال إتكلمت معاك كلام عادي يعني ما مديت عليك يدي قلت ليهو بس إتكلمت معاي بحده 😏 قال لي كنت معصب متوقعه إتكلم معاك كيف ؟؟ والله يا شجن كل القصه اني إشتقته لحياتنا البسيطه زمان أنا كنت كل إهتمامك أما حاليا شغلك هو الأهم 😔 قطعت كلامو قلت ليهو عمر والله انت بالجد كل إهتمامي وما بنسى انو نجاحي ده بفضلك إنت بعد ربنا بس أوعدك أنظم وقتي ✋ باسني في خدي وقال لي ده كل العايزو لاحظتي لم تتناقشي معاي بدون زعل النقاش بيكون ساهل وبسرعه بنصل لحل 😘 بعد رجعنا الغرفه قال لي شجن ما إشتقتي لـ امي قلت ليهو يا سلااام ياااخ عمتو ليلى مافي زيها بس سحر أنانيه مسكتها معاها 😔 قال لي طيب رايك شنو أمشي أجيبها قلت ليهو تمشي وين السعوديه 😳 قال لي اااي ليييه مستغربه كتيره علي إني أسافر وعندي فكرة أعمل عُمره قلت ليهو أحلى خبر 😍 قال لي وإحتمال أسافر ومعاي اولادي بقلبي قلت ( أولااادي 😳 !! ) يعني قصدو أنا ما معاهم غالباهو قروش تذكرتي ولأ أصلا ما عايز يسوقني نظام يعاقبني 😏 قطع تفكيري قال لي اهااا ح تنتظرينا وين ؟؟ تمشي ناس امك 😊 قلت ليهو سافر انت واولادك وما عندك علاقه بي وإتجهت منو بالجانب التاني 😒 بس لفتني بـ يدو قال لي كيف ما عندي علاقه مرتي وعايز إطمن عليك قلت ليهو سافر وانت مطمن 😏 قال لي طيب تسافري معانا قلت ليهو لاااا قال لي ما نفسك في عُمره قلت ليهو ح أسافر براي 😏 قعد يضحك قال لي حضري حالكم ان شاء الله خلال شهر ح نسافر قلت ليهو درب السلامه قال لي يا بنت انتي هبله معقول نسافر من غيرك مرات بحس انك بريئه وبتصدقي اي حاجه ومرات إبليس يستغرب فيك 😅 وفعلا ربنا أكرمنا وكتب لينا عُمره وكانت مفاجأه لـ عمتو ليلى وسحر 😍 وأثناء ما بندردش لؤي قال لي تصدقي يا شجن أمس إتصلت علي السودان وإتفاجأت بخبر زواج ياسر قلت ليهو شنووووو 😱 ياسر إتزوج على مرتو قال لي اصلا ما في زول مصدق ومرتو عرفت بالصدفه 😓 طبعا إنفعلت من غير ما أشعر قلت ليهو اصلا الرجال ما عندهم امان والمفروض تتطلق منو طوالي وتسوق اولادها ولسه منفعله لؤي قال لي إحتمال عندو سبب مقنع ✋ قلت ليهو ما تبرر لـ ولد عمتك عرس في مرتو يتحمل نتيجة غلطتو 😒 وعمر ساااكت ويعاين لي وأول ما دخلنا الغرفه قال لي شجن ما ملاحظه انك إنفعلتي شويتين في خبر زواج ياسر 😊 قلت ليهو لأنو ختيت نفسي مكانها 😢 ضماني عليهو قال لي ما تختي روحك مكان زول وإطمني عمري ما ح أعمل كده علي الأقل عشان خاطر أولادي ما يمرو بنفس الظروف المريت بيها أنا ✋ وفعلا كنت متنشنه إحتمال عشان أبو عمر إتزوج مرتين 😓 عمر عايز يخفف من التوتر قال لي عندي فزوره في وحده كملت الاعراس كلها تمشي من عرس لـ عرس وعرسها ما حضرتو إسمها منو 😅 ؟؟ قاصدني انا الحيوان 😒 ضربتو في كتفو 👊🏻 قال لي بس أوعدك لو حضرت عرس أولادنا ح أعمل ليهم عرس فخم قلت ليهو لااا ح نعرس ليهم بنفس طريقتنا عشان يعيشو مبسوطين زينا ✋
