عمر قال لي شجن عرس ولد خالتك متين قلت ليهو بعد شهرين بس انا ما ماشه قال لي لااا إتفقنا انك تاني ح تمشي اي مناسبه صح وح نرمي الفات ورانا ✋ يلا حضري شعورك انك ح تمشي قلت ليهو بس والله ما عندي ليهو مزاج قال لي برضو تمشي عشان تكسري الإنطوائيه العايشه فيها دي 😘 بعد عمر طلع الشغل اتصلت ماما قالت لي شجن تعالي عشان تمشي معاي لمصممة التياب تعمل ليك توب للعرس 😍 قلت ليها لا أمشي إنتي انا ما عايزه 😊 قالت لي عارفه انتي ما عايزه عشان القروش تعالي وقروش توبك بدفعها انا ✋ قلت ليها لا ما عشان القروش بس بالجد ما محتاجه لـ توب 😊 قالت لي كيف ما محتاجه عايزه تفضحيني وسط الأهل 😠 قلت ليها اطمني ما ح افضحك لإني اصلا انا ما جايه العرس 😏 قالت لي يا شجن افهميني الناس كلها في العرس ده ح تكون عينها عليك عشان ده اول عرس تحضري بعد ما اتزوجتي والله القروش علي انا ✋ طبعا اهل امي كلهم بتهمهم المظاهر قلت ليها عشان كده ما جايه العرس خليهم يقطعو في زول غيري وقفلت الخط 😓 رفضت عرض امي مع انو كان مغري بس ما بقدر اوافق واجرح مشاعر عمر 😔 وفضل للعرس شهر وكل يوم عمر كان بيجي راجع من الشغل الدوام المسائي متأخر بعد الساعه 10 😢 وكل ما أسألو يقول لي ضغوط الشغل ويوم كـالعاده جا راجع الساعه 11 مساء عايزه اطلع قال لي شجن تعالي دقيقه قلت ليهو عايزه أناولك كباية مويه 😊 قال لي ما عطشان تعالي قعدني جنبو وناولني ظرف قلت ليهو ده شنو قال لي افتحي وانتي تعرفي لقيت فيهو قروش قلت ليهو دي شنو 😳 قال لي 10 الف ظبطي بيها نفسك للعرس انا عارف لو كنتي في بيت ابوك كان صرفتي اكتر من كده بس ما قدرت اتحصل علي مبلغ اكتر من ده 😔 رجعتو وقلت ليهو منو الـ قال ليك انا عايزه قروش وانا اصلا ما ماشه العرس 😒✋ قال كنتي ما عايزه تمشي عشان القروش صح والحمدلله اتحلت قلت ليهو انت جبت القروش دي من وين قال لي سرقتها يا بنت ده من عرق جبيني وشغلي والله ✋ قلت ليهو بس قطع كلامي قال لي شجن ما تحسسيني اني عاجز وما قادر اوفر ليك متطلباتك 😔 وما عايزك تكوني اقل من الناس الفي الحفله عايزك بنفس الهيئه البتكوني طالعه بيها من بيت ابوك تطلعي بيها من هنا طبعا ده خلافا للبس المشخلع الـ كنتي بتلبسي واداني ابتسامه 😅 وهسي شيلي القروش دي من قدامي قبل الشيطان يوز لي وأغير رأيي وعشان ننوم لأني بالجد تعبان 😓 كان نفسي ابوسو في خدو بس ما كنت قادره 😢 قلت ليهو طيب ما تنوم عايزه اعمل ليك العشاء قال لي لا ما عايز لو لحقت نومت كفايه ✋ شلت القروش واليوم التاني مشيت السوق وسوقت معاي سحر اشتريت توب اوف وايت فيهو لمعه عشان ما بيحتاج ألبس معاهو دهب لأنو اصلا ما عندي دهب وطقمتو حتي الشنطه والإكسسوارت واشتريت لـ عمر قميص اوف وايت وبنطلون اسود 😍 واشتريت لـ عمتو ليلى توب وبعد تعب اقنعت سحر تشتري فستان ✋ بعد عمر جا راجع من الشغل ناولتو 500 جنيه باقي السوق قال لي خليها معاك ح تحتاجي لقروش حنه صح 😊 قلت ليهو بصوت مكسور عمر صّر وشو قطع كلامي وقال لي والله تفتحي لي سيرة القروش تاني ح ... قلت ليهو من غير ما تعصب خلاص سكته وناولتو القميص قال لي يا سلااام يا سلااام على الذوق الراقي 😍 قلت ليهو ده ح تمشي بيهو العرس قال لي اكيييد لااا لأنو انا ما ح أدخل ح أنزلك جنب باب الصاله وأجي راجع البيت وبعد الحفله ح أجي أرجعك 😊 قلت ليهو والله ما تمشى معاي انا ما ح امشي ✋ دلعت ليهو صوتي وقلت ليهو خلاص ما مشكله نقعد الإتنين 😔 قال لي خلاص زعلتني شجوني قدري موقفي أنا ما بعرف زول من أهل أمك ولو مشيت ما ح أكون مرتاح 😓 قلت ليهو والله ح نقعد بس 5 دقايق ونجي راجعين الله يرضى عليك وافق وختيت راسي في كتفو قال لي أمري لله 😓 وفعلا يوم العرس طقمنا مع بعض وانا إتحننت نقشه رفيعه واتمكيجت مكياج خفيف وطلعنا 😍 واقنعت سحر تمشي معانا وصلنا الصاله عمر قال لينا انتو ادخلو انا ببركن العربيه وبحصلكم ✋ بس أنا رفضت قلت ليهو لا ح ندخل مع بعض لأني كنت متأكده أنو بكذب علي وما عايز يدخل وفعلا دخلنا وبالرغم من بساطتي في اللبس بس كنت واثقه من روحي 😍 حتي ماما اتفاجأت واشرت لي بيدها مشيت تربيزتهم سلمت عليهم كانت قاعده مع خالاتي وكل وحده تسلم علي كنت بسمع منها كلمة ما شاء الله 😘 ماما قالت لي أقعدي هنا 😊 نظام في تربيزتهم قلت ليها لا ح نقعد في التربيزه الفاضيه دي وفعلا قعدنا انا وعمر وسحر وجات شيراز قعدت معانا قالت لينا والله انتو الليله طلعتو نجوم الحفله 😍 عمر قال ليها بطلي بكش وما تبالغي 😅 قالت ليهو والله دي الحقيقه عمر همس قال لي كان نفسي اعمل ليك عرس زي ده 😔 قلت ليهو هسي ما فات شي نمشي نقعد في الكوشه والناس تبارك ليك والفنان يغني بـ إسمنا واصلا لابسين ابيض 😌 قعد يضحك قال لي يا ريت لو عندي قروش قلت ليهو المشكله ما في القروش تفتكر اي زول يعرس كده ح يعيش سعيد زينا 😍 قال لي ده علي اساس انتي سعيده قلت ليهو حرام عليك انا ما سعيده انا شجن ما عرفتني قال لي وقسما مجنونه 😅 وطبعا اتلمو معانا بنات خالتي في التربيزه بعد شويه عمر همس لي شجن انا ح أقعد برا شويه قلت ليهو ده هروب تكتيكي صح 😒 قال لي لا هسي بجي 😊 وطبعا التربيزه ما شاء الله اتملت بنات خالتي ورفعو لي معنوياتي اني طالعه قمر 😍 وحتي عمر ما سلم من لسانهم قلت ليهم اخجلو دي سحر اختو عايزنها تقول بنات خالة شجن خفيفات 😅 سحر قعدت تضحك قالت لي لا والله عادي وبدت الحفله كانت مهجهه ومن زمان انا وبنات خالتي في أي حفله من الداره ما بنطلع بس هسي عامله تقيله نظام متزوجه وكده 😌 بس بنات خالتي جبروني ارقص معاهم والكاميرا ما قصرت معانا وبعد رجعت التربيزه قلت لـ سحر اخوك هرب وما جا راجع 😓 قالت لي اصلا ما بحب الأضواء دي قلت ليها فاكر روحو نجم مشهور ولأ شنو وقعدت اضحك 😅 في اللحظه دي الكاميرا ثبتتني من غير ما ألاحظ وبعدها تلفوني رن قلت ليها ده عمر رديت وما كنت سامعه حاجه غير قال لي تعالو برا دقيقه 😓 ونحن طالعين أشر لي لقيتو قاعد في آخر الصاله قال لي تعالي اقعدي هنا المكان ده مناسب 😊 سحر قالت ليهو والله المكان الأول احسن من هنا 😓 قال ليها بحده سحر وصّر ليها وكل مره كانو بثبتو صورتي وفي تعابير وش عمر ما كان راضي حسيت بيهو ح يكسر الشاشه 😓 سحر قالت لي العسل دي منو وتعاين لي 😉 قلت ليها سجمي والله ما كنت منتبهه وعمر ساكت 😓 " بس بصراحه المصور مبدع لقط الصوره وأنا ماسكه التوب عايزه أرفعو في راسي وبضحك بعد الحفله ماما قالت لي ما شاء الله طلعتي نجفه 😍 بس جبتي قروش الحاجات دي من وين قلت ليها من راجلي نسيتي اني متزوجه راجل يسد عين الشمس 😊 واصلو ما مقصر معاي وبعدين عشان تعرفي الأناقه في البساطه ✋ طبعا بالرغم من انو كل الموجودين لابسين تياب فخمه ودهب كتير بس أنا لفت انظار الجميع 😍 بعد رجعنا البيت سحر بتحكي لـ عمتو ليلى بالعرس قالت ليها وما شوفتي شجن كانت تحفه 😍 والمصور علق فيها وبسببها عمر رجعنا من اول الصاله لأخر الصاله وما فضل الأ يقتل المصور 😓 إتلفتت قالت لي انتي فاكره رجعنا ورا عشان شنو كلو بسبب الغيره قلت ليها ما تباالغي اخوك معقد ما أكتر 😓 بعد دخلت الغرفه سألت عمر عايزه إتأكد قلت ليهو لييه رجعتنا ورا وكنا قاعدين مرتاحين 😒 قال لي بإنفعال الترابيز كلها واحد كان ورا ولأ قدام وانتي زعلانه عشان رجعتك ورا ليييه 😠 طبعا بتكلم معاي ومنفعل وانا مبسوطه بتعابير الغيره الشوفتها في وشو وكنت متعمده أسألو 😅 قلت ليهو زعلانه عشان عرس اخوي ولد خالتي وقاعده آخر الصاله 😊 هز راسو وقال الصبر من عندك يا رب 😓 طيب ممكن نواصل النقاش الصباح عشان عايزه انوم بكره وراي شغل ✋ قلت ليهو اوك واصلا الموضوع منتهي قال لي الحمدلله الـ فهمتي انو منتهي 😓 نومت وانا مبسوووطه واهتمامو بي كان من اكبر سعادتي بس برضو في حاجز بينا ما قادره أكسرو 😔 وعمر ما كان بيضغط علي واحتمال ده من الأسباب الخلتني احترم عمر زياده 😍 بعد يومين جات سعاد ( مرت جيرانا ) بعد سلمت واثناء ما بتتونس قالت لـ عمتو ليلي والله ما شاء الله عرفتي تربي أولادك أدب وأخلاق 😍 عمتو ليلى قالت ليها والله اولادي يا هم اولادك سعاد قالت ليها والله صدقتي وعمر ربنا يفتحها عليهو وبارك الله فيهو أمس المساء طلبنا ترحال وسبحان الله جانا عمر ورفض يشيل مننا حق المشوار ✋ قلت ليها بس يا خالتو ده عمل خير كيف ح يشيل منك قروش 😓 قالت لي يا بنتي ده شغلو وأكل عيشو ما فيها حاجه لو إعتبرنا غرباء وشال حقو بس هو عشان ولد إصول رفض 😘 طبعا قصة شغلو دي غاظتني قلت ليها بس هو ما شغال توصيل قالت لي كيف يعني 😳 يا بنتي نحن طلبنا عربيه عن طريق التطبيق وجانا عمر ✋ طبعا بعد لقيت المرا مٌصِره على كلامها والغربيه سحر وعمتو ليلى ساكتين سحبت كلامي وقلت ليها اهااا صح بس قصدي اكيييد ما ح يشيل منك قروش لأنك في مقام امو قالت لي تسلم البطن الجابتو 😘 والله انتي زاتك بنت اصول قلت ليها تسلمي يا خاله وبعد الصدمه الـ عرفتها في شغل عمر استأذنت منها دخلت غرفتي ومنتظره عمر بفارغ الصبر عشان أواجهو في كذبو علي ✋ ""
#يتبــــع ⏪⏪⏪⏪
